Dodadi 36:20 - Ma Jou ai Demo-demo o Totobelohoka

^20-21 De ma dihira o Esau de ai nyawa ko yogogeruahi o tonakoka gea de nagau o Hori ma nyawa womatengo ai romanga o Seiri abe una wohira wogogere genangoka. De hokonaa o Seiri ma nyawa abe yodadi o dutu-dutu ma titi yomahitoomu de yomahiromangika o Seiri ai totofora manga roma-romangika. Ho manga dutu amomoi yomahiromanga o Lotana ma nyawa, o Siobala ma nyawa, o Sibeono ma nyawa, o Ana ma nyawa, o Disiono ma nyawa, o Esere ma nyawa de o Disiana ma nyawa. Ho o Hori ma nyawa mata-mata gea yotofora o Seirika de onangoo yogogere o Edomo ma tonakoka.

Dodadi 36:20 ပူးပေါင်းရင်းမြစ်များ

Dodadi 36:19

Hokogea o Edomo ma nyawa yodadi o dutu-dutu de ona mata-mata yotofora o Esauika abe ai romanga moioli o Edomo.

Dodadi 36:2

Una womale ngoi fekata yahinooto o Kanani ma nyawaino, abe momatengo o ngo Ada, ami baba o Elono, o Hete ma nyawa. De ngoi fekata momatengoli o ngo Oholibama abe ami baba o Ana de ami ete o Sibeono, ona o Hewi ma nyawa.

Higalioli 2:12

De ma dihiraino de naga o Hori ma nyawa abe yogogere o Edomo ma tonakoka masara ipahaino de o Esau ai totoforauku yakiniiki de yahibinaaha o Hori ma nyawa gea. De ipahaino de o Esau ai totoforauku gea onangoli yomanoa o Edomo ma tonakoka. De gea tanu imaketero dika hoka o Isiraele ma nyawa ahao yodiai o Kanani ma tonakoka, abe yakiniiki ma nyawa abe yogogere genangoka de ahao onangoli yomanoa genangoka angamoi gea ma tonaka abe Ma Jou o Yawe wahidoaka onangika.

Higalioli 2:22

De ai datoro gea duru imaketero dika de abe hokokia waduhunu o Edomo ma nyawa. Abe Una wahibinaaha o Hori ma nyawa la o Esau ai totoforaukuoli yomanoa manga tonakoka. De hiadono ma oraha naa o Esau ai totoforauku ona nagahi ma tonakoka gea.