Dodadi 36:15 - Ma Jou ai Demo-demo o Totobelohoka

¹⁵ Ho o Esau ai totoforauku abe ai ngofaka o Elifasino ona ahao yomahitoomu ma titi manga totofora o Elifasa ai ngofa-ngofaka. Ho naga o Esau ai totoforauku yomahiromanga o Temana ma nyawa, de utu yomahiromanga o Omara ma nyawa, de utu yomahiromanga o Sefo ma nyawa, de utu yomahiromanga o Kenasa ma nyawa,

Dodadi 36:15 ပူးပေါင်းရင်းမြစ်များ

Dodadi 36:14

De naga o Esau ai ngofa-ngofaka yahange ngoi fekata o ngo Oholibamino abe manga roma-romanga o Yeusi, o Yaelama de o Kora. O ngo Oholibama ami baba o Ana de ami ete o Sibeono.

Dodadi 36:16

de utu yomahiromanga o Kora ma nyawa, de utu yomahiromanga o Gaetama ma nyawa, de utu yomahiromanga o Amaleke ma nyawa. Ho o nyawa mata-mata gea o Esau de ngoi fekata o ngo Ada manga totoforauku.

Dodadi 36:18

De o Esau ai totoforauku abe ngoi fekata o ngo Oholibamino, onangoo ahao yomahitoomu ma titi manga totofora manga roma-romanga. Ho naga o Esau ai totoforauku yomahiromanga o Yeusi ma nyawa, de utu yomahiromanga o Yaelama ma nyawa, de utu yomahiromanga o Kora ma nyawa. Ho o nyawa mata-mata gea o Esau de ngoi fekata o ngo Oholibama manga totoforauku. Abe o ngo Oholibama gea to muna ami baba o Ana.

Dodadi 36:4

O Esau de ngoi fekata o ngo Ada manga ngofaka o nauru womatengo dika ai romanga o Elifasa. De ai ngofa-ngofaka o nauru abe wamake ngoi fekata o ngo Oholibamino, manga romanga o Yeusi, de o Yaelama de o Kora. De ai ngofaka womatengoli wamake o ngo Basematino ai romanga o Rehuele. Ho to Esau ai ngofaka o nauru yamotoa de ona mata-mata yomaboa o Kanani ma tonakoka.

Higiriiri 37:35

Ma moiokau ngohi ma hirete tamake hokogea idadi womatengoika, De una gea duru womasade ho tihiketero de o gota moi, Abe o gota duru imaboo-bootiye de duru irikoto, Hokogea una womatobasade tihiketero de to una ai buturungu.

Huhupu 15:15

De abeika o Edomo ma nyawa manga dimo-dimono, Onangoo ma yatomomonoka ma titi gea Ngona nodiai, De yahidulufungoka o hawana o Moaba manga dimo-dimono, Ka de miboa manga tonakika de duru yofafara onangoo. Hokogea o Kanani ma nyawa manga buturungu ihihangoka.

Habaku 3:3

Ngohi o Habaku tomaniata ipaha de ahao Ma Jou wohihimatoko moi ngohino abe ma himatokino gea de ka idadi tamake Ma Jou ai buturungu. De hokonaa ai himatoko ma dola tamake. Ngohi timake Ma Jou Una o Edomo ma tonakoka de waino woboa. Una abe Wotebi-tebini o Parana ma lokuoka wosoboka de naa woboaino naangino. De ka idadi tamake to Una ai medebini ma dararono daku ma dihangoka arihonongaka. De nako dau o duniauku naa ngaro o kia-kiaka dika masara naga o nyawa abe iwihigiriiri Unangika.