Dodadi 35:4 - Ma Jou ai Demo-demo o Totobelohoka

⁴ Ho ona mata-mata yakokile o pangao abe naga onangoka de ihidoaka o Yakubika de naga ihidoakoli manga ngaukuku mata-mata abe enangoo hoka o popangao ma kiahonanga. De ma kiahonanga gea mata-mata o Yakubu watoomuino de ahao wohibaiti o gota moi ma timiuku abe naga o Sikeme ma datekoka.

Dodadi 35:4 ပူးပေါင်းရင်းမြစ်များ

Dodadi 12:6

De ma oraha gea nagau o Kanani ma nyawa yogogere genangoka. O Abaraama de ona abe yomakutuono de una yomahiadonino o Kanani ma tonakino masara ona ka yogila-gila yowohama ho ka yotagi-tagiohi hiadono yoboa o Sikeme ma kapongo ma datekino. Abe genangoka naga o gota moi duru ma amoko de ma ngi gea ihiromanga o More, de yomahidodogumikahi o Moreoka.

Dodadi 35:5

De genangoka ona yosobo ma, ko moiua yaparangi. Abe ngaro o tonakoka gea naga ma kota ma ngoe masara o nyawa mata-mataika genangoka Ma Jou duru wahimodongo o Yakubika ho hiadono ko yamoroinua yaparangi.

Huhupu 32:20

De gea o Musa waleoli manga pangao o hapi ma ngofaka de gea ena wahakai hiadono iwaroli de ahao ma gurasi gea wawedere ka hiadono wamata-matauku watutuku ho idadioka hoka o dofae ma mangaluhu. Hokogea wawedere ibootoka de ahao ma gurasi gea wohisapuru de o akere de wahuloko o Isiraele ma nyawaika la ona kiani yakokiokere ma akere gea ka hiadono yamataka. Hokogea una wahohowono onangika de manga pangao gea.

Hihira 9:6

De gea yatoma ipaha de o Sikeme manga balu-baluhu de manga dodiawo abe o Bete-Milo manga balu-baluhu, ona mata-mata yomatoomuino o gota ma amoko moi ma timiuku o Sikemoka. Abe genangoka naga ma ngi yomahuba-huba manga jou ma homoaika. Ho ma wange gea de ona iwigoraka o Abimeleke genangoka la womulaenge wahikoano onangika.