Dodadi 35:18 - Ma Jou ai Demo-demo o Totobelohoka

¹⁸ Masara o ngo Rahele ka de momangakunu de mohonenge de ngade-ngade ami ngomaha itoaka de motemo mato, “Una naa duru o huha ma ngofaka ho kiani nihiromanga o Ben-oni.” Masara ai baba wato, “Koua, hokogenangua angamoi una ahao duru ahi datekoka ho tihiromanga, ‘Ahi Nirakoka.’” Ho de to ona manga demo o Yakubu wifetongo, “o Benyamini.”

Dodadi 35:18 ပူးပေါင်းရင်းမြစ်များ

Dodadi 30:1

De angamoi o ngo Rahele ami ngofaka ko iwa de ngomi riaka ami ngofaka naga ho ka ihikaika momitaleana ngomi riakika. De motemo de ami huha ami rokatika mato, “Yakubu, kiani ngohioo nohihidoaka o ngofaka ngohino, nako ko nohihidoakua de ahao ngohi tohonenge dika!”

Dodadi 35:17

De muna duru mokangela momagerewoto masara muna gea momiduhu-duhunu ahao momihingahu mato, “Rahele, ngaro ufa nahuha ani ngofaka ka o nauroli namakeoka.”

Dodadi 35:19

Ho gea o ngo Rahele mohonengoka de imilungunu o ngekomoka abe o nyawa yaniiki nako yoiki o Efaraatika, ma titi o Beteleheeme ma kotaika.

Dodadi 35:24

De o ngo Rahele ami ngofaka o Yusupu de o Benyamini.

Dodadi 42:38

Masara ka de gea woihene de o Yakubu ai hininga ma huha ka idogo dika de wato, “Ngona kiani nototoihene ahi demo naa, ahi ngofaka o Benyamini, ko woikua! To una ai riaka wohonengoka ho ka unangokahi abe ngoi meme ami ngofakino ho ko tihigunoaua! Abeika ahi pea naa iarehoka ho nako unangoo ahao wobodito de ahi hininga ma huha dika de hiadono tohidohonenge!” Hokogea o Yakubu ai hininga ma huha ma demo.

Dodadi 42:4

Masara o Yakubu ko wihigunoaua o Benyamini waniiki done unangoo hoka o Yusupoli wobodito. O Benyamini duru o Yusupu ai dodoto abe manga meme ka moiino dika.

Dodadi 43:14

De ngone duru honganono la Ma Jou Wokokurutiye winiduhunu la ma oraha niwihimanga o Mesiiri ma popareta gea de una winisanangi nginika hiadono o Simeono wihigilio nginika de o Benyamini ko witumungua genangoka la ka idadi ngini nikokilioli nenangino. Masara nako yohonenge de gea ahi hininga ma huha ngaro kohadubuho masara ka tamoku dika.” Hokogea o Yakubu ai behehongo o Yehudaika de ai ria-dodotika.

Dodadi 49:27

O Benyamini hoka o fuhuku ma kaho abe ena duru itualono, Hiadono ai nyawa yososawaro yagogataheke manga musuika, O ngoru-ngorumiye yamataka manga musu abe yahikalaka, De o futu-futuiye yahikodoku manga musu manga kiahonanga.”

Higiriiri 16:10

De Ngona, ahi Jou, naa moi ngohi duru tohioriki de tongaku, Abe ma oraha tohonenge de ngaro ufa ngohi tohawana, Angamoi ko nohihigunoaua tomanoa o honenge ma ngiika ka hiado-adonika. Imaketero hoka Una duru Wotebi-tebini abe nomadingakoka, Unangoo ko nihigunoaua la ai honenge iwedere o lungunu ma goronaka.

Huhupu 12:7

De ma oraha o tau homoi-homoiika manga domba yatoaka ma ngomahino de kiani ma awunu yatakunu. De ma tau gea abe yapake la yolomo manga domba ihidoomuino genangoka kiani ma poretoka naga ma dodunguu hokonaa. Manga domba ma awunu gea yatakunino kiani yaoino la ihiehe manga tau ma ngorana ma liate arihonongaiye de daku ma dukurino enangoo ihiehe.

Lukasa 12:20

“Masara de ahao Ma Jou witaere unangika wato, ‘Ngona duru nobodo! Angamoi duru o futu naa dika de ani bobaha adonoka. Ho bote onagona ahao yamake to ngona ani kiahonanga mata-mata abe ka nomatobatoomuino ngonaika?’ Hokogea Ma Jou ai demo wokaya-kayaika.”

Lukasa 23:46

De ma oraha gea de o Yesusu wopoaka waamo-amokiye wato, “Baba, naa Ngohi tomahidoaka ahi womaha la tonihitagongo to Ngona ani giama ma hoatika.” De hokogea wopoaka ibooto de gea ai ngomaha itoakoka.

Hidingoto 7:59

De abe iwihohakaru manga gogiriaka de o Setefanusu womaniata wato, “Ahi Baluhu o Yesusu, naa tomagahoko la Ngona nodafongo to ngohi ahi jiwa!”