Dodadi 35:1 - Ma Jou ai Demo-demo o Totobelohoka

¹ De Ma Jou wihibehehongo o Yakubika wato, “Yakubu, ma oraha adonoka ngona nomaturuuru ma ngiika abe ma dihira nohiromanga o Betele de ma titi ngona nato to Ngohi ahi tau genangoka. De nako nomahiadonoka genangika de o huhuba ma ngi nodiai abe gea napake la nomahihuba Ngohiye. Ngohi naa Ma Jou abe ma dihira tomahimatoko ngonaika ma oraha ngona genangoka angamoi ani riaka o Esau nimodongo hiadono ngona noara.” Hokogea Ma Jou ai behehongo o Yakubika.

Dodadi 35:1 ပူးပေါင်းရင်းမြစ်များ

Dodadi 12:8

De ma oraha o Sikemoka yosobo de o Abaraama de ai dodiawo mata-mata yoikoli manga dumutu o loku-lokuika abe naga o Betele ma kota ma honongaka o wange ma botokaiha. De yotuluikahi ho genangokali to ona manga tau o ngoerino ihigokoiyeoli. De ma ngi gea o Betele ma kota de o Ai ma kota ma hidogoronaka abe o Betele naga ma honongaka o wange ma dumuniha de o Ai ma kota naga ma honongaka o wange ma botokaiha. De manga huhuba ma ngi moioli genangoka o Abaraama wodiai Ma Jou o Yaweika la ka idadi manga aewani yomahihuba Unangiye. De o Abaraama duru ai hininga ka ihikaika womahuba Ma Jou o Yaweika.

Dodadi 16:8

De womileha munangika wato, “O ngo Sarai ami gilaongo o ngo Hagara, ngona naa o kiaino noboa? De nato o kiaika noiki?” De muna mopaluhu mato, “Naa igoungu, ngohi toara, ahi dutu o ngo Sarai gea tomidogunoaika.”

Dodadi 22:14

De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Dodadi 29:1

De naa o Yakubu wogila-gilali hiadono woboa to ona manga tonakino abe yogogere o wange ma botokaiha.

Dodadi 31:13

Ngohi naa Ma Jou tonitemo abe ma dihira tonitutumu o Beteloka de ngona napake ma hakaru gea hoka o hohininga ma liate de ma lokuku nogopoauku o minya la nohitunguu ma hakaru gea nomadingakoka Ngohino. De ma oraha gea nohihibehehongo abe nomahijou Ngohino dika. Ho naa tonihingahu adonoka ma oraha abe kiani o tonaka naa nanoaika de nolio to ngona ani tonakika abe genangoka nomaboa.’ Hokogea Ma Jou wohihibehehongo ngohino, ti ngini nia rokatino, ho naa tinileha sarakia ti ngini nia hininga?” Hokogea o Yakubu ai hitararono ngoi feka-fekatika.

Dodadi 31:3

De ahao Ma Jou o Yawe wotemo o Yakubika wato, “Adonoka ma oraha ngona kiani nolio ani ete de ani baba manga tonakika. Nolio abe genangoka ani gogianongoru yogogere de Ngohi ka ihikaika toniniiki.” Hokogea Ma Jou ai behehongo o Yakubika.

Dodadi 34:31

De o Simeono de o Lewi ka idadi iwipaluhu manga babaika ato, “Ho sarakia, gea ka hahigunoa yodiai mia birangika imaketero hoka muna o ngofeka abe ami biaha momafuku-fukunu dika?” Hokogea ma ade-ade ma titi o Sikeme de o ngo Dina.

Dodadi 35:15

De ma ngi gea abe ma dihiraino Ma Jou witemo o Yakubika ho hiadono wohiromanga, “Ma Jou ai Tau,” abe nako to ona manga demo, “o Betele.”

Dodadi 35:7

De genangoka o Yakubu wodiai o huhuba ma ngi de ena gea wohiromanga, “Ma Jou ai Tauoka ai Huhuba ma Ngi” angamoi o Beteloka gea Ma Jou womahimatoko unangika ma oraha wimodongo o Esauika hiadono woara.

Higiriiri 91:15

De ma oraha o duduhunu yomagahoko de Ngohi totoihene ho taduhunu. De manga kangela ma goronaka de Ngohi naga onangoka tagoana, ho gea taduhunu la hiadono ona yolaku de ahao naga o horomati yamake utuino.

Huhupu 2:15

De ahao o Firaunu, o Mesiiri manga koano gea, unangoo woihenoka abe o Musa witomaka o Mesiiri ma nyawa de wahuloko wato, “Nako o Musa o Mesiiri ma nyawa watoma kiani unangoo hihohonenge.” Hokogea o Firaunu ai huhuloko masara o Musa ko iwidaenua angamoi woaroka o Midiana ma tonakika. De o Midianoka womahiadonika de naga moi o humu ho genangoka wogogeruku womahiaini.

Higalioli 32:36

De ahao Ngohi Ma Jou o Yawe tahibalaha la ahi nyawa ka idadi o totiai yamake, de ahi hininga ma dora ma hiokoo itagi ahi nyawaika. Abe ma oraha gea Ngohi tomalega onangika de tamake abe ko yomangakunokaua, de ona gea duru yohutuloka, abe ngaro o gilaongo ma nyawa eko ona abe ko o gilaongua, masara ngade-ngade yohotumoka mata-mata.”

1 Samuele 10:3

“De ahao ma oraha nomahiadono ma gotaika gea abe duru kohaamoko o ngioka ma romanga o Taboro, de genangoka ahao nimakamake de o nauru yahange. Ona gea yoboa o ngekomino abe manga dumutu o Betelika ato yomahuba-huba Ma Jouika o Beteloka. De womatengo wao manga huhuba o kabingi ma goohi ma gahumu hange, de womatengoli naga ai huhuba ma roti ma gahumu hange, de womatengoli wao ai huhuba o angguru ma teongo abe o angguru ma ngi o aewani ma kaiino moi aomanga.