Dodadi 34:19 - Ma Jou ai Demo-demo o Totobelohoka

¹⁹ De o Sikeme, duru womataiti wolio la manga behehongo gea wahingahu ai gogianongoruika angamoi duru womidogarago o ngo Dinaika. De una wato marai ka idadi o huhuna ma behehongo yaniiki angamoi nako una de ai gogianongoru utu ka unangohi duru o nyawa iwihoromati.

Dodadi 34:19 ပူးပေါင်းရင်းမြစ်များ

Dodadi 29:20

Duru o Yakubu wosanangi woihene ai demo gea. Ho ngaro o Labana wileleani ai taongo tumidi ibooto masara ko wamaouahi iwibole hokogea ma dekanino angamoi duru womidora o ngo Rahelika. Ho ma oraha ai karajaanga gea wabooto de womatemo wato, “Ngohi ahi garago naa hiadono tamao abe hoka ahi wange muruono naga dika tokarajaanga.”

Dodadi 34:18

Ka de manga demo yoihene de o Hamoro de o Sikeme yosanangi yodafongo.

Dodadi 34:20

Ho una de ai baba yoiki manga kota ma ngoranika de yomakoketemo de o kota ma dimo-dimono abe ona biaha yomatoo-toomuino genangoka.

Dodadi 41:20

De ma hapi itotorou gea ikokiboaino ma hapi ma rorahaiino abe ihira ihupuino o akeroka de ka imaketemomoiino akokilahiri ho ma hapi ma gogutufuru gea ko iwaka.

2 Kokoano 5:1

Ma oraha Ma Jou o Yawe wapake o Arama ma nyawa la wahohowono o Isiraele ma nyawa de wipake womatengo ai romanga o Naamana abe una o Arama ma nyawa manga tentara wahihira. Ho o Naamana duru wihisanangi o Arama ma nyawa manga koano angamoi ka ihikaika wolaku ma oraha waparangi o Isiraele ma nyawaika. Masara ai lolaku gea ihititi Ma Jou o Yaweino. De abe o Naamana una duru wososawaro woparangi masara una duru wokangela de o panyake o pado.

Gegetongo 22:15

Ka de manga demo gea woihene de o Balaka wato wohitailoli o Bileama wibehehongo ho wairiki ai poparetaino abe ka onangohi yokurutiye la onangoli wahidingoto. Ho naa yoikoli de to una ai hidingoto utuohi yowoe.

Hidingoto 13:50

Masara o Yahudi ma nyawa manga hihira genangoka ona yahitobahigaro o kota ma nyawa manga ngoe la onangoo yatobalawana o Paulusu de o Baranabasika. Abe ona yahigaro o nau-naurika abe yodadi ma kota gea ma hihira, de nagali yahigaro o ngo-ngofekaika abe manga gogere ikokurutiye o kotaka gea masara tanu yomatobahuba-huba Ma Jouika. De ahao onangoli yahigaro o kokawaaha manga ngoe hiadono o huruhara idadioka abe ona mata-mata yangamo o Paulusu de o Baranabasika de yakiniiki ma kotaka ka hiadono ma hoanika.

Hidingoto 17:12

De mangale ma titi manga dodotoko gea ho o Yahudi ma nyawa ko manga ngoe iwingaku o Yesusika. De nagali o Yunanioka ma ngo-ngofeka abe manga gogere ma kotaka gea hatoli ikokurutiye, de o nau-nauru yamuruono naga, de onangoo iwingaku Unangika ma titi manga dodotokino o Paulusu de o Silasa.

1 Samuele 22:14

De witaere ipaha de o Ahimeleke wipaluhu ma koanoika wato, “Koua, ahi koano! Abe nako o Dautu una gea to ngona ma hirete ani toroa, de una wodadi ani gogoana ma nyawa manga hihira. De hongoli to una ai romanga duru ikurutiye ani tauoka. Abe ngaro ani nyawa mata-mataika masara ka unangohi duru wotobagou-goungu ai wowangoino.