Dodadi 33:9 - Ma Jou ai Demo-demo o Totobelohoka

⁹ De o Esau wato, “Ahi dodoto, duru tosanangi nohihidoaka gea ma ngaro ufae dika. To ngohi ahi aewani o dofo ihiwedonoka ho ngaro ufae dika! Ngona dika napaliara!”

Dodadi 33:9 ပူးပေါင်းရင်းမြစ်များ

Dodadi 27:39

De ai baba hokonaa wipaluhu, “Ngona ahao nomatingaka o tonaka ma gogutufurino, De ikuranga o awana inidaene ngona, Hokogea to ngona de ani dutu nia gogere.

Dodadi 27:40

De ngini nimadatoko o kangelaino de nia dia, La gea ngini nimaduhunu la niwango. De ani dodoto ahao winikokipareta. Masara ika-ika de ma dubuho gea ko niapoakaua, De ahao ka idadi nimahihupu ai giamino.” Hokogea dika o behehongo ma demo abe o Esau wamake ai babaino.

Dodadi 27:41

De o Esau ai hininga-kuranga naga o Yakubika hiadono wato womahibalaha angamoi wato, “Ikuranga irahai o baba ai behehongo ngohino. Marai ko itedekanua de o baba wohonenge ho ka de ngomi wiwigari ibooto de ahao ahi dodoto o Yakubu titoma.”

Dodadi 33:10

Masara o Yakubu wato, “Hokogenangua ahi hininga, ngohi duru togahoko la ahi hidoaka naa nodafongo angamoi duru ahi hininga ma huha ihihangoka ma oraha tonimake abe ani himanga de ma gietoka. Abe ka de ani giete tamake de ahi garago hoka Ma Jou ai himanga ma giete tamakeoka!

Dodadi 4:9

De ahao Ma Jou wibole ma goa-goahi wileha o Kainika wato, “Kaini, ani dodoto una o kiaikaka?” De wipaluhu Ma Jouika wato, “Aiyaho, de ngohi naa ko tihiorikua, mode ngohi ahi dodoto ai gogoana?”

Hidingoto 21:20

De ona yototoihene ai ade-ade ma demoino de ahao ona iwihigiriiri Ma Jouika ma titi ai datoro wodiaioka. De ahao ona iwitemo o Paulusika ato, “Mia gianongoru, marai ngona nohiorikoka abe nenangoka o Yahudi ma nyawa onangoo duru yosana abe iwingakuoka, de ona mata-mata manga hininga ka itagiohi o Musa ai Paretaika ho ona duru ka yaniikohi.

Hidingoto 9:17

De witemo ipaha de ahao o Ananiasa woikoka witutumu o Saulusika. De womahiadono ma tauika de wifokumu de ai giama de wotemo wato, “Ahi gianongoru o Saulusu, nanga Baluhu idodutu o Yesusu, abe nengokadauino womahimatoko ngonaika o ngekomoka, Una gea abe wohihidingoto ngohi ngonaino la wato tonihitogumu ma titi ani lako la ka idadi nomahiorikoli. De wohihidingoto la ka idadi ngona inilufungu de Ma Jou o Womaha.”

Filemono 1:16

De gea wolio ngonaika hoka ani gilaongokaua, masara naa una wodadioka ani gianongoruoo o Yesusoka, ho naa kiani nilegaika unangika de ani dora. De igoungu ngohioo duru tidora unangika gea, masara hongoli to ngona ani dora unangika, angamoi una to ngona ani gilaongo o duniaka de masara wodadioo ani gianongoru nanga Baluhu idodutuoka.

Filemono 1:7

De ani dora gea Ma Jou ai nyawaika ihiboa ngohino o garago ma amoko de duru ihihiwangoro ngohi ahi hiningaka. Abe Ma Jou ai nyawa genangoka yamakeoka ani dora onangika abe ma titi ngona nalaru de nahiputurungu manga kokihiningaka. Ho ahi gianongoru, ani dora gea ma titi hiadono ngohi togarago.