Dodadi 33:5 - Ma Jou ai Demo-demo o Totobelohoka

⁵ De ahao o Esau womalega o ngo-ngofekaika de manga ngofa-ngofakika de wileha wato, “Ho ona abe ininiiki ngona naa onagona?” De o Yakubu wihingahu wato, “Naa abe ona Ma Jou ai doraka de aino wohihidoaka ani gilaongino ngohi naa.”

Dodadi 33:5 ပူးပေါင်းရင်းမြစ်များ

Dodadi 30:2

Ka de hokogea motemo de o Yakubu wongamo munangika wato, “Ho ngona nato bote ngohi naa Ma Jou? Nako o ngofaka hatoli gea to Una ai kuahaka, ho gea ani ngofaka ko namakeuahi ma titi to Una ai hiaturu ko to ngohiua!”

Dodadi 33:6

Hokogea o Yakubu wotemo ibooto de ngoi fekata o ngo Bilaha de o ngo Sipa de manga ngofa-ngofaka yoboaino o Esauino de duru yomaponuku ai himangoka.

1 Tawari 28:5

De Ma Jou o Yawe wohihiowa de o ngofaka o nau-nauru ko manga ngoe de onangino wiiriki ahi ngofaka o Saloomo la una wohituruuru. Ho o Isiraele ma nyawa, abe Ma Jou o Yawe wonahikoano ngoneino, ngone mata-mata ahao o Saloomo ai kuahaka abe una Ma Jou wiirikoka la wogogere o Isiraele ma nyawa nanga koano ma kaderaka.

Higiriiri 127:3

De nako o nyawa yomamake manga ngofaka o nauru, gea o hiowa moi Ma Jou o Yaweoka de aino, de ma utumu ma amoko ahao yamake onangino.

Ibarani 2:13

De nagali ai demo abe Una wato, “Ngohi naa tomahinganono ka Unangika dika.” De naga moiohi to Yesusu ai demo abe ma dodihiraino wato, “De abe nako Ngohi de Ma Jou ai ngofa-ngofaka abe wohihitagongo Ngohino, de ngomi naga nenangoka de mimahidiaioka la wiwihingounu Unangika.” Hokogea to Yesusu ai demo ma dodihiraino, de gea ai demoino ka idadi hamake abe Una ma hirete wonafetongo wato to Una ai doo-dodoto, ho igoungu Una de ngone nanga Baba ka womatengo dika.

Ruutu 4:13

Ho o Boasa womile o ngo Ruutu de womiao ai tauika de yodadi o giarokata. De ahao ma oraha yomakitigi de Ma Jou o Yawe womihiakunu o ngo Ruutu la ka idadi modami ho muna de ami badangoka de mamake o ngofaka o nauru.

1 Samuele 1:27

De ahi gogahoko Ma Jou o Yaweika ma oraha gea ahao Una wohihidoakoka abe o ngofaka nenanga ngohi tamakeoka Ma Jou o Yaweino.