Dodadi 33:4 - Ma Jou ai Demo-demo o Totobelohoka

⁴ Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Dodadi 33:4 ပူးပေါင်းရင်းမြစ်များ

Dodadi 29:11

De womibounu o ngo Rahelika de womihingahu wato, “Ngohi naa ani dutu adaene abe ngohi meme o ngo Ribeka, ani baba ngoi firanga.” Gea womihingahu ibooto de ahao duru woari de ai ilingi ma amokiye. Woari ibooto de o ngo Rahele momataiti moiki momapopaata ami babaika la mihingahu womatengo manga dutu naga o humuoka.

Dodadi 29:13

De o Labana ka de woihene abe ai daho woboa watutumu de unangoo duru womataiti woiki dokaika la o Yakubu wibuhuku. Gea yomakamake de o Labana ai daho wikooino de wibounu. Gea yomakobounu ibooto de ahao o Labana wiao ai tauika. Genangoka de ahao o Yakubu wiade-ade ai pepeika hokokia mata-mata ho hiadono naa woboa.

Dodadi 32:11

O ahi Jou o Yawe, duru tomagahoko la nohiduhunu ahi riaka o Esau ai giamino. Ngohi tohawana tato bote ai hiningaka ai hidee la wohitoma ngohi de marai ngohi feka-fekata de ahi ngofa-ngofaka onangoo ka ma moi womihidotoma.

Dodadi 32:28

Ho gea wihingahu wato, “De naa tonihingahu ngona ani romanga ko o Yakubokaua masara naa tonihiromangoli o Isiraele ma titi nimaketeribuutu de Ma Jou angamoi ngona duru noputurungu hiadono ngaro de Ma Jou ma, nimaketeribuutu. De ngaro nimaketeribuutu de o nyawa, ma, mata-mataika ka ngonahi nolaku.”

Dodadi 43:30

Masara ka de hokogea wotemo ibooto de kiani o Yusupu womataiti wohupu angamoi ai dora ilamoko ai dodotika hiadono ko womatongohonokaua. Ho wowohama o kamarika moi abe duru womatengoka de ahao duru ai koongo itifa.

Dodadi 43:34

De naga o nyawa yaleleani manga inomo homoi-homoiika de yale o Yusupu ai mejaino manga inomo. De una wohiaturu la o Benyaminika iwileleani o inomo kohaamoko hiadono wihifoloiika ma motoa de ai ria-riaka. De gea o Yusupu de ona mata-mata yolomo de yokere yogogarago hiadono duru yakokipunuhoka.

Dodadi 45:2

De o Yusupu woari. De hiadono woari kohaamokiye ho o Mesiiri ma nyawa onangoo yoihene, de gea yoade-ade hiadono o Firaunu de ona mata-mata ai tauoka ihikokioriki abe o Yusupu woari.

Dodadi 46:29

Ho ka de o Yusupu woihene yoboaka de wato woiki watutumu. Ho ai duduhunu to Yusupu ai kuda de ai goroba ma rorahai iwihidiai ibooto de wosobo ai baba witutumu. Ka de womahiadono ai babaika de duru wikooino de woari-ari ma dekana ai baba ai belekaka.

Nehemia 1:11

Ahi Baluhu, ngaro Ngona nototoihene ani gilaongo naa ahi niniata ma demo! De naga ani gogilaongo utu abe de manga garago ani romanga yagorakiye ma oraha yomaniata, ho ngohi tonganono to onangoo manga niniata nohigihene. De ngohi ani gilaongo tomagahoko la o wange naa nohiduhunu ngohi la ma oraha tileleani o koano nenangoka de una duru wohisanangi ngohino.” Hokogea ngohi o Nehemia ahi niniata ma demo Ma Jouiye. De ngohi ma oraha gea tomaniata de naga to ngohi ahi tagongo abe totobaleleani o koano o Ata-saasta ai akere.

Higiriiri 34:4

Ngohi tomaniata Ma Jou o Yaweiye de Una wohipaluhu wohihiputurungu, To ngohi ahi hawana duru wohihihanga de wohihiriidi.

Sosawaro 21:1

Ma koano ai hininga tanu imanoa Ma Jou o Yawe ai giama ma hoatoka, abe gea imaketero hoka Ma Jou wahidumutu o akere ma dodagi la ma dumutu imakiniiki de to Una ai hininga, hokogenangoo Una wahihira-hira ma koano ai hininga la ufa irehene Ma Jou ai hiningaka de aino.

Lukasa 15:20

“De hokogea una womatemo doka ai hiningaka ibooto de womaokoino de ka wosobo wolio ai babaika. De abe ngade-ngade womahiadono masara hatoli ka ai gurutikahi de ai baba wimakeoka woboaino. Ho ka de wimake de ai baba ai hininga duru iwilufungu de ai dora ai ngofakika, ho una womapopaata wibuhuku. De wiadono unangika de wikooino de wibounu unangika.

Hidingoto 20:37

De ona mata-mata duru yoari ma titi kiani yomakitingaka de una, de iwikokikooino de iwibounu la manga dora unangika yomahimatoko.

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.