Dodadi 33:17 - Ma Jou ai Demo-demo o Totobelohoka

¹⁷ De o Yakubu de ai nyawa mata-mata yogila-gila hiadono yoboa o ngi moiika abe ihiromanga o Sukoto abe nako to ona manga demo gea o aewani ma kurunga de ma tauoka. De genangoka ai tau moi womadiai de ai aewani ma kurunga muruono naga enangoo wodiai ho gea ma titi hiadono ma ngi gea ihiromanga o Sukoto.

Dodadi 33:17 ပူးပေါင်းရင်းမြစ်များ

Dodadi 33:16

Hokogea o Yakubu ai hininga ho duru o wange gea dika de o Esau de ai nyawa yokokisoboka yolio o Seiri ma tonakika.

Huhupu 12:37

De ma oraha yosobo o Ramese ma kotaka yotowongi de manga dumutu o Sukoto. De manga ngoe nako o balu-baluhu o nau-nauru dika yaetongo yasana o ratuhu butaanga de nagahi manga ngo-ngofeka de manga ngofa-ngofaka.

Huhupu 13:20

De ona yohupu o Mesiirino yotowongi hiadono o Sukoto yomahiadono. Ho ahao o Sukotoka de yosobo yogila-gila hiadono yomahidodogumu o ngi moioka ma romanga o Etama abe ena o tonaka ma kakaaha ma datekoka.

Hihira 8:14

De genangoka o Gideono ai tentara iwitaoko o Sukoto ma nyawa womatengo o goduuru de o Gideono duru wiribuutu unangika ka hiadono wohitulihuku o Sukoto ma kota manga dimo-dimono manga romanga mata-mata abe ma dihira yoluku yahiolomo. De manga dimo-dimono gea manga ngoe yamoritumidi de yatumidi.

Hihira 8:16

Hokogea o Gideono wahimaleke de ahao manga dimono yamoritumidi de yatumidi gea duru wadotoko abe manga kokibadangika wahipoha de wahiragoho de o hihika ma doto de utuoo hoka o take ma hihika abe o tonaka ma kakaahaka iwango. Hokogea ona wahohowono.

Hihira 8:5

De yogila-gila hiadono yoboa o Isiraele ma nyawa manga kota o Sukoto de watutumu o kota ma dimo-dimono de wotemo onangika wato, “Ngohi tagahoko dika ahi tentara manga inomo angamoi duru yaboleoka de tanu ko ihimoroinua togahoko hokogea masara ngomi kiani ka migila-gilahi mianiiki o Midiana manga koano o Seba de o Samuna abe yoaroka ho duru mionganono la nimiduhunu.” Hokogea o Gideono ai gogahoko.

Hihira 8:8

De ahao yoboa o Isiraele manga kota moioli o Penuele ma kota de ma moioli o Gideono ai tentara wagahoko manga inomo imaketero hoka o Sukotokali masara o Penuele manga dimo-dimono onangoo yopaluhu imakadaene hoka ona o Sukoto ma kotaka manga demo.