Dodadi 33:11 - Ma Jou ai Demo-demo o Totobelohoka

¹¹ Ho nako noigo nohihisanangi kiani nodafongo abe ngohi toigo tonihidoaka de angamoi duru Ma Jou wohihiowa de o duduono ma ngoe hiadono ihiwedono ho koaho utu tonihidoaka ngonaika.” Hokogea o Yakubu duru wihigaro ai riakika la wato ai hidoaka wodafongo de ma bahauku o Esau wodafongo.

Dodadi 33:11 ပူးပေါင်းရင်းမြစ်များ

Dodadi 30:43

Ka ihikaika hokogea o Yakubu wodiai hiadono to una ai aewani duru itaiti idogo iwoe ho hiadono ika-ika una duru wokaya de ko manga ngoe ai nyawa abe iwiduhunu, de nagali ai keledai de ai unta kohangoe.

Dodadi 32:21

Ho ai hidoaka gea ai nyawa ihitihira ho yosoboka masara o Yakubu womaiduohi manga dingiioka.

Dodadi 33:10

Masara o Yakubu wato, “Hokogenangua ahi hininga, ngohi duru togahoko la ahi hidoaka naa nodafongo angamoi duru ahi hininga ma huha ihihangoka ma oraha tonimake abe ani himanga de ma gietoka. Abe ka de ani giete tamake de ahi garago hoka Ma Jou ai himanga ma giete tamakeoka!

Dodadi 33:12

De o Esau witila-tila wato, “Abeika ahi dodoto, hosobo homakiniiki abe ka idadi ngohi o ngekomika tonahihira-hira.”

Dodadi 33:9

De o Esau wato, “Ahi dodoto, duru tosanangi nohihidoaka gea ma ngaro ufae dika. To ngohi ahi aewani o dofo ihiwedonoka ho ngaro ufae dika! Ngona dika napaliara!”

2 Kokoano 2:17

De ona yoihene ai demo masara ka yoluku iwihigihene. Ho ihigali-galioli iwiribuutu o Elisaika hiadono iwimaleke ho ma bahauku una wato, “Iya, marai ka idadi dika niahidingoto nia nyawa gea la iwilingiri.” Ho ona yahidingoto de iwitobalingiri manga futu hange ma dekanino masara parahaja dika angamoi o Elia gea ko iwimakeua.

2 Kokoano 5:23

De o Naamana ai hiningaka de duru woigo waduhunu onangika ho wato, “Ngohi naa tosanangi dika tohingodumu ani baluhu ai gogahoko gea! Masara koaho tohifoloi ma haaka ma amoko abe tahidoaka onangika.” Ho una wotemo ibooto de ahao wale o beta-beta moi de wonoa ma baju ma doduruuru hinooto genanguku. De ahao wohinoa o popoje hinooto de o haaka, de ma popoje amomoi ma dubuho o kilo moruange de motoa. De ahao wahokino ai duduhunu yahinooto de wahidoaka ma kiahonanga gea mata-mata onangika la ka idadi ona yomakiniiki de o Gehasi de yao ma kiahonanga.

Lukasa 14:23

“De ahao ma dutu wato, ‘Nako gea ngona o kotaino nohupu ma hoanika de nahoko o nyawa onagona dika abe nimakamake. Abe kiani nalingiri o nyawa abe ngaro o ngeko-ngekomoka de o dadaduhu ma timi-timiuku la mata-mataika nakokiahokino. Angamoi ngohi toigo la o nyawa duru ko manga ngoe yaniiki hiadono ahi tau ma goronaka de ko iwaka ma ngi.

1 Korintusu 3:21

Ho ufa ngini nimagorakiye de niato, “Ngohi to Paulusu ai nyawa,” eko, “Ngohi to Apoloso,” angamoi nako nimahigiriiri ma titi ti ngini nia hihira onagona, gea niapakeoka o duniaka naa ma sosawaro de masara to Ma Jou ai sosawaro ko niapakeua. Ho gea duru ka parahaja dika nia hininga de gea ko niataanua abe nimahigiriiri. De abeika naa moi nimafikiri. Ma Jou wohikaaturu la duru mata-mataika Una winihidoakoka nginika la idadi ti ngini nia utumu.

2 Korintusu 6:10

De igoungu to ngomi mia hiningaka naga ma huha masara ka ihikaika nagaoo mia garago. De igoungu ngomi midadi o huha ma nyawa, masara mangale ma titi to ngomi mia wowango de miahidadi o nyawa ko manga ngoe la hiadono ona yokaya Ma Jouika. De ngaro to ngomi mia kiahonanga ko iwa, masara tanu mata-mataika idadioka to ngomi. De abeika mia kangela irupa-rupa gea ma hidogoronaka de ngomi ka mimatongohono dika de mia hiningaka de ka wiwiniikohi Unangika. Ho ngomi miato marai mia dongohonino gea de duru itararono mimahitaana abe ngomi naa miagou-goungu midadi Ma Jou ai duduhunu.

Filiipi 4:18

Masara abe ma titi ahi hidoaka nihidingo-dingoto o Epafroditusoka, gea unangino tamakeoka mata-mata, ho naa ahi perelu duru niangodumoka de tanu ifoloiholi ahi hidailako, abe ko iwa ma kuranga ngohioka. De nia hidoaka gea idadioka hoka o manyanyi ma bounu duru ma hohailoa, imaketero hoka o huhuba Ma Jouika duru itiai, abe ma titi nia hidoaka ngohino gea duru iwihisanangi Ma Jou.

1 Timotiusu 4:8

De igoungu nako nanga badanga, ka idadi homaribuutu la hiadono nanga buturungu idogo abe nanga roehe itotoomu, de genangino nanga utumu ma hohutulu hamake. De gea irahai, masara nanga utumu gea ma hohutulu dika hamake angamoi nanga badangoka dika ma utumu. Masara ka nenangohi ilamoko nanga utumu hamake nako homahiputurungu nanga ngongakuino la hiadono utuohi haniiki itiai to Una ai mau ngoneino. De genangino hamake nanga utumu iwoe. Abe utu ngaro nanga wowango o duniakahi naa ma hamakeoka nanga utumu. De ahao utuohi nanga utumu hamake daku o Horogaka.

Hihira 1:15

De muna mipaluhu unangika mato, “Iya, ahi baba, marai ngohi tomagahoko o hadia moi. Abe mangale ma titi ma dihiraino ngona nohihidoakoka o tonaka moi abe imanoa o Negebe ma tonaka ma kakaahaka, ho naa tomagahoko la o akere ma jobuubuoo nohihidoaka.” De ami gogahoko gea wohimoteke ho womihidoaka ma jobuubu hinooto, abe moi imanoa o tonaka ma dolaka de moioli imanoa hatoli o loku ma geleforino.

1 Samuele 25:27

De naa ngohi taoino ti ngini nia inomo de nia ngokere, de ngohi togahoko la ngini niodafongo dika.

1 Samuele 30:26

De ahao o Dautu de ai nyawa mata-mata yomakiniiki yolio manga kapongo o Sikagika. De yolioino de ahao una wohikeregu ma parangi ma lolaku ma kiahonanga de wohidingoto ma regu gea o Yehuda ma nyawa manga dimono homoi-homoiika abe yomaketedodiawo de una. De nagali o Dautu ai demo ona homoi-homoiika abe imakiniiki de ma kiahonanga gea, abe una wato, “Naa to ngona ani hadia abe nengokadauino ngomi miagoraka Ma Jou o Yawe ai musu ma nyawaka de aino.”