Dodadi 32:8 - Ma Jou ai Demo-demo o Totobelohoka

⁸ Hokogea waregu ma titi ai hiningaka womademo wato, “Bote wonaparangi o Esau ho ka de o doomu moi waparangi de tonganono o doomu moi ka idadi yoara.”

Dodadi 32:8 ပူးပေါင်းရင်းမြစ်များ

Dodadi 32:7

Ka de gea woihene de o Yakubu duru wohawana. Ho ai nyawa de ai kiahonanga wakokiregu la idadi o doomu hinooto abe ngoi feka-fekata de ai ngofa-ngofaka de ai duduono de ai unta mata-mata wakokiregu hinooto de ahao wahikatingaka o doomu hinooto gea.

Dodadi 32:9

De ahao o Yakubu womagahoko Ma Jouiye wato, “Ngona Ma Jou o Yawe abe ahi ete o Abarahaama ai Jou de ahi babaoo o Isaka to unangoo ai Jou. De gea Ngona nohihibehehongo ngohino la tolio ahi dutu manga tonakika. De Ngona nohihibehehongoo nato ahao nohihiowa ngohino.

Matiusu 10:16

De o Yesusu ka wohigila-gilahi ai behehongo ma demo abe iwitobanii-niiki yangimoi de yahinootoika wato, “De naa abeika nitotoihene to Ngohi ahi demoino, angamoi naa tinihitiari nginika abe ma titi ahao hokokia idadi nginika. De ngini naa tinihidingoto o nyawaika la nihiabari ma titi abe ma oraha itigioka Ma Jou wahikoano ai nyawaika. Masara tinihiketero ngini abe ngade-ngade hoka o domba abe duru imura, de naa tinihidingoto o fuhuku ma kaho ma ngi-ngiika, ho kiani duru ngini nimahidodiai onangoka. Abe kiani nimahidodiai ma titi nia demoino de nia wowango ma datorino la ufa niaruwae onangika abe yototualono, done ahao inihikangela nginika. De gea nia datorino kiani nihidodiai la nia sosawaroino niapake de abe nia hiningaka de duru niabole-bole o nyawaika.