Dodadi 32:3 - Ma Jou ai Demo-demo o Totobelohoka

³ De o Yakubu wairiki la ai nyawa yamuruono naga abe ka idadi ai demo yototaka ai riakika o Esauika. Una wogogere o Seiri ma tonaka ma honongaka abe ihiromanga o Edomo. Ho genangika wahidingoto la ai riaka iwitutumu.

Dodadi 32:3 ပူးပေါင်းရင်းမြစ်များ

Dodadi 25:30

Ka de woboa de duru wiboaka ai dodotika wato, “Yakubu, nomataiti etohonenge! Ho ngona nomataiti nohihidoaka ani inomo ma doka-dokara gea!”

Dodadi 32:11

O ahi Jou o Yawe, duru tomagahoko la nohiduhunu ahi riaka o Esau ai giamino. Ngohi tohawana tato bote ai hiningaka ai hidee la wohitoma ngohi de marai ngohi feka-fekata de ahi ngofa-ngofaka onangoo ka ma moi womihidotoma.

Dodadi 32:7

Ka de gea woihene de o Yakubu duru wohawana. Ho ai nyawa de ai kiahonanga wakokiregu la idadi o doomu hinooto abe ngoi feka-fekata de ai ngofa-ngofaka de ai duduono de ai unta mata-mata wakokiregu hinooto de ahao wahikatingaka o doomu hinooto gea.

Dodadi 33:14

Ho nako ka idadi irahai ngini nihira dika ngona de ani nyawa de ngomi ka idadi mimabole-bole miloiki minihidoduruika de ahao homakamakeoli o Seiri ma tonakoka.” Hokogea o Yakubu ai hininga womahingahu.

Dodadi 33:16

Hokogea o Yakubu ai hininga ho duru o wange gea dika de o Esau de ai nyawa yokokisoboka yolio o Seiri ma tonakika.

2 Samuele 2:8

Masara ma dihirainohi de o Abanera abe o Nere ai ngofaka gea, una wodadi o Saulu ai tentara manga hidimono duru wokokurutiye. De o Abanera gea to una ai hidee imakohowono. Abe ka de o Saulu wohonenge de o Abanera woiki wile o Saulu ai ngofaka o Isibosete de wiao o Mahanaimi ma kotaika.

2 Kokoano 6:17

De ahao o Elisa womaniata, wato, “Ngonaika Ma Jou o Yaweika tomagahoko la ahi duduhunu naa nihiakunu la de ai lako wamake abe ona imiduhunu ma oraha naa.” De ahao Ma Jou o Yawe wihiakunu o Elisa ai duduhunika gea de duru de ai lako wamake igoungu naga o goroba duru kohangoe atauru de o kuda de ena mata-mata Ma Jou wohidadi o uku ma dokarino abe ma hoanino itagi de o lokuokaoo mata-mataika naga Ma Jou ai tentara gea. Ho gea Ma Jou ai tentara yowoe-woe naga yahigilolitino yagoana o Elisa de ai duduhunu.

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Gegetongo 24:18

O Edomo ma nyawa onangoo ma, ahao una wahikala, Ka de ona o Seiri ma tonakoka iwimusu de waparangi hiadono wahikala. Masara o Isiraele ma nyawa ka ihikaika manga buturungu idogo, Ona ka ihikaika yogila-gila manga buturungu de manga tobalaku idogo.

Lukasa 9:52

De manga dodagi ma goronaka abe o Samaria ma tonakokahi de Una wahidingoto o nyawa yamuruono naga la ona yohira de yahiaturu manga dodogumu ma ngi. De abe wahidingo-dingotoka ona yowohama o kapongo moiika o Samaria ma tonakoka gea la ato to Una ai perelu iwihidiaiohi.

Higalioli 2:22

De ai datoro gea duru imaketero dika de abe hokokia waduhunu o Edomo ma nyawa. Abe Una wahibinaaha o Hori ma nyawa la o Esau ai totoforaukuoli yomanoa manga tonakoka. De hiadono ma oraha naa o Esau ai totoforauku ona nagahi ma tonakoka gea.

Higalioli 2:5

Ho ufa ngini niaruwae ona gea, angamoi Ngohi tahidoakoka manga tonaka gea o Edomo ma loku-lokuoka la idadi manga oara ma tonaka. De manga tonaka gea, ngaro ma hohutuloo masara ko tinihidoaka nginika.

Yosua 24:4

Abe tihidoaka o Isakika ai ngofaka yahinooto o Yakubu de o Esau. De tihidoaka o Esauika o tonaka o loku-lokuoka abe ihiromanga o Seiri ma tonaka. Masara o Yakubu de to una ai ngofaka mata-mata yokokiloiki daku o Mesiiri ma tonakika.’”