Dodadi 32:29 - Ma Jou ai Demo-demo o Totobelohoka

²⁹ Hokogea wotemo ibooto de ahao o Yakuboli wotemo wato, “De ngohi duru togahoko la ngonaoo ani romanga nohihingahu.” De una gea wipaluhu wato, “O kia ma titi ho hiadono ahi romanga nohileha?” Masara ka de hokogea wotemo de ahao ma owa wihibehehongo o Yakubika.

Dodadi 32:29 ပူးပေါင်းရင်းမြစ်များ

Dodadi 17:5

De ani romanga ko o Abaraamokaua masara ani romanga taturuuru ho naa ani romangoli o Abarahaama. Hokogea tonihiromangoli mangale tonihidadi o kapongo ma ngoe manga baba abe ngaro o nyawa yomakokitingaka o nuuhu homoi-homoioka hiadono manga demo imalolihowono, ma, yobaba ngonaika.

Dodadi 35:10

Abe wihingahu unangika wato, “Ngona naa ani romanga o Yakubu masara naa taturuuruoka. Ho ani romanga ko o Yakubokaua angamoi tonihiromangoli o Isiraele. Ho naa de ka ihikaika o nyawa inifetongo o Isiraele.”

Dodadi 35:9

Masara ma oraha o ngo Debora ko mohonenguahi, abe ona ka de yomahiadonoka o Betelika, de Ma Jou womahimatokoli o Yakubika. Naa manga dekanoka yoikoka abe o Labana ai tonaka o Padana-Arama yanoa de ahao naa o Yakubu woboali o Betelino. De ma oraha gea ka de womahiadonoka de Ma Jou womahimatokoli unangika la wihiowa.

1 Kokoano 18:31

Ho o Elia waleino o hakaru ngimoi de hinooto la wohitunguu de o Isiraele ma nyawa manga dutu yangimoi de yahinooto abe yomaboa o Yakubino. O Yakubu una gea abe ma dihira Ma Jou witemoka wato, “Ani romanga taturuuruoka ho naa tonihiromangoli o Isiraele.”

Yesaya 9:6

De Una ahao wonahikoano de ai kuaha duru ikokurutiye, abe imaketero hoka ma dihiraino ai tofora o Dautu wonahikoano. De ai tonaka abe idadi ai giamoka, ena ka ihikaika idadi ilamoko, de ko ibobahaua abe wohikoano masara ka hiado-adonika naga ai kuaha. De gea wohikoano de duru itagi irahai mata-mataika ai kokawaaha ma goronaka. De mangale ma titi Ma Jou o Yawe duru wadora ai nyawaika, ho ka idadi wahikoano irahai naa de ka hiado-adonika.

Gegetongo 20:14

De ma oraha yogogerohi o Kadesoka gea o Musa womahidiai yogila-gila de angamoi manga ngekomo ma hidotobiki o Edomo ma nyawa manga tonakika ho wato ko yoikuahi de kiani yomahingahuohi o Edomo manga koanoika. Ho wairiki o nyawa yamuruono naga la ai hingahu o Edomo manga koanoika ka idadi ona yadofanga unangika. De hokonaa o Musa ai hingahu manga koanoika gea, wato, “Ngomi naa ti ngini nia gogianongoru abe nia tofora o Edomo una o riaka de to ngomi mia tofora ai dodoto o Isiraele abe ngomi o Isiraele ai totoforauku. Ho ngone o ria-dodoto idodutu adaene. De marai ngini niihenoka abe o kokangela ma ngoe imidaene ngomi o Isiraele ma nyawa.

Lukasa 1:19

De o malaekata gea wopaluhu o Sakariaika wato, “Ngohi naa o Gabiriele abe tonitemo ngonaika naa, de ka ihikaika ngohi naga Ma Jou ai datekoka tomahidiaioka todiai o kia dika woigo tileleani. De gea una wohihidingoto ngonaino la tonihingahu o abari ma rorahai naa ho kiani ngona nohingaku.

Higalioli 29:29

De ahao o Musa ka wotemohi wato, “To ngone nanga Jou o Yawe, naga Unangoka ma dogogono muruono naga abe ko moiua ihioriki. De nako ngone duru ko ihiorikua ai demo gea, ngaro ko haniikua masara ko iwa nanga hohowono genangino. Masara naga ai demo ma ngoe abe wonahimatokoka ngoneino, ho ngone mata-mata naga nanga tagongo ka ihikaika la hohingounu enangika. Abe ngaro ngone o balu-baluhu de ngaro nanga ngofa-ngofaka masara ngone mata-mata kiani hakokiniiki ai hitiari de ai behehongo ma demoika gea done nanga hohowono inadaene ngoneuku.”