Dodadi 32:26 - Ma Jou ai Demo-demo o Totobelohoka

²⁶ Masara o Yakubu ko wipidilua de una wogahoko wato, “Kiani nohipidili angamoi itebinoka abe ngade-ngade o wange ipotoka.” Masara o Yakubu wowomaha ka wodobi-dobiki de wogahoko wato, “Nako ngona ko nohihiowauahi ko tonihigunoauahi nosobo.”

Dodadi 32:26 ပူးပေါင်းရင်းမြစ်များ

Dodadi 32:25

Ka de womatengo gea wamake abe ko wadadiua o Yakubu wihikala de witidingi o Yakubika duru ai gaono ma dekarika ho hiadono ai gaono ma dengo wapahaka.

Dodadi 32:27

Ho una gea wileha wato, “Ho ngona ani romanga onaguna?” De o Yakubu wipaluhu wato, “Ngohi o Yakubu.”

Huhupu 32:10

Ngaro ufa, Musa, ngona nademo la nato ahi ngamo onangika nohitatoko! Ngona nomarii-riidoka dika la ahi ngamo duru idogo itagi onangika hiadono Ngohi tahibinaaha. La ona gea tahibinaahaka de ahao ngona de to ngona ani ngofa-ngofaka de ani dano-danonguku tinihidadi o dutu moioli duru kohaamoko.” Hokogea Ma Jou ai dohata manga howonika.

Roma 8:37

De ngaro ngone haohana o kangela gea mata-mata nanga wowangoka, masara ena gea ko idadiua inahikala de ko idadiua inahikatingaka ngone o Kristusu ai doraka de aino. Abe ma titi ngone naa duru holaku-laku ma titi o Kristusu wonatobadora ngoneino.

1 Korintusu 15:58

Ho, ahi gogianongoru abe duru tinidora, mangale ma titi ngone holaku nanga Baluhoka de duru honganono ahao nanga momomiki hamakeoka, gea hiadono naa ngohi tinihigaro. Ngohi tinihigaro tato ngini kiani nimahingutukuku nia ngongakuoka la hiadono genangoka duru ko nilage-lageua. De kiani ka ihikaika nianiiki nanga Baluhu ai karajaanga abe winihitagongoka nginika. Abe ngini nihioriki nia karajaanga gea ko parahajaua angamoi nanga Baluhoka de aino iboa ma karajaanga gea. De nihiorikoo abe nia momomiki ma nganganono, gea o nganganono moi duru ma gou-goungu. Hokogea ahi higaro ma demo nginika.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.