Dodadi 31:54 - Ma Jou ai Demo-demo o Totobelohoka

⁵⁴ Hokogea yomahiketehibehehongoka ibooto de ahao o Yakubu ai huhuba womahihuba Ma Jouika o lokuoka gea de ahao manga nyawa mata-mata wakokiahokino wato, “Naa kiani ngone mata-mata holomo horame-rame.” Ho ona yolomo yorame-rame de o futu gea yomaidu o loku-lokuoka gea.

Dodadi 31:54 ပူးပေါင်းရင်းမြစ်များ

Dodadi 21:8

De o ngofaka gea wolamoko hiadono ko mihuhuokaua. De ma titi wolamokoka gea o Abarahaama wohirame-rame ho wahuloko ai nyawaika la o inomo duru kohaamoko yohakai. Abe o wange gea o Isaka o ngo Sara mitingakoka.

Dodadi 26:30

Ho o Isaka wahidiai o inomo kohaamoko la yomahidiai abe ahao yomahiketehibehehongo ho yolomo de yokere yomakutuono la ihitunguu ko yomaketehininga-kurangokaua.

Dodadi 37:25

De ahao ma oraha ai ria-riaka yolomo de yamake o Isimaele ma nyawa manga ngoe yoboaino abe manga dodagi ma goronaka de gea manga dumutu o Mesiirika. To ona manga gogere o Gileada ma tonakoka abe ma romanga moioli o Midiana. De ona naa yapake manga unta la manga kiahonanga ihibarene de yao o Mesiirika. Manga kiahonanga gea o gota ma hilo o fara hange abe ma roma-romanga o damara, o balama de o muuru. De o hilo mata-mata gea de ma ijaka ho hiadono yao o Mesiiri ma tonakika la ato yofukunu genangoka.

Huhupu 18:12

De ahao o Musa ai toroa, o Jitoro gea, una womahuba Ma Jouiye. Ho gea o Harunu de o Isiraele ma nyawa manga balu-baluhu yokokiboa ma oraha o Jitoro womahihuba o huhuba iharo-harongo de naga ai huhuba o aewani utuohi abe yatoaka ma ngomahino de to ena gea ma roehe ka idadi yaolomo. De ona yahidiai o aewani ma roehe de o roti de ahao o Jitoro de o Isiraele ma nyawa manga balu-baluhu yolomo yomakutuono o huhuba ma inomo Ma Jou ai himangoka.

1 Samuele 9:12

De ona yopaluhu ato, “Ngini nianiiki o ngekomo nena dika hiadono o kota ma ngoranika angamoi kangano dika una gea woboa genangino la nanga kota ma kokawaaha manga huhuba Ma Jouiye waniiki abe yodiai daku o lokuoka.