Dodadi 31:53 - Ma Jou ai Demo-demo o Totobelohoka

⁵³ De naa ahi koboto ma demo tapake la tonagahoko o kangela Ma Jouino nako hatilakuru nanga behehongo naa. De Ma Jou gea Una abe to ngona ani ete o Abarahaama de to ngohi ahi ete o Nahoro yomahijou Unangika, gea Una ahao wonahohowono nako hatilakuru nanga batingi.” Hokogea o Labana ai koboto. Ho o Yakubu unangoo wokoboto wato “Ngohioo duru de ahi horomati ahi baba o Isaka ai Jouika ho ngohioo totemo to Una ai himangoka ka idadi wohihohowono nako ngohi nanga batingi naa tatilakuru.”

Dodadi 31:53 ပူးပေါင်းရင်းမြစ်များ

Dodadi 11:31

De o Tera ai kapongo o Uru-Kasidimi gea wanoa de wato woiki o Kanani ma tonakika. De wiao ai ngofaka o Abaraama de to una ngoi fekata o ngo Sarai, de wiaooli ai danongo o Loti, to Harana ai ngofaka, ho ona gea yoiki yomakokiniiki. Masara yomahiadonika ma tonakoka abe ahao ihiromanga o Harana de ka genangokahi yogogere. De ko yogila-gilauahi o Kanani ma tonakika, ho o Harana ma tonakokahi yogogere.

Dodadi 14:22

Masara o Abaraama wipaluhu o Sodomoka manga koanoika wato, “Ngohi naa kanganoinohi tihibehehongokau ahi Baluhu o Yaweika, Una Ma Jou Wokokurutiye, Una abe o Horoga de o dunia wotulaada, gea Unangika ahi giama tagorakiyeoka la tohitunguu ahi behehongo ma gou-goungu naa.

Dodadi 16:5

De o ngo Sarai ami huha gea momahingahu ami rokatika mato, “Ma titi ngona ho abe naa ahi huha tamake. Muna gea ngohi tomihidoaka ngonaika de abeika, ka de muna de ami badangoka de mohidohata ngohino. De gea ma titi to ngona ani howono. Marai Ma Jou unangoo wato nako ngona de ngohi ma ka ngonahi de ani howonoka.” Hokogea o ngo Sarai ami howono midaparihi ami rokatika.

Dodadi 17:7

De gea abe Ngohi tonihibehehongokau ngonaika ahao ka ihikaika tahibehehongoli onangika abe ani totoforaukuika. Ho ngaro hokokia dika yolape-lapeuku masara hokogea ahi behehongo de duru ko itogu-togumua. Hokogea ahi hininga la Ngohi todadi to ngona ani Jou de to onangoo manga Jou ka hiado-adonika.

Dodadi 28:13

De wimake naga daku o ngute ma barenoka Ma Jou o Yawe womahigokoino genangoka de wihingahu o Yakubika wato, “Ngohi Ma Jou o Yawe, abe Ngohino yomahuba-huba ani ete o Abarahaama de o Isaka ani baba. De abe ma tonaka naa ngona nomaidu-iduoka ahao tahidoaka ngonaika de ani totoforaikaoo tahidoaka.

Dodadi 31:42

Masara ngohi naga Ma Jou wohiniiki de gea Una abe ahi ete, o Abarahaama womahuba-huba Unangika. De ahi babaoo o Isaka, unangoo duru de ai horomati Ma Jouika. Ho duru Ma Jou Una gea abe ka ihikaika naga ngohioka angamoi nako ka ngona dika, toroa, de nohihiaturu ka hiadono ngaro ahi kiahonanga moioo de ko iwa ma, ko nopusingua. Abe ngaro tohupu de ka tomahomoa dika ma ngona ka nohihigunoa dika. Masara Ma Jou womalega ngohiuku de wamake ahi karajaanga de wamakeoo hokokia ngona nohihitubuho ho hiadono o futuika ngonaika Ma Jou wohidemo ngohi.” Hokogea o Yakubu wihiree-reeika o Labanika.

Dodadi 47:31

Masara o Yakubu wotemoli wato, “Masara, kiani nohihibehehongo nagou-goungu de ma dodunguuoka!” Ho o Yusupu duru wihibehehongo ai babaika de o behehongo ma demo ma gou-goungu ma dodunguu. De ahao o Yakubu womaponuku abe ma oraha womaokoino womatukunuku.

Huhupu 3:6

De Ngohi naa Ma Jou abe ani baba womahijou Ngohino. De to ngona ani tofora o Abarahaama, de o Isaka, de o Yakubu, onangoo yomatobahuba-huba Ngohino.” Ka de o Musa hokogea woihene Ma Jou wotemo unangika de ka womatatoko ai himanga angamoi wimodongo womalega Ma Jouika.

Huhupu 5:21

Ho ka de o Isiraele ma nyawa manga balu-baluhu gea yomakamake de o Musa de o Harunu de yahigurubungu onangika, ato, “Ngaro ngini inihinooto Ma Jou o Yawe winitailako de winihohowono angamoi ngini ma titi hiadono o kangela naa imiohana ngomi! Ngini nimihidadi hoka o mela dika o Firaunu de ai popareta ma nyawa manga himangoka! Ma titi ti ngini nia demo hiadono ngomi yoigo imitoma!” Hokogea manga gurubungu ma demo o Musaika de o Harunika.

Yosua 24:2

De ahao o Yosua manga doomu ma amokika gea wahimanga de wahingahu onangika wato, “Hokonaa Ma Jou o Yawe, to ngone o Isiraele ma nyawa nanga Jou, to Una ai hohininga ma demo ngone o Isiraele ma nyawaino. Una wato, ‘Ma dodihiraka abe ti ngini nia totofora o Tera de ai ngofa-ngofaka o Abarahaama de o Nahoro, ona gea yogogere doka o Efaraata ma akere ma honongaka de yomatobahuba-huba o jou-jou ma homoaika.

Hihira 11:27

Ngohi, o Yefata naa, ko ma moiuahi tahowono ngonaika masara ngona, o koano, nahowonoka abe nato nohiparangi ngohi abe tahihira o Isiraele ma nyawa. Naga Ma Jou o Yawe abe ngone o nyawa mata-mataika ai kuahaka de Una wonahohowono itiai ho kiani ngone mata-mata hihigunoa la ka Una dika waputuhu onagona yolaku ma oraha homaketeparangi, o Amono ma nyawa eko o Isiraele ma nyawa.” Hokogea o Yefata ai demo o Amono ma nyawa manga koanoika.

1 Samuele 20:23

De ngohi tongaku abe Ma Jou o Yawe ka ihikaika Una wonagoana ngone homoi-homoiika de Una wonaduhunu la ka idadi haboriniiki nanga behehongo ma demo abe homahiketehibehehongoka to Una ai himangoka.” Hokogea o Yonatana ai hiaturu ma hingahu.

1 Samuele 24:12

Ho ngaro Ma Jou o Yawe wonaboritailako ngona de ngohi, o nauru inahinooto naa, de ahao Una womaputuhu onaguna inahinootoino naa abe una gea wahohowono. Marai Ma Jou o Yawe ahao wonihohowono ngonaika ma titi ani hidee ngohino itorou masara duru ko iwa ma oraha la ngohi tonihikangela ani badangika ngaro ma dihira de ngaro ma oraha nanga himangoka ma ngohi duru toluku tonihikangela.