Dodadi 31:49 - Ma Jou ai Demo-demo o Totobelohoka

⁴⁹ De ngaro Ma Jou wonagoana ngona de ngohi la ngaro homakitingaka ma gurutika ma ko hatilakurua abe hoka homahiketehibehehongoka nenangoka.” De ma titi ai demo gea hiadono ma ngi gea o nyawa ahao ihiromanga, “o Gogoana ma Dodunguu.”

Dodadi 31:49 ပူးပေါင်းရင်းမြစ်များ

1 Kokoano 15:22

Ka de hokogea idadi de o Asa naga ai demo o huhuloko abe wohidagi o Yehuda ma tonaka mata-mataika. De kiani o Asa ai kokawaaha mata-mataika ai huhuloko gea ihingounu abe manga koano wahuloko onangika. Abe kiani ona yokokiloiki o Rama ma kotaika de o hakaru kohangoe de o balaka abe o Baesa wapake la manga kota ma dadaduhu wohiputurungu ena gea kiani yakokigoraka. De ahao o dadaduhu ma kiahonanga mata-mata gea yao o Benyamini ma dutu ma tonakika abe o kota o Gebaika de o kota moioli o Misapika. De ahao o Asa wapake ma hakaru de ma balaka gea la o kota hinooto gea wohidaduhu de o dadaduhu iputurungu.

Hihira 10:17

De ma oraha gea o Amono ma nyawa manga tentara yomatoomuino de yomahidiai la yomaketeparangi de o Isiraele ma nyawa. Ho o Amono ma nyawa manga doomu ma ngi naga o Gileada ma tonakoka, de o Isiraele ma nyawa onangoo yomatoomuino o Gileada ma tonakoka, abe manga doomu ma ngi abe o Misapa ma kapongoka.

Hihira 11:11

Ho o Gileada ma balu-baluhu ma oraha yolio de o Yefata waniiki de ahao una de o Gileada ma nyawa yomahiketehibehehongo la genangino de iwihidadi to ona manga popareta ma hidimono de manga tentara ma hihira. De o ngi moioka abe ma romanga o Misapa o Yefata waika de genangoka womahingahuoli ai hininga Ma Jou o Yawe ai himangoka de o Gileada ma balu-baluhu manga himangoka wohigalioli ai behehongo ma demo mata-mata abe ihira wahibehehongokau o Gileada manga balu-baluhika.

Hihira 11:29

De ma oraha gea o Yefata iwilufungu de Ma Jou o Yawe ai Womaha de ahao wotagi-tagi watoomu ai tentara ho waika waino o Gileada de o Manase ma nyawa manga tonaka mata-mataika. De gea wotuluika o Misapa ma ngioka abe naga o Gileada ma tonakoka. De naga unangoka ai tentara yowoe abe watoomino la wahihira-hira ma oraha o Amono ma nyawaika yaparangi.

1 Samuele 20:23

De ngohi tongaku abe Ma Jou o Yawe ka ihikaika Una wonagoana ngone homoi-homoiika de Una wonaduhunu la ka idadi haboriniiki nanga behehongo ma demo abe homahiketehibehehongoka to Una ai himangoka.” Hokogea o Yonatana ai hiaturu ma hingahu.