Dodadi 31:41 - Ma Jou ai Demo-demo o Totobelohoka

⁴¹ Igoungu, ahi taongo monaokino ahi dekana tokarajaanga ngonaka, abe de ahi taongo ngimoi de iata tokarajaanga tomahifangu ngoni ora yahinooto. De ahao tokarajaanga ahi taongo butaangohi la ka idadi to ngohi ahi duduono tamake. De ngaro o taongo butaanga gea masara de ma ngimoi ahi hewa nakura-kuranga.

Dodadi 31:41 ပူးပေါင်းရင်းမြစ်များ

Dodadi 27:44

Unangoka nomanoa hiadono ani riaka ai dohata ipahaka.

Dodadi 29:15

De ahao o Labana gea wotemo unangika wato, “Ahi daho, ko itiaiua hokonaa ma dekana nokarajaanga nohiduhunu ngohi de ma balaha ko iwa. Ngohi toigo tonigaji iti nomahingahuohi to ngona ani mau.”

Dodadi 30:28

Ho irahai ngona notemo abe ani hewa hokokia noigo de ngohi tonihidoaka dika.”

Dodadi 31:38

De o Yakubu wogila-gila womademo o Labanika la o nyawa mata-mata genangoka ka idadi yoihene wato, “Naa adonoka ahi taongo monaoko togogere ngonaka. Hokogea ma dekana to ngona ani domba de ani kabingi mata-mata togoana de gea tapaliara hiadono ko ma moiuahi naga ma ayo ma ngofaka iotaka. De ngaro tohafini ma ko ma moiuahi ani domba eko ani kabingi ma naurino tale moi la tomadoma.

Dodadi 31:40

De o Yakubu ai hininga ma huha ka womahingahuohi wato, “Ahi toroa naa moioli totemo la noihene, ngohi ngaro duru o wange ihidihiwara de ihidahauku de ngaro hiadono ihihidufutuku ho ihimaata hiadono ko idadiua ihikiooko ma ka tokarajaangohi de ko tokurubungua.

Dodadi 31:6

Ngini naa duru nihihiorikoka ahi karajaanga abe naa ma dekanino duru tokarajaanga de ahi buturungu ma gahumu nia babaka.

Dodadi 31:7

Masara wohibudi dika abe ngaro wohihibehehongo wato ahi hewa hokonaa de hokonaa wohihidoaka masara hokogenangua wohihidoaka. Abeika, ma ngimoiokau ahi hewa wohigali-gali waturuuru ho ngaro wohihibehehongoka ngohino ma, ko watobagou-goungua. Masara Ma Jou ko wihigunoaua wohihikangela hiadono tohuhaholi.

Dodadi 32:4

De ai nyawa gea wadotoko onangika wato, “Ho naa niloiki ahi baluhu o Esauika de kiani nihihiromanga unangika niato, ‘Ani gilaongo o Yakubu.’ De hokonaa nia demo unangika niato, ‘Ngohi naa ani gilaongo o Yakubu abe naa ma dekanino de ko homakamakeua ngona de ngohi abe ngohi ma dekanino naa togogere nanga pepeoka o Labanoka de ahao naa tolio.

1 Korintusu 15:10

Masara ngaro ahi hininga hokogea, ma, Ma Jou duru wohihiowa ngohi naa ho hiadono todadioka Ma Jou ai hidingoto ma nyawa tomatengo. De to Una ai owa ngohino gea ko parahajaua masara duru de ma hofokoka ahi wowangoino, abe ngohi duru tokarajaanga la ai Abari ma Rorahai ihikabarihi o nyawa ko manga ngoe-ngoeika. De ngaro ngomi mata-mata abe imihiromanga Ma Jou ai hidingoto ma nyawa, ma ka ngohiohi tokarajaanga duru ikiria abe ahi tagongika. De masara gea ka ngohiua dika tokarajaanga, ma tanu de Ma Jou ai owa wohipake ngohino la hiadono Una wokarajaanga de ngohi wohipake.

2 Korintusu 11:26

De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.