Dodadi 31:36 - Ma Jou ai Demo-demo o Totobelohoka

³⁶ Ho wolingiri ibooto de o Yakubu wongamo ho duru ai demo de ma buturungu ai toroaika wato, “Ho namakeoka? Ahi howono ngonaika o kia? De done adodoa ho nohikiniiki? Gea ngona nato ngohi naa duru tatobahowono! Hokogea ani hininga ngohino.

Dodadi 31:36 ပူးပေါင်းရင်းမြစ်များ

Dodadi 30:2

Ka de hokogea motemo de o Yakubu wongamo munangika wato, “Ho ngona nato bote ngohi naa Ma Jou? Nako o ngofaka hatoli gea to Una ai kuahaka, ho gea ani ngofaka ko namakeuahi ma titi to Una ai hiaturu ko to ngohiua!”

Dodadi 31:35

De o ngo Rahele momahilooa mato, “Baba, tonganono la ufa nohingamo ngohino abe ma oraha nowohama de ko tomaokoua mangale ahi mede tamake ho tokangela tomaoko.” Ho gea ngaro o Labana duru ai popangao wolingiri ma ko wamakeua.

Dodadi 31:37

De ngaro hokokia natolokini ahi kiahonanga nolingi-lingiri abe nako naga to ngona genangoka, masara namake o kiaka? O kiaka ani kiahonanga, abeika nohihimatoko! Abeika nakelenga nenangoka, kiani nanga himangoka nakelengauku la ngone hamake o gogianongoru ngone mata-mata. De ahao ona yaputuhu nako ma kiahonanga gea to ngona eko to ngohi!”

Dodadi 34:7

De onangoo ami iranga yoboa de manga hininga ma huha yaomangoka ma titi o ngo Dina ami kangela. Ho gea duru yatohata ma titi o Sikeme womiribuutu manga biranga, o Isiraele ngoi ora. De angamoi duru ko idadiua o nyawa yodiai itorou hokogea ho o Sikeme wahimaleke o Isiraele de ai nyawa mata-mata genangoka.

Dodadi 49:7

O sadeino manga ngamo ho tahidohohowono angamoi ihaukuholi, De manga dohata tahidohohowono angamoi yotualonoholi, Ho gea manga totoforauku ahao tahikokabarihika, Hiadono yogogere o Isiraele ma tonaka mata-mataika.

2 Kokoano 13:19

Masara ka de o Yoasa wohiboha ma hihiipi gea o tonakuku ibooto de o Elisa wingamo unangika, wato, “Ngona nahowonoka! Tanu irahai nako ngona ma hihiipi gea nohiboha ma motoa eko ma butaanga! Abe nako hokogea nohiboha de ahao o Arama ma nyawa manga tentara mata-mata nahikala ka hiadono ngade-ngade namataka, masara naa angamoi ma hange dika nohiboha ho ma hangeino dika nolaku.” Hokogea o Elisa wagou-goungu abe wohioriki abe ahao idadi.

2 Kokoano 5:11

Masara o Elisa ai behehongo gea o Naamana woihene de duru wongamo de duru womakode wolio ai poretoko de wato, “De ngohi tato bote Ma Jou ai uru ma dodofanga gea ahao wohupu wohitutumu! De iti una de ai giama wohikelu-kelu la daku ahi pado ma nabo-nabo ma lokuino de womagahoko de Ma Jou o Yawe ai romanga la to una ai Jou gea wohihitogumu!

Gegetongo 16:15

Ka de manga boi ma demo gea o Musa de o Harunika yoihene de o Musa duru wongamo hiadono wihingahu Ma Jou o Yaweika wato, “Ahi Jou, ngohi tato to ona manga huhuba ngaro ufa nodafongo! Abeika manga gurubungu ma demo ato tahikangela masara ngaro tomagahoko onangino moi ma ko iwa abe ngaro o keledai ma ko iwa todafongo. De ko ma moiuahi itaana tahowono onangika ngaro o nyawa moioo ma ko ma moiuahi!” Hokogea o Musa wihingahu ibooto Ma Jouika de ahao witemo o Koraika, wato, “Itebini o ngorumino de ahao ngona noboa nomahidutuku Ma Jou o Yaweika, abe ngona Kora de ona mata-mata abe ininii-niiki kiani naga Ma Jou o Yawe ai himangoka. De ngohi de o Harunoo ngomioo kiani naga genangoka.

Gegetongo 20:3

De gea ona o Musa iwihigurubungoli ato, “Koaho ma dihira gea de ngomi mihonengoka dika Ma Jou o Yawe ai himangoka hoka mia gogianongoruoli abe ka itodokanino de Ma Jou wahipoha de o hone-honenge hiadono yohonengoka.

Maruku 3:5

De o Yesusu womalega arihononga de wongamo angamoi ai dohata o howonika. De ai hininga duru ihuha ma titi manga pea kohadogowini ho hiadono wakokidamaanoka. De witemo ai giama ihelu-helukika wato, “Nagorakiye ani giama.” De wagorakiye ai giama de idadi imakadaene abe hoka ai giama ma honongali ho itogumoka.

Efesusu 4:26

De nagali to Una ai Demo-demoino abe inahingahu ato, “De nako naga nia ngamo ipuda, gea ufa nimahigunoa la ma titi gea dika de hiadono niahowono.” Masara koaho ma wange gea ko itumunuahi de gea nia ngamo kiani niapidilokau la ufa idadi o hiningagogono nginioka.

1 Samuele 20:32

Masara o Yonatana duru wileha ai babaika, wato, “To una ai howono o kia? Duru ko iwa! Ho de ma titi o kia hiadono ngona nato kiani nihohonenge?”