Dodadi 31:29 - Ma Jou ai Demo-demo o Totobelohoka

²⁹ Ngohi de ahi kuahaka ho nako tato tonihikangela ka idadi! Masara Ma Jou abe ani baba womahijou Unangika, gea o futu Una wohihitiari wato, ‘Ngona nohidodiai abe hokokia notemo o Yakubika.’ Ho Ma Jou ai demo gea dika ma titi hiadono ko tonihikangelaua.

Dodadi 31:29 ပူးပေါင်းရင်းမြစ်များ

Dodadi 24:50

De ami iranga o Labana de ami baba o Betuele iwipaluhu unangika ato, “Tarimakase ani demo gea hobata. Duru itararono Ma Jou o Yawe wohiaturu ho to ngomi mia putuhu ko iwa angamoi Ma Jou waputuhoka.

Dodadi 28:13

De wimake naga daku o ngute ma barenoka Ma Jou o Yawe womahigokoino genangoka de wihingahu o Yakubika wato, “Ngohi Ma Jou o Yawe, abe Ngohino yomahuba-huba ani ete o Abarahaama de o Isaka ani baba. De abe ma tonaka naa ngona nomaidu-iduoka ahao tahidoaka ngonaika de ani totoforaikaoo tahidoaka.

Dodadi 31:42

Masara ngohi naga Ma Jou wohiniiki de gea Una abe ahi ete, o Abarahaama womahuba-huba Unangika. De ahi babaoo o Isaka, unangoo duru de ai horomati Ma Jouika. Ho duru Ma Jou Una gea abe ka ihikaika naga ngohioka angamoi nako ka ngona dika, toroa, de nohihiaturu ka hiadono ngaro ahi kiahonanga moioo de ko iwa ma, ko nopusingua. Abe ngaro tohupu de ka tomahomoa dika ma ngona ka nohihigunoa dika. Masara Ma Jou womalega ngohiuku de wamake ahi karajaanga de wamakeoo hokokia ngona nohihitubuho ho hiadono o futuika ngonaika Ma Jou wohidemo ngohi.” Hokogea o Yakubu wihiree-reeika o Labanika.

Dodadi 31:5

Ho ka de yoboaka de wahingahu onangika wato, “Marai ngini niamakeoka abe nia baba ai hininga ngohino imakohowonoka de ma dihira, abe naa naga una hoka ko wohisanangiokaua ngohino. Masara Ma Jou, abe ahi baba womahijou Unangika, ka ihikaika wohiniiki ngohi de wohiduhunu.

Dodadi 31:53

De naa ahi koboto ma demo tapake la tonagahoko o kangela Ma Jouino nako hatilakuru nanga behehongo naa. De Ma Jou gea Una abe to ngona ani ete o Abarahaama de to ngohi ahi ete o Nahoro yomahijou Unangika, gea Una ahao wonahohowono nako hatilakuru nanga batingi.” Hokogea o Labana ai koboto. Ho o Yakubu unangoo wokoboto wato “Ngohioo duru de ahi horomati ahi baba o Isaka ai Jouika ho ngohioo totemo to Una ai himangoka ka idadi wohihohowono nako ngohi nanga batingi naa tatilakuru.”

Dodadi 31:7

Masara wohibudi dika abe ngaro wohihibehehongo wato ahi hewa hokonaa de hokonaa wohihidoaka masara hokogenangua wohihidoaka. Abeika, ma ngimoiokau ahi hewa wohigali-gali waturuuru ho ngaro wohihibehehongoka ngohino ma, ko watobagou-goungua. Masara Ma Jou ko wihigunoaua wohihikangela hiadono tohuhaholi.

2 Samuele 13:22

De o Abasalomo unangoo duru wingamo o Anonika ma titi womihimalekoka to una ma hirete ngoi biranga o ngo Tamarika. Ho una duru ko witemo-temokaua ai riaka o Anonika.

Hidingoto 9:5

De una wato, “Masara ahi baluhu, ngona naa onaguna?” De ma ilingi iwipaluhu ato, “Ngohi naa o Yesusu, abe ngona nohihikangela Ngohino!