Dodadi 31:10 - Ma Jou ai Demo-demo o Totobelohoka

¹⁰ “De naa kiani tinihingahu nginika naga ma moiuku Ma Jou wotemo ngohino ahi buluhara ma goronaka. Gea ma oraha o kabingi ma duduono ikokiniiki de tobuluhara de tamake hoka naga o kabingi ma beka mata-mataika ikokiniiki de o kabingi ma nauru ma dodigiiri dika.

Dodadi 31:10 ပူးပေါင်းရင်းမြစ်များ

Dodadi 20:6

De Ma Jou wipaluhu ai buluhara ma goronaka gea wato, “Ngohi tonihioriki abe ngona nagoungu gea nodiai de ani hininga ihohailoa dika. De gea ma titi Ngohi tohiaturu hiadono ko nahowonua Ngohino abe ko tonihigunoaua nomigagao munangika.

Dodadi 28:12

De o Yakubu iwikiookoka de wobuluhara, de naga moi o ngute o tonakoka de aiye abe hiadono itikiye o Horogaiye. De naga Ma Jou ai malaekata yamuruono naga youti-doa o nguteoka gea.

Dodadi 30:39

De o Labana ai kabingi de ai domba mata-mata abe imalega o gotaika gea ma oraha iniiki de ahao ma ngofaka idadi hoka ma gotali abe ma baa-baanga de ma dodigiiri ma ngofaka.

Dodadi 31:11

De ahao ahi buluhara ma goronaka naga Ma Jou ai malaekata wotemo ngohino wato, ‘Yakubu!’ De ngohi topaluhu tato, ‘Ngohi naga tototoihene!’

Dodadi 31:12

De o malaekata gea wotemoli wato, ‘Nohidodiai nomalega de ka idadi ngona namake abe hokokia o kabingi ma nauru iniiki o duduono ma goronaka ka ma nauru dika abe ma dodigiiri dika eko ma baa-baanga dika. Hokogea idadi angamoi Ngohi tamakeoka mata-mata gea o Labana wodiai ko itiaiua ngonaika.

Dodadi 31:9

Hokogea Ma Jou wohiaturu la nia baba ai aewani ma ngoe idadi to ngohi.”

Dodadi 37:5

De o futu moiuku o Yusupu wobuluhara de ai buluhara ma dola waade-ade ai ria-riakika. Ka de ai buluhara gea yoihene de manga dohata idogoli hiadono ilamoko unangika.

1 Kokoano 3:5

De ahao ma futuku gea de o Saloomo ai giooko ma gogiriaka de Ma Jou womahimatoko unangika ai buluhara ma goronaka. De gea Ma Jou wotemo unangika wato, “Ngona ka idadi nomagahoko moi Ngohino de gea Ngohi tosanangi dika tonihidoaka ngonaika.”

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.