Dodadi 3:8 - Ma Jou ai Demo-demo o Totobelohoka

⁸ De o wange ilobioka ona iwigihene Ma Jou o Yawe wotagi-tagi ma redioka gea. Ho yahinooto yomagogonika o gota-gotaka ma redi ma goronaka la ato ufa Ma Jou o Yawe wamake.

Dodadi 3:8 ပူးပေါင်းရင်းမြစ်များ

Dodadi 18:33

Hokogea yomakoketemo ibooto de Ma Jou o Yawe wosoboka. Ho gea o Abarahaama ka wolio ai tauika.

Dodadi 3:10

De una wipaluhu Ma Jouika wato, “Angamoi ngomi minigihene nokokaraaha noboa o redino naa de minimodongo ho mimagogonika angamoi ka mia bululunokahi.”

Sosawaro 15:3

Ma Jou o Yawe ai lako idamaana o kiaika dika, ho ngaro o dorou ma nyawa de ngaro ona yotobadiai ma rorahai, masara Una ka ihikaika wonalegauku ngone mata-matauku.

Yunusu 1:3

Masara ka de gea woihene de o Yunusu ko wosanangiua hiadono Ma Jou o Yawe ai himangoka de waino woara, ho wosobo wato woiki o Tarasiisi ma kotaika. De una wato o kapa waniiki ho ihira woiki o kota moiika ma romanga o Yopa, abe o gahi ma datekoka. De genangoka waika de wamake o kapa moioli ato yoiki yohidete o Tarasiisi ma kotaika. Ho ai dodagi ma hewa gea wohidoakoka de wofarene o kapaoko, wato woiki o Tarasiisika la una de Ma Jou yomakitingaka kohagurutika.

Roma 2:15

De gea ka idadi hamake to ona manga wowango ma datorino abe utu ngade-ngade yaniiki o Musa ai Paretaino ngaro ai Pareta gea ko ma moiuahi yoihene. De nagali abe hamake onangoka abe ma oraha naga moi manga hiningaka ipuda manga datoro, ho kiani ona yomaputuhu nako ahao yodiai eko ko yodiaiua. De gea manga hininga ka de itemo de yahigaro ma totiaiika, ho ipahaino gea manga hiningaino de yomahioriki abe nako yodiaioka itorou ekola nako yodiaioka irahai. De genangino de ka idadi hamake abe onangoo gea ngade-ngade yomaketero abe hoka o Yahudi ma nyawali angamoi naga ma tobahioriki to ona manga hininga homoi-homoioka la ihioriki o kia itiai de o kia itorou. Ho nako hiadono to ona manga hininga yahigaro ma totiaiika de gea yatilakuru, gea itararonoka abe onangoo itiai Ma Jou wahohowono onangika. Ho gea ngohi tato ngaro o Yahudi ma nyawa eko abe ko o Yahudi ma nyawaua, masara o nyawa mata-mata Ma Jou wao itiai abe ma oraha watailako. Abe ko ma titiua Una wairiki o nyawa utu la wahohowono de utuoli ko wahohowonua. Hokogenangua, masara Una ai hiningaka de wotemo wato, “Onagona dika yahowono Ngohino de kiani tahohowono onangika, abe ngaro ihioriki o Musa ai Pareta eko abe ko ihiorikua, masara ahi hininga ma putuhu moi dika ona yahowo-howono mata-mataika.” De genangino de itararono abe duru itiai Ma Jou wahohowono ona mata-mataika abe yahowonoka Unangika ngaro onagona dika ma nyawa.

Higalioli 4:33

Eko sarakia, ma moiokau idadi o nyawa utuika abe ona yoihene Ma Jou ai ilingi ihupu o uku ma goronaino hoka nginioli ma dihiraino niiehene ai ilingi? Marai duru ko iwa, e? De ngaro ngini niihene ai ilingi hokogea masara ko nihonengua!

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.

Himatoko 6:15

De ma oraha gea o dunia ma nyawa mata-mataika duru iwikokimodongoka o Domba ma Ngofakika, de ngaro o dunia ma kokoano eko utu yokokurutiye manga gogere eko ngaro o tentara manga hae-haeke eko ona yokaya-kaya eko ona yopoputurungu, ma ona mata-mataika duru iwimodongo Unangika. Ho gea ngaro o nyawa manga gogilaongo eko ngaro ko o gilaongua ma nyawa, masara o dunia ma nyawa mata-mataika yoiki yomagogonohi o aru-aruku ma goronaka de o lokuhakaru ma ago-agomo ma kokitimika.