Dodadi 3:7 - Ma Jou ai Demo-demo o Totobelohoka

⁷ Ho ka de ona ma hofoko gea yaolomoka de manga kokihiningaka ipuda ato, “Adoo, ngohi naa ka ahi bululunoka!” Abe yahinooto gea homoi-homoiika yomahioriki, ona ka manga bululunokahi, ho ona yamao kiani yomahitatoko. De naga o gota moi ma romanga o gogilioro de ona yomale to ena ma hoka de manga dadatoko yomaguriti de yomahitatokoko.

Dodadi 3:7 ပူးပေါင်းရင်းမြစ်များ

Dodadi 2:25

De ma oraha gea o nauru de o ngofeka yahinooto gea ka manga bululunokahi, ma ko yamalekua.

Dodadi 3:5

Ma Jou ko woigoua ngini niaolomo angamoi wohiorikoka ka de niaolomo ma hofoko gea, de inihitararono ti ngini nia hiningaka hiadono nginioo nidadioka nimakadaene hoka Unangoli, ho gea nginioo nihioriki o kia ma owa de o kia ma dorou.” Hokogea o dodiha ma budi ma demo.

2 Kokoano 6:20

Ho o Arama ma nyawa manga tentara gea yokokiwohamoka o Samaria ma kotaika de ahao o Elisa womagahokoli Ma Jouika, wato, “Ma Jou o Yawe naa ona tagahoko la manga lako mata-mataika nohitararono la ka idadi yomahioriki itiai.” Hokogea wagahoko de hokogea Ma Jou waduhunu hiadono manga lako itararono hoka ma dihirali. De ahao yomalega arihonongaika de ihikokiorikoka abe ona naga o Samaria ma kota ma goronaka.

Lukasa 16:23

Masara wokaya-kaya to una ai jiwa naga o Naraka ma goronaka de duru wokangela ma titi duru kohahauku. De ahao una womamatagaiye de wamake o Abarahaama abe ko ai gurutika de o Lasarusu unangoo genangoka o Abarahaama ai datekoka.”

1 Korintusu 12:23

De ma badanga ma kiahonanga abe ngone hato to ena ma hailoa ikuranga, gea hohidodiai la hohinoauku de ma rorahai la to ena ma hohailoa naga. De imaketero hokogea nanga badanga ma kiahonanga abe ngone hato ufa hiadono o nyawa utu yamake, genangoo duru hohidodiai la hohinoauku gea de ma hohailoa dika la hiadono enangoo naga de ma hohailoa.

Hihira 3:2

Ho angamoi naga o Isiraele ma nau-nauru abe ko ma moiuahi yaparangi o nyawaika, ona gea Ma Jou woigo wahilati la yososawaro yoparangi, de manga ngofa-ngofakukuoli ahao onangoo ka idadi wahilati la yososawaro manga musu yaparangi. De gea ma titi manga musu gea Ma Jou wanoaika la ka yogogerohi o Kanani ma tonakoka.