Dodadi 3:4 - Ma Jou ai Demo-demo o Totobelohoka

⁴ De o dodiha gea imipaluhu de o budi ma demo munangika ato, “Masara koua, niaolomo dika angamoi ngaro ma hofoko gea niaolomo ka idadi de ngini ko nihonengua.

Dodadi 3:4 ပူးပေါင်းရင်းမြစ်များ

Dodadi 3:13

De ahao Ma Jou o Yawe womileha o ngofekaika wato, “Adodoa ho ngona nodiaioka hokogea?” De muna gea mipaluhu Ma Jouika mato, “Masara o dodiha gea ihibudi ho hiadono ma hofoko gea taolomo.”

Dodadi 3:3

Masara igoungu Ma Jou womihibehehongo wato, ‘Bowahu naga o gota moi dika imatotogoronaiye iwango o redioka naa, abe ngini ko idadiua to ena ma hofoko niaolomo done nihonenge. De ngaro niaso ma, ufa done nihonenge.’”

2 Kokoano 1:16

De ona iwiadono ho o Elia woboa ma koano ai himangino de una wotemo wato, “Naa ka idadi tonidofanga ngonaika Ma Jou o Yawe ai demo moi. Abe Ma Jou wonitemo wato, ‘Done ma titi o kia hiadono ngona nahidingoto ani nyawa o Ekonika la nolingiri o demo ma titi ngona abe to ona gea manga jou o Baala-Sebuboka de aino? Bote ngona nafikiri nato o Isiraeloka naa de ko iwa Ma Jou la ka Ngohino dika nohileha gea? Ho mangale ma titi ani datoro gea hiadono ngona ko idadiokaua toniduhunu ho o hitogumu ani badanga ma kangelaino ko namakeua. De ngona marai ani ngingiduino ko nomomikokaua angamoi itigioka ani gahe nohonenge!’ Hokogea to Una ai demo abe ngohi tonidofanga ngonaika ahi koano.”

2 Kokoano 1:4

Ho naa Ma Jou o Yawe ai demo abe ka idadi niwidofanga nia koanoika. Una wato, “Naa tonihingahu abe ngona duru ko nomomikokaua ani ngingiduino angamoi naa kiani ngona nohonengoka!”’” Ho gea de ahao o Elia wosoboka la woiki wabuhuku ma koano ai nyawa de wadofanga Ma Jou ai demo onangika.

2 Kokoano 1:6

De ona iwipaluhu ato, “Mia koano, marai naga o nauru womatengo abe mimakamake de una mia dodagi ma gogiriaka, de una gea womihuloko la ka milio naangino de minidofanga ngona mia koanoika Ma Jou o Yawe ai demo moi. Abe Ma Jou wonitemo wato, ‘Done ma titi o kia hiadono ngona nahidingoto ani nyawa o Ekonika la nolingiri o demo ma titi ngona abe to ona gea manga jou o Baala-Sebuboka de aino? Bote ngona nafikiri nato o Isiraeloka naa de ko iwa Ma Jou la ka Ngohino dika nohileha gea? Ho mangale ma titi ani datoro gea hiadono ngona ko idadiokaua toniduhunu ho o hitogumu ani badanga ma kangelaino ko namakeua. De ngona marai ani ngingiduino ko nomomikokaua angamoi itigioka ani gahe nohonenge!’ Hokogea to una ai demo abe ngomi minidofanga ngonaika mia koano.”

Yohanese 8:44

Igoungu, o Ibilihi idadioka ti ngini nia baba, de gea ho nioigo to ena ma mau dika nihigihene. De hokonaa o Ibilihi ma hininga. Ma dihiraino ena gea o nyawa yatobatoma. Duru ko iwa ma gou-goungu enangoka ho ioluku aniiki o kia dika abe ma gou-goungu. O Ibilihi duru itobaeluku ho ena gea o ngelu-ngeluku ma baba. Ho gea ka ihikaika ielu-eluku angamoi o ngeluku ma demo gea to Ibilihi ma demo.”

2 Korintusu 11:3

De ngohi tohawana tato done ahao inibudi o rerehene ma dodotokino abe imaketero hoka duru ma dodihiraka de o Ibilihi ma haeke abe imibudi o ngo Hawa ma titi o dodihaino. De done ahao nia hininga ma dumutu itagi ko iahumokaua o Yesusu Kristusika masara nia hininga idadi hinooto.

2 Korintusu 2:11

Abe nako ngone ko hiapongua, gea idadi o Ibilihi ma haeke ma ngekomo la hiadono nia doomuino nimareguoka ho nia rimoi aruwaeoka. Ho ngone koaho hiapongo nanga gianongoruika gea done o Ibilihi ma haeke ahao inahikala genangoka. De ngone naa hohiorikoka abe ma titi to ena ma hininga ma dorou ngoneino. De hokogea ma titi hiadono koaho niwiapongo nanga gianongoru gea nginioka.

Higalioli 29:19

Abe nako naga o nyawa nginioka yoihene Ma Jou ai behehongo ma demo de ka yoluku yaniiki enangika, gea ufa yomatemo manga hiningaka ato, ‘Ngohi naa ka yaowa dika abe ngaro ahi pea hatoli itogowini masara duru tonganono o hiowa dika tamake ahi wowangoka.’ Ufa manga demo hokogea angamoi ahao ka onangua dika abe o bobinaaha yadaene masara manga dodiawo abe manga hininga ma rorahai dika, onangukuoo o bobinaaha yadaene.

1 Timotiusu 2:14

De naa moioli o Adama una o Ibilihi ko iwibudiua, masara ma ngofeka gea ka idadi imibudi de hiadono mahowonoka Ma Jouika.