Dodadi 3:24 - Ma Jou ai Demo-demo o Totobelohoka

²⁴ Ho ka de ai redino ona wahihupuoka de o Edene ma redi gea ma honongaka abe o wange ma hiwariha, genangoka Ma Jou wohigogere ai gogoana muruono naga. De ma gogoana gea ai gilaongo abe ma romanga o kerubu, ho ma ngekomo abe o wowango ma gotaika yogoana la ko idadiokaua o nyawa yoboa genangika. De nagali o dia de ma ukuoka itoka-tokara akaika akaino iloo-loliti la ko idadiokaua o nyawa yowohama Ma Jou ai redika. De gea angamoi Ma Jou ko wahigunoakaua o nyawa yoiki o wowango ma gotaika ho ma ngekomo wotatokoka.

Dodadi 3:24 ပူးပေါင်းရင်းမြစ်များ

Dodadi 3:23

Ho Ma Jou o Yawe wihuloko o Adamika la ona yohupu o Edene ma redino gea. De abe ma dihira o tonakino wihidadi de naa Ma Jou wapake o tonaka la o Adama wihohowono, abe o tonaka gea kiani womadumule.

Dodadi 4:1

O Adama de ngoi fekata yomakitigi ho ka de ipahaino gea o ngo Hawa de ami badangoka. De ahao momagerewoto de ami ngofaka o nauru. De muna motemo ami rokatika mato, “Ma Jou wohihiakunu ho hiadono o ngofaka o nauru tamakeoka.” De manga ngofaka gea iwihiromanga unangika o Kaini.

Dodadi 4:14

Abeika, o wange naa de parahaja dika tomaredi de Ngona ko nohidafongokaua ho Ngonaka tomatingakoka. Ngohi kiani ka ihikaika totagi-tagi dika de ahi dodogumu ko iwa o duniaka. Ho ngohi naa ahao ka ihikaika o nyawa ihimake hoka o homoa ma nyawa ho done ka de ihimake de ihihidee la ato ihitoma.” Hokogea o Kaini ai hawana ma demo.

Higiriiri 104:4

Abe o hidaloko mata-mataika enangoo idadi to Ngona ani hidingoto. De o leletongo enangoo idadi to Ngona ani gogilaongo.

Huhupu 25:2

“Hokonaa ahi behehongo abe nahingahu o Isiraele ma nyawaika. Ngohi Ma Jou toigo la naga manga hidoaka abe Ngohino ihihidingakino; masara gea onagona dika de manga hininga ma sanangioka de aino ihihidoaka Ngohino abe ka idadi gea ena nodafongo de natoomuino.

Gegetongo 22:23

De ona yahange gea ko idadiua yamake ma malaekata, masara o Bileama ai keledai ka idadi iwimake. Ho ka de iwimake Ma Jou o Yawe ai malaekata gea de ma keledai duru iwimodongo angamoi ma malaekata gea womahingairoko de ai dia abe ma doto arihononga! Ho o keledai atodokana de imapopaata irehene o redi ma goronaika de o Bileama nagahi o keledai ma poretoka. Ho una duru wohiniporo ma himanga ma ngekomikali de duru wapoha ai keledaiika ho hiadono iboali ma ngekomino.

Yohanese 14:6

De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.

Ibarani 1:7

De naa ma titi moioli abe inahimatoko abe ka Ma Jou ai Ngofakohi wokurutiye nako de o momalaekata. Angamoi nako Ma Jou wahiromanga ai malaekatika, gea Una wato to Una ai kuaha wahidoaka jai-jai onangika ma oraha wahitagongo moi de wahidingoto la hokokia iwileleani Unangika. De gea duru imaketero abe hoka o hidaloko de o uku, angamoi enangoo ma moi ma moi idadi iputurungu de duru hamake to ena ma buturungu, masara ka de ipaha de duru ko iwaka ho ko hamaokaua. De ma titi genangoo ma naga ai Demo-demoka abe ma dodihiraino de hokokia wahiromanga onangika wato, “Ahi malaekata ona gea ihitobaleleani Ngohino, abe utu tahidadi hoka o hidaloko de tahidingoto abe ahi hininga ma dumutika, de utuoli tahidadi hoka o uku ma dokara la hokogea ona ihileleani.”

Yosua 5:13

De o Yosua woiki womahitigi o Kanani ma nyawa manga kota o Yerikoika. De gea womalega ai himangika de wimake o nauru womatengo womaokoino ai himangoka de una gea wasoino ai humaranga ma doto arihononga. De ahao o Yosua womahitigi-tigika o naurika gea de wileha wato, “Ngona naa to ngomi mia dodiawo eko mia musu?”

1 Samuele 4:4

Ho yahuloko manga hidingoto ma nyawaika la yoiki o Silo ma kotaika de Ma Jou o Yawe ai Behehongo ma Peti yale. De Ma Jou abe ka Unangohi Wopoputurungu womanoa ai Behehongo ma Peti ma dadamunu ma lokuoka. De naa o Behehongo ma Peti gea yale de o Eli ai ngofa-ngofaka o Hofini de o Pinehasa naga Ma Jou ai Peti ma ngioka de ahao yaduhunu ona ho Ma Jou ai Peti yahidongotaka o parangi ma ngiika gea.