Dodadi 3:23 - Ma Jou ai Demo-demo o Totobelohoka

²³ Ho Ma Jou o Yawe wihuloko o Adamika la ona yohupu o Edene ma redino gea. De abe ma dihira o tonakino wihidadi de naa Ma Jou wapake o tonaka la o Adama wihohowono, abe o tonaka gea kiani womadumule.

Dodadi 3:23 ပူးပေါင်းရင်းမြစ်များ

Dodadi 2:7

De ahao o wange ma butaanga de ipaha Ma Jou o Yawe o tonakino wihidadi o nyawa moi o nauru. De Ma Jou o nauru gea ai ngunungiye widuwuwu la gea wihiwango de to Una ai womaha, ho o nauru gea ka idadi wowomaha hiadono wowango.

Dodadi 2:8

De naga o redi moi duru ma hohailoa abe Ma Jou o Yawe wodiaiokau de genangoka wihigogere o nauru gea. De Ma Jou ai redi gea o Edenoka wodiai abe o wange ma hiwariha ma honongaka ma tonaka.

Dodadi 3:19

De ngona ahao nomakarajaanga hiadono ani gahauku ma amoko de duru nokangelaka de ahao ani inomo namake. Ho ka ihikaika hokogea hiadono nohonenge de gea nolio o tonakuku, angamoi ngona nodadi o tonakino de ahao o tonakukuoli nolio.” Hokogea Ma Jou ai hohowono o nyawaika.

Dodadi 3:22

De Ma Jou o Yawe wotemo wato, “Abeika, o nyawa naa ihiorikoka o kia ma owa de o kia ma dorou, ho ona yodadioka hoka Ngoneoli, de ufa hiadono yomadofioli o wowango ma gota ma hofoko de yaolomo done manga wowango ko ihonengua.”

Dodadi 3:24

Ho ka de ai redino ona wahihupuoka de o Edene ma redi gea ma honongaka abe o wange ma hiwariha, genangoka Ma Jou wohigogere ai gogoana muruono naga. De ma gogoana gea ai gilaongo abe ma romanga o kerubu, ho ma ngekomo abe o wowango ma gotaika yogoana la ko idadiokaua o nyawa yoboa genangika. De nagali o dia de ma ukuoka itoka-tokara akaika akaino iloo-loliti la ko idadiokaua o nyawa yowohama Ma Jou ai redika. De gea angamoi Ma Jou ko wahigunoakaua o nyawa yoiki o wowango ma gotaika ho ma ngekomo wotatokoka.

Dodadi 4:12

Abe ngaro ngona nomarediohi masara o hasili ma tonakino gea ko namakeokaua. Ho ngona ko idadiokaua noriidi o ngi moioka, nodadioka o paradidu ma nyawa.”

Dodadi 4:2

Ami ngofaka o domoro gea mamakeoka de ipahaino de ahao muna mamakeoli ami ngofaka ka o nauroli de una gea iwihiromanga o Habele. De o ria-dodoto yahinooto gea yobaluhiye de o Habele woigo wotobapaliara o aewani o dofo ma duduono, de ai riaka o Kaini una woigo wotobaredi.

Dodadi 9:20

De o Nuhi woigo womaredi ho ahao o angguru wodatomo ai redioka.