Dodadi 3:20 - Ma Jou ai Demo-demo o Totobelohoka

²⁰ De o nauru wohira gea ai romanga o Adama, de womihiromanga ngoi fekatika o ngo Hawa, mangale o nyawa mata-mata abe ahao yowango, muna gea modadi manga meme.

Dodadi 3:20 ပူးပေါင်းရင်းမြစ်များ

Dodadi 16:11

De ahao Ma Jou o Yawe ai malaekata womihingahuohi wato, “Ngona naa igoungu de ani badangoka, De ahao nomagerewoto ani ngofaka o nauru. De una gea kiani nihiromanga o Isimaele, Angamoi Ma Jou o Yawe wonigihene ani kangela.

Dodadi 2:20

Ho ipaha o Adama wohiroma-romangoka o aewani o dofo, de o fuhuku, de o totaleo daku ma hoanino hiadono mata-mataika wabootoka wohiromanga. Masara ko moiua naga ai dodiawo irahai ho abe o Adama ai duduhunoo ko iwahi.

Dodadi 2:23

Ka de o Adama womimake de wotemo wato, “Oo, naa duru tosanangi, muna naa hoka ngohioli, Ami kobongo idadi to ngohi ahi kobongino, De ami roehoo idadi to ngohi ahi roehino, Ho muna naa tomihiromanga o ngofeka, Angamoi muna naa Ma Jou womihidadi o naurino.” Hokogea o Adama ai demo.

Dodadi 3:21

De ma oraha gea Ma Jou o Yawe wodiai manga pakeanga o aewani ma kaiino de wahinoauku o Adama de ngoi fekatuku.

Dodadi 35:18

Masara o ngo Rahele ka de momangakunu de mohonenge de ngade-ngade ami ngomaha itoaka de motemo mato, “Una naa duru o huha ma ngofaka ho kiani nihiromanga o Ben-oni.” Masara ai baba wato, “Koua, hokogenangua angamoi una ahao duru ahi datekoka ho tihiromanga, ‘Ahi Nirakoka.’” Ho de to ona manga demo o Yakubu wifetongo, “o Benyamini.”

Dodadi 5:29

De o Lameke ai ngofaka gea wihiromanga o Nuhi. De wotemo wato, “Ahi ngofaka o Nuhino naa ahao hamake o lalaru nanga kangela ma goronaka. Gea nanga kangela abe ma titi Ma Jou o Yawe o dunia ma tonaka wohipohaka de o hohowono ho hiadono hokangela hokarajaanga.”

Huhupu 2:10

Ho ami ngofaka wolamoko ngoi memeoka ma, ka de hiadono ko wohuhuokaua de mingotaka o Firaunu ngoi oraika la wodadi to koano ngoi ora ami dofo. De o Firaunu ngoi orali mipaliara hiadono wodadi imaketero hoka ami ngofaka idodutu de mihiromanga o Musa abe motemo mato, “Ngohi tigoraka o akerino ho ma titi gea ngohi tihiromanga o Musa.”

Matiusu 1:21

Ho o ngo Maria ahao momagerewoto de ami ngofaka o nauru, de ngini kiani niwihiromanga o Yesusu, angamoi ma romanga gea ma titi, ‘Ma Jou o Yawe wonaduhunu to ngone nanga hohowonino.’ De kiani niwihiromanga hokogea angamoi Una gea ahao ai nyawa wahihohe manga howo-howonino.” Hokogea o malaekata wihitararono o Yusupika abe ma titi o ngo Maria ami ngofaka gea.

Matiusu 1:23

“Abeika, naga momatengo o moholehe abe muna ko ma iwahi yomakitigi de o nauru. De ngaro hokogea masara muna gea naga de ami badangoka. De muna ahao momagerewoto de ami ngofaka o nauru, De Una gea iwihiromanga o Imanuele.” Hokogea ma dodihiraka Ma Jou ai uru ma dodofanga wohitulihuku. De ma romanga o Imanuele gea nako o Isiraele ma nyawa manga demo ma titi, “Ma Jou ka ihikaika naga de de ngone.”

Hidingoto 17:26

De Una duru ma dodihiraka de witulaada o nyawa womatengo, de ipahaino de o nyawa de o dutu mata-mataika o dunia ma amokika de wonatulaada abe womatengoino gea. De ma dodihiraka gea de womaputuhokau abe ahao ma nyawa de ma dutu o kiaka wagorakiye la naga to ona manga kuaha o nyawa utuika, de abe o kiaka wahiguti la manga kuaha ko iwaka. De ngaro o nyawa manga tonaka ma batingi homoi-homoi ma gea mata-mata ko idadiuahi de Una wohiaturokau.”

2 Korintusu 11:3

De ngohi tohawana tato done ahao inibudi o rerehene ma dodotokino abe imaketero hoka duru ma dodihiraka de o Ibilihi ma haeke abe imibudi o ngo Hawa ma titi o dodihaino. De done ahao nia hininga ma dumutu itagi ko iahumokaua o Yesusu Kristusika masara nia hininga idadi hinooto.

1 Timotiusu 2:13

Angamoi ma dodihiraka o Adama una wohira Ma Jou wihidadi, de ahao o ngo Hawa muna moturu womihidadi.

1 Samuele 1:20

Ho ami gahe adonoka de muna mamake ami ngofaka hoka momagahokoka. De ma oraha momagerewoto ami ngofaka o nauru de mihiromanga o Samuele angamoi mato, “Ngohi tomagahoko Ma Jou o Yaweiye la una ahi ngofaka naa tamake.”