Dodadi 3:19 - Ma Jou ai Demo-demo o Totobelohoka

¹⁹ De ngona ahao nomakarajaanga hiadono ani gahauku ma amoko de duru nokangelaka de ahao ani inomo namake. Ho ka ihikaika hokogea hiadono nohonenge de gea nolio o tonakuku, angamoi ngona nodadi o tonakino de ahao o tonakukuoli nolio.” Hokogea Ma Jou ai hohowono o nyawaika.

Dodadi 3:19 ပူးပေါင်းရင်းမြစ်များ

Dodadi 18:27

Masara o Abarahaama wademoli Ma Jouika wato, “Ngohi ani himangoka naa imaketero hoka o tonaka ma kafo eko o uku ma kafo dika, ho done sarakia de ka ihimoroinohi totemo Ma Jouika?

Dodadi 2:7

De ahao o wange ma butaanga de ipaha Ma Jou o Yawe o tonakino wihidadi o nyawa moi o nauru. De Ma Jou o nauru gea ai ngunungiye widuwuwu la gea wihiwango de to Una ai womaha, ho o nauru gea ka idadi wowomaha hiadono wowango.

Dodadi 23:4

De wahingahu wato, “Hobata, ngohi naa ko o Kanani ma nyawaua de togogere nginioka hoka o homoa ma nyawa de ko toriidua o ngi moioka, masara ngohi togahoko o tonaka ma hohutulu nginioka abe ka idadi tomaija la genangoka tomilungunu ngohi fekata.”

Dodadi 3:18

De ahao iwangoiye irupa-rupa de ma hihikaka de inihikangela abe adeho-dehoro ani datomika. De ti ngini nia inomo utu kiani nimalingiri o fonganika.

Dodadi 5:5

Ho o Adama ai wowango ma dekana o dunia ma lokuoka ai taongo o ratuhu hiwo de moruange de ahao wohonenge.

Higiriiri 103:14

De hokogea Ma Jou ai hininga ngoneino angamoi womangaratii, Abe to ngone nanga buturungu de nanga dongohono duru ko kia-kiaua. Una wonahioriki ngone o nyawa abe wonahidadi o tonakino.

Higiriiri 104:23

De imakawalimi de o nyawa abe ka de o wange ipotokaiha, De ona yomomiki de yohupu manga tauino yoiki manga karajaangika, De o wange itumunu de yolio manga tauino la yomaidu.

Higiriiri 104:29

Masara nako Ngona o aewani gea noporetika de ena duru ihawana, De nako to ena ma womaha natoaka de ka ihonenge, De ma badanga iliokali o tonakika abe genangino idadi.

Higiriiri 127:2

De naa moioli abe ka parahaja dika, nako o nyawa duru yokarajaangaholi la ato yomahidailako manga perelu. Abe nako duru yongorumu yosobo la yokarajaanga ka hiadono yahidufutuku, gea ko ma titiua abe manga karajaanga kiani naga de ma hasiloka. Angamoi Una gea ka idadi wonahidailako ngaro homasikaa de ngaro homaiduoka, iti to Una ai hininga ma dora duru itagi ngoneino.

Higiriiri 22:15

Ahi roehe yodudungoka ka hiadono ahi buturungu enangoo iowahoka, Imaketero de o tonaka ma tau-taulu abe awoerika o wangeoka hiadono itogowinoka, Hokogea ahi roehe hiadono ahi akiroo imakahumu de ahi uru ma roehe, Ngohi tamao hoka nohikelenga nohiwoere o ngekomo ma kuhuhunoka, De hiadono ahi roehe ngade-ngade idadioka o honenge ma dirihi.

Higiriiri 22:29

Igoungu ona abe yomasade o dunia ma lokuoka onangoo yomaponuku, Abe ona yomangaku ai himangoka abe manga wowango Unangoka de aino, Abe o dunia ma nyawa mata-mata yomaboa de ahao yohonenge, De ona ma hirete ko yakunua manga wowango ihikurutu ma dekana, De naga ma oraha ona mata-mataika yomahuba-huba Ma Jouika.

Tobadotoko 5:15

Ho ngohi tamake abe ngone homoi-homoi ma oraha homaboa de hoboribululunoka de ka homahomoa dika. De hokogenangoo duru imakadaene ma oraha nanga gahe adonoka la hoborihonenge, angamoi ka homagiawawe dika. Abe duru ko idadiua nanga kaya homagao de de ngone.

1 Korintusu 15:47

De una wohira gea, una o dunia ma tonakino Ma Jou wihidadi, ho una duru o dunia ma nyawa. Masara Una abe woturuino, o Kristusu, Una gea o Horogaka de wauku woboa.

Efesusu 4:28

De abe naga utu nginioka nitobatohiki o nyawa utu manga kiahonanga, gea ibootohi nitohiki, masara koaho nimakarajaanga irahai de ti ngini nia giama la ka idadi nimahidailako nia perelu. De gea ahao ka idadi niaduhunu abe ona yohu-huhaika, abe naga nia karajaanga ma hasilino abe gea ka idadi niahikodoku onangika.

1 Tesalonika 2:9

De ngini, mia gogianongoru, marai ngini ka niohiningahi abe to ngomi mia karajaanga de mia kangela ma oraha gea abe ka nginiokahi mimanoa. De gea o futu de o wange ka ihikaika mikarajaanga la ka idadi mimahidailako la gea miato Ma Jou ai Abari ma Rorahai minihingahu-ngahu de gea done minihitubuho nginika ma titi mia wowango ma perelu.

2 Tesalonika 3:10

De gea ma oraha ngomi ka nginiokahi de ma ngoe minihibehehongoka nginika miato, “Onagona dika nia gogianongoru abe yoluku yokarajaanga, ona gea ngaro ufa dika de niahidailako to ona manga inomo.” Hokogea mia behehongo ma dihiraino nginika.

Ibarani 9:27

De ngone hohioriki abe ngone o nyawa homoi-homoi nako nanga bobaha o duniaka adonoka de gea kiani hohonengoka. Masara gea ma moi dika hohonenge, de ipaha ahao Ma Jou wonatailako de wonaurusu ma titi nanga wowango homoi-homoiino.