Dodadi 3:10 - Ma Jou ai Demo-demo o Totobelohoka

¹⁰ De una wipaluhu Ma Jouika wato, “Angamoi ngomi minigihene nokokaraaha noboa o redino naa de minimodongo ho mimagogonika angamoi ka mia bululunokahi.”

Dodadi 3:10 ပူးပေါင်းရင်းမြစ်များ

Dodadi 2:25

De ma oraha gea o nauru de o ngofeka yahinooto gea ka manga bululunokahi, ma ko yamalekua.

Dodadi 3:11

De Ma Jou wibole ma goa-goa wato, “Ka onagona inihingahu abe ngini ka nia bululunoka? Maraioka niaolomoka o gota ma hofoko gea abe Ngohi ko tinihigunoaua niaolomo e?”

Dodadi 3:7

Ho ka de ona ma hofoko gea yaolomoka de manga kokihiningaka ipuda ato, “Adoo, ngohi naa ka ahi bululunoka!” Abe yahinooto gea homoi-homoiika yomahioriki, ona ka manga bululunokahi, ho ona yamao kiani yomahitatoko. De naga o gota moi ma romanga o gogilioro de ona yomale to ena ma hoka de manga dadatoko yomaguriti de yomahitatokoko.

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Huhupu 20:19

De ona yogahoko o Musaika ato, “Musa, kiani ngona dika nomitemo ngomino de minitotoihene. Masara ufa nihigunoa la Ma Jou womitemo ngomino done mihonenge.”

Huhupu 3:6

De Ngohi naa Ma Jou abe ani baba womahijou Ngohino. De to ngona ani tofora o Abarahaama, de o Isaka, de o Yakubu, onangoo yomatobahuba-huba Ngohino.” Ka de o Musa hokogea woihene Ma Jou wotemo unangika de ka womatatoko ai himanga angamoi wimodongo womalega Ma Jouika.

Huhupu 32:25

De gea o Musa wamake o Harunu wahigunoa dika o Isiraele ma nyawa manga hininga ma hafini ko yomatumungua ho ma dorou o kia dika ipuda manga hiningaka de gea yodiai. De una wohuha ma titi manga musuoo yamake abe hokokia yodiai itorou de ngaro manga malekoo ma ko iwa ho hiadono manga musu ahao yahiade-ade de manga gietoka.

1 Yohanese 3:20

Ho ngaro ngone ma moi ma moi homamao nanga hininga ko iriidua abe nagahi nanga howono ho kiani Una wonahohowono ngoneino, masara tanu ai hohowono gea ngoneino waofiokau. De nako to ngone nanga hininga de Ma Jou, ma ka to Unangohi ai tobahioriki duru ilamoko angamoi Una gea duru mata-mataika wohioriki. De gea Una duru ko wawohangua abe nanga hohowono waofioka ho ko inadaenokauali. Ho gea ka idadi ngone honganono abe duru ka to Unangohi ai hininga itaana ho ngaro ufa dika de hopusingohi ma titi nanga hininga gea nanga hohowonika. De gea ena ma titi hiadono to ngone nanga hininga ka idadi iriidi dika to Una ai himangoka de ko iwa nanga hawana.

Himatoko 16:15

De ahao nanga Baluhu idodutu wonahitiari wato, “Abeika nitotoihene! Ngohi ahao ka itodokanino de toboa nginika. De gea toboa imaketero hoka womatengoani wotobatohiki woboa la wato winidohiki, angamoi ngini duru ko nihiorikua o futu o kia ahao toboaino. Ho onagona dika yomagoa-goana de yomahinoaukuoka manga baju, ona gea ahao duru de manga utumoka. Masara nako ona utu abe ko yomahidiaiuahi, done ahao yotagi-tagi ka manga bululunokahi de utu yamake de duru yamaleke ona gea.” Hokogea nanga Baluhu idodutu ai hitiari ma demo.