Dodadi 29:20 - Ma Jou ai Demo-demo o Totobelohoka

²⁰ Duru o Yakubu wosanangi woihene ai demo gea. Ho ngaro o Labana wileleani ai taongo tumidi ibooto masara ko wamaouahi iwibole hokogea ma dekanino angamoi duru womidora o ngo Rahelika. Ho ma oraha ai karajaanga gea wabooto de womatemo wato, “Ngohi ahi garago naa hiadono tamao abe hoka ahi wange muruono naga dika tokarajaanga.”

Dodadi 29:20 ပူးပေါင်းရင်းမြစ်များ

Dodadi 24:67

De o Isaka duru wosanangi ho o ngo Ribeka womingotaka ngoi meme ami tauika la mogogere genangoka. De ahao o ngo Ribeka imihidadi to Isaka ngoi fekata de una duru womidora. Ho ngaro ai hininga ma huha angamoi naa ma duru ngoi meme o ngo Sara mohonengoka ma ka de woilaka de iwilaru.

Dodadi 29:19

De o Labana wopaluhu wato, “Irahai ani gogahoko angamoi nako de o nauru utu, ka ngonahi duru toigo tonihidoaka ngohi ora naa. Ho ngona nogogere ngohioka dika.”

Dodadi 29:27

Ho naa kiani noilaka de ngomi riaka naa, abe kiani nimaidu o minggu moi ma dekana ibooto, ka hiadono mia rame-rameoo ibooto. De ahao o ngo Raheloli minihidoaka ngonaika la munangoo modadi ngoni fekata. Hokogea ngomi misanangi midiai iti ngona nohihibehehongo ngohino nokarajaangoli ngohioka o taongo tumidoli ma dekana la gea to munangoo ami bobangu nabootohi.”

Dodadi 29:30

De o Yakubu de o ngo Raheloo yomakitigi abe onangoo yodadioka o giarokata masara de o ngo Lea de o ngo Rahele gea, ka o ngo Rahelohi womidora o Yakubu. De una wokarajaanga ai toroaka ai taongo tumidoli ma dekana.

Dodadi 30:26

Ho togahoko la nomihigunoa miloiki, ngohi de ngohi feka-fekata de ahi ngofa-ngofaka angamoi iwedonoka ahi karajaanga ngonaka hiadono itiai totemo tato ona mata-mata duru yodadioka to ngohi. Ngona nohioriki ma dekana tonileleani de ahi karajaanga ma titi la ona ngohi feka-fekata de ahi ngofa-ngofaka tamake. Ho naa togahoko nomihigunoa la misobo.” Hokogea o Yakubu ai demo ai toroaika.

Dodadi 31:15

Ho ngaro ngoi ora idodutu masara o baba womiao imaketero hoka o homoaino ma ngofeka. Una womifukunu dika de ai utumu genangino wapake wamataka ho ko iwa ma titi la migogerohi nenangoka.

Dodadi 34:19

De o Sikeme, duru womataiti wolio la manga behehongo gea wahingahu ai gogianongoruika angamoi duru womidogarago o ngo Dinaika. De una wato marai ka idadi o huhuna ma behehongo yaniiki angamoi nako una de ai gogianongoru utu ka unangohi duru o nyawa iwihoromati.

1 Korintusu 13:7

De abe o nyawa de manga doraka, ona ngaro hokokia dika o nyawa yahikangela onangika ma, ko yomahibalahua. Abe ngaro moi hokokia dika ma manga ngongaku nagahi, de ka yomahinganonohi Ma Jouika, de manga dongohono ko ihihangua ngaro hokokia dika naga iboa. Hokogea o dora ma hofoko.

2 Korintusu 5:14

De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.

Efesusu 5:2

De gea nia wowangoka kiani o dora inihihira-hira la hiadono nia dora itagi o nyawaika, de gea nimaaduru abe hoka o Kristusoli wadora o nyawaika. Abe Una gea duru wonadora ngone o nyawaino ho hiadono ai wowango womahidoaka de ai badangoo womahidoaka la idadi hoka o huhuba Ma Jouiye la wato genangino to ngone nanga howono waofi. De ai huhuba gea Ma Jou wodafongo angamoi wamake duru irahai de iwihisanangi to Una ai himangoka. Ho ngoneoo kiani o dora inahihira-hira nanga wowangoka.

1 Samuele 18:23

Masara ma oraha o Saulu ai demo gea ai nyawa yadofanga o Dautika de una wopaluhu, wato, “Abeika, ngohi duru ko tokayaua abe to ngohi ahi dutu, ona yohuha. De o koano ngoi ora kiani duru ami ija ma hali ho to ngohi ahi tau ko yapoaua ihiduhunu ngohi de o tiwi hokogea ma amoko.” Hokogea o Dautu wahingahu.