Dodadi 29:16 - Ma Jou ai Demo-demo o Totobelohoka

^16-18 De o Yakubu woigo o Labana ngoi ora womagahoko la modadi ngoi fekata. De o Labana ngoi ora yahinooto, ma riaka ami romanga o ngo Lea de ma dodoto o ngo Rahele. De o ngo Lea ami lako ko itararonua masara nako ngomi dodoto ami badanga irahai de duru mohailoa. De utuohi munangika o Yakubu ai hininga adaene ho womagahoko o Labanika wato, “Ahi baluhu, ngohi tosanangi tokarajaanga ngonaka de ngaro ufa e, nohihigaji iti ngohi fekata tamake. Hokonaa ahi hininga tomahingahu, nako o ngo Rahele, ngoni ora o dodoto, nohihidoaka la modadi ngohi fekata de ngohi tokarajaanga ngonaka o taongo tumidi ma dekana.”

Dodadi 29:16 ပူးပေါင်းရင်းမြစ်များ

Dodadi 29:15

De ahao o Labana gea wotemo unangika wato, “Ahi daho, ko itiaiua hokonaa ma dekana nokarajaanga nohiduhunu ngohi de ma balaha ko iwa. Ngohi toigo tonigaji iti nomahingahuohi to ngona ani mau.”

Dodadi 30:19

De ahao o ngo Lea de ami badangokali de momagerewotoli o Yakubu ai ngofaka o nauroli abe naa to muna ami ngofaka o nauru yadonoka yabutaanga.

Dodadi 31:4

De o Yakubu naga ma hoanoka wogoa-goana ai dofo ma duduono de wabehehongo ngoi feka-fekata o ngo Rahele de o ngo Lea la yoboa de iwitutumu genangoka.

Dodadi 33:2

De ahao o Yakubu ai tau wahiaturu la watatorika de wahuloko la ngoi fekata abe o hidoakino de manga ngofa-ngofaka kiani ona yohira, de ahao ngoi fekata o ngo Lea de ami ngofa-ngofaka ona yokokorona de ma bahaika naga o ngo Rahele de ami ngofaka o Yusupu.

Dodadi 35:23

Ai ngofaka o riaka, abe o ngo Lea ami ngofaka o domoro, gea o Rubene de ai doo-dodoto abe ona manga meme ka moi o Simeono, de o Lewi, de o Yehuda, de o Isakara, de o Sebulono.

Dodadi 46:15

Hokogea o Yakubu ai ngofa-ngofaka de ai dano-danonguku o nau-nauru de nagali ngoi ora o ngo Dina abe wamake o ngo Leaino ma oraha ka yogogerohi o Padana-Arama ma tonakoka. Ho yamoruange de yahange manga ngoeuku abe to ngo Leaino ami ngofa-ngofaka de ami dano-danongo.

Dodadi 49:31

De genangoka iwilungunu ahi ete o Abarahaama de ngoi fekata o ngo Sara. Ahi baba o Isaka de ngohi meme o ngo Ribeka onangoo manga lungunu genangoka. De ngohi fekata o ngo Lea munangoo tomilungunu o aruku ma goronaka gea.

Ruutu 4:11

Ho ka de manga dimo-dimono de ona utu abe yomatoomuinoka genangoka yoihene ai demo gea de yotemo ato, “Ngomi midadioka o hakihii ma nyawa abe miamake ma gou-goungu abe ngona o Boasa o wange naa nodiaioka. Ngaro Ma Jou o Yawe wonihidadi ngonaika la ani gogianongoru, o Efaraata ma nyawa, inigoraka la ngona nodadi manga dimono. Angamoi itiai o nyawa manga horomati ilamoko ngonaika o Beteleheeme ma kotaka la ka ihikaika ona duru ko iniwohangua. De ma ngofeka gea abe nomile la nigogere moi ani tauoka duru mimigahoko la muna modadi imaketero hoka nanga be-be o ngo Lea de o ngo Rahele abe ma titi manga ngofaka manga ngoe hiadono ngone o Isiraele ma nyawa hofaa-faatuku nanga totoforaino gea.