Dodadi 29:13 - Ma Jou ai Demo-demo o Totobelohoka

¹³ De o Labana ka de woihene abe ai daho woboa watutumu de unangoo duru womataiti woiki dokaika la o Yakubu wibuhuku. Gea yomakamake de o Labana ai daho wikooino de wibounu. Gea yomakobounu ibooto de ahao o Labana wiao ai tauika. Genangoka de ahao o Yakubu wiade-ade ai pepeika hokokia mata-mata ho hiadono naa woboa.

Dodadi 29:13 ပူးပေါင်းရင်းမြစ်များ

Dodadi 24:29

De o ngo Ribeka ami iranga naga o tauoka ai romanga o Labana. Ka de una wamake o ali-ali ami ngunungoka gea de ami gogoli ami giama yokokahononga de woihene ami ade-ade de duru woheranga. Ho o Labana gea wohiaturu la ka idadi o Abarahaama ai duduhunu womahidodogumu onangoka de ahao una womataiti woiki o humuika wato wilingiri o nyawa gea abe ngoi firanga moade-adeokau. De gea wimake o humuoka ai unta ma datekoka womaokoino.

Dodadi 24:31

De o Labana witutumu de wato, “Hobata, duru itararono Ma Jou o Yawe wonihiowa ma ngoe ngonaika. De ufa nomahiaini nenangoka dika, kiani nogila-gila nohiniiki doka ahi tauika la nomahidodogumu ngohioka. Ngohi tinihidiaiokau ti ngini nia ngi de nia untaoo ma ngi nagau.”

Dodadi 24:32

Ho o Abarahaama ai duduhunu gea o Labana winiiki ai tauika de ahao manga kiahonanga ihiguti manga untaka. Gea ihiguti ibooto de ahao o Labana ai gilaongo yaoino o akere la ka idadi o Abarahaama ai duduhunu de ai dodiawo manga lou yaihoro hoka manga biaha ma oraha gea. De naga o unta ma inomo de ma nanao abe o gandumu ma roehe enangoo o Labana ai gogilaongo yaoino.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Dodadi 45:15

De gea o Yusupu ka woariohi de ai ria-riakoo homoi-homoiika wakokikooino de wakokibounu. Gea de ahao yomulaenge yogogarago yomaketeade-ade una de ai roria-dodoto.

Huhupu 18:7

Ho ka de gea woihene de o Musa woiki wabuhukika ai toroa. De duru womaponuku o Jitoro ai himangoka de ahao wibounu de hoka manga biaha yomakokeleha nako naga manga huha eko koua. Ho ipaha de ona o Musa wao ai tauika.

Huhupu 4:27

De ma oraha o Musa de o Harunu ko yomakamakeuahi de Ma Jou o Yawe wihingahuokau o Harunika wato, “Harunu, naa Ngohi toigo tinihikamake de ani dodoto o Musa ho kiani noiki nibuhuku o tonaka ma kakaahaika.” Ho o Harunu woiki de ma oraha abe ahao una de o Musa yomakamake gea o loku ma timiuku abe ma dihira Ma Jou womahimatoko o Musaika. De genangoka o Harunu de ai dodoto yomahikomorene.

Lukasa 7:45

De ngona kangano ko nohibounua Ngohi la ani tabea nohihimatoko Ngohino, masara muna kanganohi abe toboaino de hiadono naa de ko motogu-togumua mabounu ahi louika.

Hidingoto 20:37

De ona mata-mata duru yoari ma titi kiani yomakitingaka de una, de iwikokikooino de iwibounu la manga dora unangika yomahimatoko.

Roma 16:16

De ngini o Roma ma kotaka, ma oraha nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka. De ka to ngohiua dika ahi tabea abe tohidingoto, masara ngaro o Kristusu ai gareja ma doomu mata-mataika ma onangoo ihidingoto manga tabea nginika.

Kolose 4:5

De ti ngini nia wowango kiani niao irahai abe de nia sosawaroka la ngaro naga o nyawa abe ko iwingakuahi o Kristusika, masara ona ko idadiua initae nginika. De nako naga ma oraha la ka idadi niahitararono o nyawaika ma titi Ma Jou ai Demo-demoino, gea ma oraha ma getongo kiani niale de niapake.