Dodadi 29:11 - Ma Jou ai Demo-demo o Totobelohoka

^11-12 De womibounu o ngo Rahelika de womihingahu wato, “Ngohi naa ani dutu adaene abe ngohi meme o ngo Ribeka, ani baba ngoi firanga.” Gea womihingahu ibooto de ahao duru woari de ai ilingi ma amokiye. Woari ibooto de o ngo Rahele momataiti moiki momapopaata ami babaika la mihingahu womatengo manga dutu naga o humuoka.

Dodadi 29:11 ပူးပေါင်းရင်းမြစ်များ

Dodadi 27:26

Ho gea wolomo de wokere ibooto de ahao o Isaka wogahoko wato, “Ngofaka naino de nohibounu.”

Dodadi 29:10

De o Yakubu duru wogarago womimake o ngo Rahele, abe ngoi meme ami iranga o Labana ngoi ora, hiadono ka de moboaino de una waika de o humu ma dadamunu waso de ngaro una ka womatengo dika ma ka wakunu wahooro! Gea wahooro ibooto de ahao una ma hirete wohionoko de wohiokere ai pepe ai domba mata-mataika.

Dodadi 29:13

De o Labana ka de woihene abe ai daho woboa watutumu de unangoo duru womataiti woiki dokaika la o Yakubu wibuhuku. Gea yomakamake de o Labana ai daho wikooino de wibounu. Gea yomakobounu ibooto de ahao o Labana wiao ai tauika. Genangoka de ahao o Yakubu wiade-ade ai pepeika hokokia mata-mata ho hiadono naa woboa.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Dodadi 43:30

Masara ka de hokogea wotemo ibooto de kiani o Yusupu womataiti wohupu angamoi ai dora ilamoko ai dodotika hiadono ko womatongohonokaua. Ho wowohama o kamarika moi abe duru womatengoka de ahao duru ai koongo itifa.

Dodadi 45:2

De o Yusupu woari. De hiadono woari kohaamokiye ho o Mesiiri ma nyawa onangoo yoihene, de gea yoade-ade hiadono o Firaunu de ona mata-mata ai tauoka ihikokioriki abe o Yusupu woari.

Huhupu 18:7

Ho ka de gea woihene de o Musa woiki wabuhukika ai toroa. De duru womaponuku o Jitoro ai himangoka de ahao wibounu de hoka manga biaha yomakokeleha nako naga manga huha eko koua. Ho ipaha de ona o Musa wao ai tauika.

Huhupu 4:27

De ma oraha o Musa de o Harunu ko yomakamakeuahi de Ma Jou o Yawe wihingahuokau o Harunika wato, “Harunu, naa Ngohi toigo tinihikamake de ani dodoto o Musa ho kiani noiki nibuhuku o tonaka ma kakaahaika.” Ho o Harunu woiki de ma oraha abe ahao una de o Musa yomakamake gea o loku ma timiuku abe ma dihira Ma Jou womahimatoko o Musaika. De genangoka o Harunu de ai dodoto yomahikomorene.

Roma 16:16

De ngini o Roma ma kotaka, ma oraha nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka. De ka to ngohiua dika ahi tabea abe tohidingoto, masara ngaro o Kristusu ai gareja ma doomu mata-mataika ma onangoo ihidingoto manga tabea nginika.