Dodadi 28:5 - Ma Jou ai Demo-demo o Totobelohoka

⁵ Hokogea o Isaka wigahoko ibooto de ahao o Yakubu wihidingoto o Mesopotamia ma tonakika wato naga genangoka o Betuele ai ngofaka o Labana abe una gea o Esau de o Yakubu manga meme ami iranga. Ho o Yakubu woiki witutumu ai pepe o Labana o Mesopotamia ma nyawa gea.

Dodadi 28:5 ပူးပေါင်းရင်းမြစ်များ

Dodadi 24:54

Mata-mata wahidoaka onangika ibooto de ahao wato, “Naa, ka idadi holomo hososanangi.” Ho una de ai dodiawo yolomo de yokere ibooto de ahao yomaidu genangoka. Ka de ma dawangeino yomomiki de una wato yomataiti yosobo yolio ho wahilooa wato, “Ngohi naa tomahilooa, abe tato naa ngomi milio iti nimihigunoa la misobo.”

Dodadi 25:20

Una gea ahao ai ngumuru adonoka ai taongo moruata ma oraha woilaka de o ngo Ribeka, abe muna to Betuele ngoi ora de to Labana ngoi firanga. Ona o Arama ma nyawa abe yogogere o Padana-Arama ma tonakoka.

Dodadi 27:43

Ho naa ahi ngofaka kiani nohihigihene, ngona kiani itaiti noara ahi irangika. Ani pepe o Labana gea wogogere o Harana ma tonakoka ho genangika noara.

Dodadi 28:2

Ho kiani ma oraha naa nomaoko de nosobo la noiki doka ngoni meme ami baba o Betuele ai tauika o Padana-Arama ma tonakoka. Ngoni meme ami iranga o Labana naga genangoka wogogere de ka idadi momatengo ngoi ora nomaagao la modadi ngoni fekata. Ho naa nomataiti nomahidiai noiki!

Dodadi 29:1

De naa o Yakubu wogila-gilali hiadono woboa to ona manga tonakino abe yogogere o wange ma botokaiha.

Dodadi 35:27

De ipaha o Yakubu womahiadonoka ai baba o Isaka ai tauika abe naga o Mameroka abe imahikitigino de o Kiriata-Aba abe ahao o nyawa ihiromangoli o Heborono. O Isaka ai gogere gea duru ai baba o Abarahaama ai dingiioka abe ma dekana una wogogere o Mameroka.