Dodadi 28:18 - Ma Jou ai Demo-demo o Totobelohoka

¹⁸ De una duru o ngoru-ngorumino wagoraka ma hakaru abe gea una womahipangi-pangini de waokoiye la idadi o hohininga ma liate de ahao o minya wale de wogopoa o hakaru ma lokuku la wohitunguu ma hakaru gea watingakoka Ma Jouika.

Dodadi 28:18 ပူးပေါင်းရင်းမြစ်များ

Dodadi 21:14

Ho duru o ngoru-ngorumino o Abarahaama womomiki de wahidiai manga bilaono de manga akere ma ngi o aewani ma kaiino, ho o ngo Hagara ami belekauku wohilaketuku. Hokogea wahibilaono onangika de ahao wahingahu wato, “Kiani naa ngini niloiki.” Ho yosoboka o ngo Hagara de o Isimaele de ahao manga dodagi ma goronaka yaino yaika o tonaka ma kakaahaka abe ihiromanga o Bereseba ma tonaka ma kakaahaka.

Dodadi 22:3

De ma dawangeino ka o ngoru-ngoruminohi o Abarahaama womomiki de ai keledai wohidiai la ka idadi o huhuba ma gota wohibarene ma poretuku. De ai gilaongo yahinooto de ai ngofaka o Isaka wahokino. De ahao o gota wapelaka abe ahao wapake la ai huhuba wohiharongo. Ho mata-mata gea wodiai ibooto de ahao yosobo, o Abarahaama, o Isaka, de ai gilaongo yahinooto gea. De yoiki genangika abe Ma Jou wihingahuoka wato kiani genangoka womahihuba ai ngofaka.

Dodadi 28:11

De o wange moiuku womahiadono o ngi moiika abe wato, “Naa o wange itumunoka ho ngade-ngade yofutu de koaho naangoka dika tomaidu.” Ho womaleino o hakaru abe naga genangoka de womahipangini. Ho de ahao womaidu o ngioka gea.

Dodadi 31:13

Ngohi naa Ma Jou tonitemo abe ma dihira tonitutumu o Beteloka de ngona napake ma hakaru gea hoka o hohininga ma liate de ma lokuku nogopoauku o minya la nohitunguu ma hakaru gea nomadingakoka Ngohino. De ma oraha gea nohihibehehongo abe nomahijou Ngohino dika. Ho naa tonihingahu adonoka ma oraha abe kiani o tonaka naa nanoaika de nolio to ngona ani tonakika abe genangoka nomaboa.’ Hokogea Ma Jou wohihibehehongo ngohino, ti ngini nia rokatino, ho naa tinileha sarakia ti ngini nia hininga?” Hokogea o Yakubu ai hitararono ngoi feka-fekatika.

Dodadi 31:45

Ho o Yakubu waleino o hakaru ma guru-gurutu moi de wohigokoiye la wodiai manga behehongo ma dodunguu.

Dodadi 35:14

De ma dingiioka gea abe Ma Jou wotemo o Yakubika, duru genangoka o Yakubu wohigoko o hakaru moi gea abe duru ma gurutu la idadi o hohininga ma liate. De ahao o angguru ma teongo wogopoa o hakaruku ibooto de o saitunu ma hofoko ma minyaoo wale de enangoli wogopoa o hakaru ma lokuku la wohitunguu ma hakaru gea watingakoka Ma Jouika.

Dodadi 35:20

De ami lungunu gea o Yakubu wohitunguu de o hakaru ma amo-amoko wohigokoiye de ma oraha naa ami lungunu ma dodunguu gea nagahi genangoka.

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Yosua 4:9

De ahao o Yosua unangoo wagilio o hohidemoika abe ona nagahi o akere ma goronaka de duru genangoka wodiai o hohininga ma dodunguu moioli. Abe una wafafo o hakaru ngimoi de hinootoli duru o hohidemo manga ngioka abe genangoka yomatongohono ma dekana yamokuino Ma Jou o Yawe ai Behehongo ma Peti o Yorodani ma akere ma goronaka. De ma hakaru ngimoi de hinooto gea nagahi manga dingiioka ka hiadono ma oraha naa ma ade-ade naa ihitulihuku.

1 Samuele 7:12

De ahao o Samuele wairiki o hakaru ma amoko moi de ena gea wohibelohuku la imaokoiye o kota hinooto ma hidogoronaka abe o Misapa ma kota de o Sene ma kota ma hidogoronaka la idadi o hohininga moi ma titi Ma Jou o Yawe ai duduhunu onangika. De o hohininga ma hakaru gea wohiromanga o Eben-Haesara abe ma titi wohitararono, wato, “Ma Jou o Yawe wonaduhunu ka hiadono ma oraha naa!”