Dodadi 28:16 - Ma Jou ai Demo-demo o Totobelohoka

¹⁶ De ahao o Yakubu womomikino de womatemo wato, “Igoungu, Ma Jou o Yawe naga nenangoka de ngohi kangano ko tohiorikua.”

Dodadi 28:16 ပူးပေါင်းရင်းမြစ်များ

1 Kokoano 3:15

De gea Ma Jou o Yawe wotemo ibooto de ahao o Saloomo womamaoino de wohioriki abe Ma Jou witemo unangika ai buluhara ma goronaka. Ho una wolio o Yerusaleeme ma kotaiye de wale o huhuba ma ngoe. De ma huhuba gea wao Ma Jou ai Petika de gea ma himangoka womaokoino de womahihuba ai huhuba gea. Abe utu ma huhuba iharo-harongo de utuoli ai dame ma huhuba. De gea ipaha de ahao una wahokino ai nyawa mata-mata abe iwileleani unangika de wodiadi o ngolo-ngolomo ma amoko la ona mata-mata yomakutuono yolomo.

Higiriiri 139:7

Done o kiaika toiki ngohi de ani Womaha ko iwa genangoka? Ngaro tato toara tomatingaka Ngonaino ma ko idadiua.

Huhupu 15:11

“O nyawa yomahinganono manga popangaoika, Masara moioo de ko iwa de ma buturungu hoka Ngonali. Mangale ma titi Ngona Ma Jou o Yawe, Ngona duru notebi-tebini ho ka Ngonahi nokokurutiye, De ani dararono ihohailoaholi to Ngona ani gogeroka. Ho mia higiriiri Ngonaika mata-mata mia hawanoka de aino, Ngona nomihiheranga abe notobadiai o heheranga ma amoko.

Huhupu 3:4

De wohitigi-tigika de Ma Jou wimake o Musa woboaino de witemo unangika de ai ilingi ihupu o gota gea ma dokara ma goronaino wato, “Musa, Musa!” De o Musa wopaluhu wato, “Iya, ngohi naga.”

Huhupu 3:5

De Ma Jou wihitiari o Musaika wato, “Ufa nomahitigino de kiani ani sandaala nahuputoka angamoi ma tonaka naa tomadingakino Ngohino ho duru itebini.

Yesaya 8:13

Angamoi naga moi dika abe kiani ngona ani horomati de ani hawana itagi genangika, de gea Ngohi Ma Jou o Yawe Wokokurutiye abe kiani nohimodongo Ngohino. Angamoi ka Ngohiohi totebi-tebini.

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Yosua 5:13

De o Yosua woiki womahitigi o Kanani ma nyawa manga kota o Yerikoika. De gea womalega ai himangika de wimake o nauru womatengo womaokoino ai himangoka de una gea wasoino ai humaranga ma doto arihononga. De ahao o Yosua womahitigi-tigika o naurika gea de wileha wato, “Ngona naa to ngomi mia dodiawo eko mia musu?”

Yosua 5:15

De o malaekata gea abe wahidimono Ma Jou o Yawe ai tentara wipaluhu o Yosuaika, wato, “Ngona kiani ani sandaala nahuputoka angamoi ma tonaka naa abe homakamake nenangoka o debi-debini ma tonaka.” Ka de gea woihene de o Yosua ai sandaala wahuputoka.