Dodadi 27:7 - Ma Jou ai Demo-demo o Totobelohoka

⁷ To una ai gogahoko hokonaa wato, ‘Ngofaka, togahoko o luadana ma roehe nohihakai o inomo ma rahai gea abe duru ka enangohi taolomo. Ngohi ko tohonenguahi de hokogea toigo taolomokahi de ahao Ma Jou o Yawe ai himangoka tonigahoko ma owa de ani oara ma behehongo.’ Hokogea ani baba ai demo o Esauika.

Dodadi 27:7 ပူးပေါင်းရင်းမြစ်များ

Dodadi 27:14

Ho o Yakubu wosoboka ma kabingi hinooto wale de watoma de watetoro ibooto de ahao womihidoaka ngoi memeika. Ho o ngo Ribeka mohakai o inomo ma rorahai abe o Isaka duru gea waolomo.

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 27:6

Masara ma oraha o Isaka wihibehehongo o Esauika de ngoi fekata o ngo Ribeka momahidutukika matotoihene. Ho ka de o Esau wosoboka de muna mihingahu ami ngofaka o dodotika mato, “Ahi ngofaka, kangano toihene ani baba ai demo ani riakika.

Dodadi 27:8

Ho ngona nohihigihene ngoni meme naa abe tonihuloko kiani nodiai.

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,

Yosua 6:26

De ma oraha gea yahihuba ma kota gea Ma Jouika de o Yosua wotemo de o koboto ma demo, wato, “Ngaro Ma Jou o Yawe wahohowono onaguna dika abe nako ahao, una wato wohitaili o Yeriko ma kota naa wohigokoli ma hungi! Ho ka de una wodiai abe idadi o kota ma lifunu, De ai ngofaka o nauru o domoro wohonenge, De ka de o kota ma kurunga ma ngorana ma dadatoko wodiai, De ai ngofaka ma bahali unangoli wohonenge.” Hokogea o Yosua ai koboto ma demo abe o Yeriko ma kotaika.

1 Samuele 24:19

Marai ko iwa o nauru utu abe nako to ona manga musu naga manga kuaha ma goronaka de yahigunoa la ka yowangohi. Masara duru hokogea ngona ka nohihigunoahi la ka idadi ngohi towangohi. Duru tonganono la Ma Jou o Yawe wonihiowa ma amoko ma titi ani dora ma hiokoo abe itagi ngohino o wange naa.