Dodadi 27:4 - Ma Jou ai Demo-demo o Totobelohoka

⁴ O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 27:4 ပူးပေါင်းရင်းမြစ်များ

Dodadi 14:19

De ahao o Abaraama o Mekisedeke wigahoko Ma Jouika wato, “Ma Jou Nokokurutiye ngohi tigahoko o Abaraama naa la nihiowa, Ngona abe o Horoga de o dunia natulaada de togahoko la nihiowa.

Dodadi 27:14

Ho o Yakubu wosoboka ma kabingi hinooto wale de watoma de watetoro ibooto de ahao womihidoaka ngoi memeika. Ho o ngo Ribeka mohakai o inomo ma rorahai abe o Isaka duru gea waolomo.

Dodadi 27:17

Ami ngofaka o Yakubu ai budi ma hidiai mata-mataika gea yabootoka de ahao mihidoaka o inomo ma rorahai gea de o roti abe ahao gea maharonguku.

Dodadi 27:19

De o Yakubu wipaluhu ai babaika wato, “Ngohi naa ani ngofaka o riaka, o Esau. De ngohi todiai ibooto mata-mata abe nohihibehehongoka ho naa baba nomomikiye la ka idadi nolomo naa abe tonidomaka. Nolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:23

Hokogea o Yakubu ai giama de ma gogoka ho ko wihiorikua abe una o Yakubu, masara naa wikuruuru de wato bote una o Esau ho wato wihiowa.

Dodadi 27:25

Ho ai baba wato, “Ahi ngofaka, abe ngona nohidomaka nohihidoakoka la ka idadi taolomo. Gea tolomo ibooto de ahao ma owa tonihidoaka abe ani oara ma behehongo ma demo.” Ho ai inomo gea o Yakubu wihidoakoka de o Isaka wolomo. De wihidoakoli o angguru ma teongo ho gea waokere.

Dodadi 27:27

Ho o Yakubu wibounu ai baba ai gotoakino de o Isaka duru wihohobounu ai bajuika de igoungu ma bounu duru o Esau ai bounu. De ahao wigahoko ma owa wato, “Ahi ngofaka ai bounu duru toigo, Abe imaketero hoka o tonaka ma gupa ma rorahai ma bounu, Hoka o tonaka Ma Jou o Yawe wohiowa ma bounu.

Dodadi 27:31

De o Esau unangoo o inomo ma rorahai gea wihakai wabootoka ho naa widotaka ai babaika. De witemo ai babaika wato, “Baba, nako noigo de nomomikiyeohi de ka idadi naolomo naa abe tonidomaka. Naolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:5

Ho o Esau wosoboka o tonaka ma gupaika la wolimoro wato ai baba ai behehongo wale.

Dodadi 27:7

To una ai gogahoko hokonaa wato, ‘Ngofaka, togahoko o luadana ma roehe nohihakai o inomo ma rahai gea abe duru ka enangohi taolomo. Ngohi ko tohonenguahi de hokogea toigo taolomokahi de ahao Ma Jou o Yawe ai himangoka tonigahoko ma owa de ani oara ma behehongo.’ Hokogea ani baba ai demo o Esauika.

Dodadi 27:9

Ngona noiki o duduonika de nairiki o kabingi ka ma goohi hinooto la ani baba tihakai o inomo ma rorahai gea abe duru ka enangohi waolomo.

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 49:28

Hokogea o Yakubu wahiowa ai ngofa-ngofaka yangimoi de yahinootoika de o hiowa ma demo abe duru imakataana de ona homoi-homoiika. De gea wohioriki itigioka wohonenge de wapake manga oara ma behehongo ma demo abe wahitaana onangika la wahingahu homoi-homoiika abe hokokia idadi onangika abe ma oraha manga totoforauku ahao yolape-lapeuku. De ona yangimoi de yahinooto homoi-homoiika ahao yodadi o Isiraele ma nyawa manga dutu.

Lukasa 2:34

De ahao o Simeono wagahoko o Yusupu de o ngo Maria Ma Jouiye la wahiowa. Gea wahiowa ibooto de ahao womihingahu o ngo Mariaika wato, “Abeika notoihene ahi demoino. Angamoi o ngofaka naa Ma Jou wihidadi la wihidingoto o Isiraele ma nyawaika de ai hininga ma dumutu naga hinooto. Abe moi o Isiraele ma nyawa manga ngoeika ahao yamake o bobinaaha. De abe moioli to Una ai nyawa manga ngoe utuika yamake o duduhunu manga boditoino ma titi Una. De Una wodadi o dodunguu abe wonahimatoko ngoneino Ma Jou ai ngekomo. Masara ko manga ngoe ahao yalawana ma dodunguu gea hiadono iwioluku Unangika.

Lukasa 24:51

De wahiowa ai gogiriakahi de wanoaika abe iwigoraka daku o Horogaiye.

Ibarani 11:20

De nako o Isaka, mangale unangoo wingaku Ma Jouika ho wagahoko ma owa ai ngofaka yahinooto o Yakubu de o Esauika la hokokia ahao yaborimake manga wowango homoi-homoioka.