Dodadi 27:39 - Ma Jou ai Demo-demo o Totobelohoka

³⁹ De ai baba hokonaa wipaluhu, “Ngona ahao nomatingaka o tonaka ma gogutufurino, De ikuranga o awana inidaene ngona, Hokogea to ngona de ani dutu nia gogere.

Dodadi 27:39 ပူးပေါင်းရင်းမြစ်များ

Dodadi 27:27

Ho o Yakubu wibounu ai baba ai gotoakino de o Isaka duru wihohobounu ai bajuika de igoungu ma bounu duru o Esau ai bounu. De ahao wigahoko ma owa wato, “Ahi ngofaka ai bounu duru toigo, Abe imaketero hoka o tonaka ma gupa ma rorahai ma bounu, Hoka o tonaka Ma Jou o Yawe wohiowa ma bounu.

Dodadi 27:28

Tonigahoko la Ma Jou wonihidoaka o awana, De o tonaka de ma gutufuroka abe ka idadi nomaredi, Hiadono ani gandumu duru de ma bunuhoka, De ani angguru duru itohofoko, tonigahoko.

Dodadi 33:9

De o Esau wato, “Ahi dodoto, duru tosanangi nohihidoaka gea ma ngaro ufae dika. To ngohi ahi aewani o dofo ihiwedonoka ho ngaro ufae dika! Ngona dika napaliara!”

Higalioli 33:13

De nagali o Musa ai hiowa ma demo abe ihidumutu o Yusupu ai totoforaukuika, de gea wotemo wato, “Ngaro Ma Jou o Yawe ka wahiowa to ona manga tonakika, abe ma titi ka idadi o gagini ma dihangoka de auku iparonuku de ihipehaka manga tonakuku, de o jobuubu enangoo ka idadi dau ma tonakoka de aiye ihihupuiye o akere la manga tonaka de ma hasiloka.

Higalioli 33:28

Ho hiadono ngini o Isiraele ma nyawa o dame dika ilaku-laku nia tonakoka naa, de ngini o Yakubu ai totoforauku nia ngioka de ko iwaka nia musu. De nia tonaka gea duru ma hasili ilamoko, abe o gandumu ma redi duru itohofoko, de ngaro nia angguru ma roehe mata-mata masara enangoo ihihofoko o hahaku kohangoe, angamoi nia tonaka ihipehaka irahai de o gagini abe o dihangoka de auku yodiriiuku.

Ibarani 11:20

De nako o Isaka, mangale unangoo wingaku Ma Jouika ho wagahoko ma owa ai ngofaka yahinooto o Yakubu de o Esauika la hokokia ahao yaborimake manga wowango homoi-homoioka.

Yosua 24:4

Abe tihidoaka o Isakika ai ngofaka yahinooto o Yakubu de o Esau. De tihidoaka o Esauika o tonaka o loku-lokuoka abe ihiromanga o Seiri ma tonaka. Masara o Yakubu de to una ai ngofaka mata-mata yokokiloiki daku o Mesiiri ma tonakika.’”