Dodadi 27:29 - Ma Jou ai Demo-demo o Totobelohoka

²⁹ De Ma Jou wonihigunoa la o nyawa manga ngoe, Ona duru de manga horomati ngonaika, Abe ngaro o kiaka dika manga dutu yogogere, Ma ona yoigo inileleani ngona. De Ma Jou wonihidadi ani gogianongoru manga baluhu, Hiadono ngoni meme ami ngofa-ngofakuku ngona nakokipareta, De onagona dika abe ahao iniao itorou, De ahao onangoo duru yamake ma dorou. De onagona dika abe ahao iniao irahai, De ahao onangoo duru yamake ma owa.”

Dodadi 27:29 ပူးပေါင်းရင်းမြစ်များ

Dodadi 12:3

De nako naga o nyawa iniao irahai, De ahao Ngohioli tahiowa onangika, De nako naga o nyawa utu iniao itorou, De ahao Ngohi onangika tahikangela. De mangale ma titi Ngohi tonihiowa ngonaika hiadono o nyawa utu ma owa yakokimake Ngohino o dunia ma amokika, Abe ngaro o kiaka dika manga dutu yogogere, De ma owa gea yamake.”

Dodadi 25:33

Masara o Yakubu ka wotemohi wato, “Kiani ani demo nagou-goungu nohihibehehongo ngohino nato, ‘Ngohi o Esau o riaka tonihibehehongo ahi dodotika abe to ngohi ahi oara ma oraha o baba wohonenge, naa tihidoakoka o Yakubika ahi dodotika.’ Kiani hokogea notemohi de ahao tonihidoaka.” Ho o Esau duru o demo gea waniiki itiai wihibehehongo o Yakubika de gea to una ai oara wafukunoka.

Dodadi 27:30

Hokogea o Isaka ai oara ma demo wihibehehongo ai ngofakika ibooto de ahao o Yakubu wohupu. Ka de wohupuoka de o Esau woboa.

Dodadi 27:37

De o Isaka wipaluhu wato, “Ahi ngofaka, marai ani dodoto tihidadioka ani baluhu de ai dutu mata-mataika tahidadioka ai gogilaongo. De utuohi tihibehehongo ai hidailako la ilamoko ai hasili o gandumu de o angguru ma hofoko.”

Dodadi 27:40

De ngini nimadatoko o kangelaino de nia dia, La gea ngini nimaduhunu la niwango. De ani dodoto ahao winikokipareta. Masara ika-ika de ma dubuho gea ko niapoakaua, De ahao ka idadi nimahihupu ai giamino.” Hokogea dika o behehongo ma demo abe o Esau wamake ai babaino.

Dodadi 37:10

De o Yusupu ahao ai buluhara gea wihingahuoo ai babaika. Ka de ai buluhara ma ade-ade woihene de ai baba witaere o Yusupika wato, “Marai ani buluhara gea duru toheranga! Ho ma titi o kia hiadono nomihingahu hokogea ngomino? De ngona done sarakia nato bote ngohi, de ngoni meme de ani ria-dodoto miboa la ani himangoka mimaponuku hiadono mia pea itiki o tonakuku?” Hokogea ai baba witaere.

Dodadi 37:7

Ngone o tau moi hongodumu o redioka hokarajaanga abe nanga gandumu hohidotoino de ma roehe ka ma moi ibooto de ahao hapaki-pakitino o papakiti amomoi. De to ngohi abe tapakitino ena imaokoiye duru imaboo-bootiye masara ti ngini homoi-homoiika abe niapaki-pakitino gea ena ikokiboa to ngohino de akilolitino de imaponu-ponuku to ngohi ahi papakitika.” Hokogea o Yusupu ai buluhara ma ade-ade.

Dodadi 9:27

De ahao o Yafete unangoo ai baba wigahoko wato, “O Yafete de to una ai totoforauku manga tonaka Ma Jou wohiwoata, De hiadono ona de o Seeme ai totoforauku yomakuduhunu, De to onangoo manga huhuloko o Kanani ma nyawa, Abe manga huhuloko o Haama ai totoforauku gea.” Hokogea o Nuhi ai ngofa-ngofaka wagahoko Ma Jouiye.

1 Kokoano 22:47

Abe ma dihiraino ma oraha o Yosafata ai baba o Asa wohikoanohi de o Asa wakiniiki o nyawa manga ngoe abe yomahidadidorou o jou-jou ma homoa ma huhuba ma ngi-ngioka. Masara o Asa ko wakiditokua o nyawa gea ho ona utu nagahi o Yehuda ma tonakoka. Ho naa ai ngofaka o Yosafata una ka idadi wakiditoko wakiniiki ona gea abe manga howono duru itorou hiadono ona duru ko yaiwaka o Yehuda ma tonakoka.

1 Kokoano 4:21

Abe ona manga tau homoi-homoioka naga manga angguru ma redi de manga gogilioro ma gota la yamake ma hofoko genangino. De abe ma oraha o Saloomo wahikoano onangika, ngaro yogogere daku o Bereseba ma kotaka o Yehuda ma tonaka ma dobikoka de ngaro ka hiadono onangoo abe o Daana ma kotaka dau o Isiraele ma tonaka ma dobikuku masara ai kokawaaha mata-mata yowango yososanangi dika. De hokogea dika manga wowango irorahai ka hiadono manga koano o Saloomo wohonenguku. De gea o Saloomo wahikoano o tonaka duru ma amokika de o dutu ma nyawa manga ngoe de manga hohidimono homoi-homoi yomahikoano unangika. Abe ai tonaka ma batingi daukuku gea o Tifasa ma kota o Efaraata ma akere ma datekoka de ka hiadono daku o Gasa ma kota abe imakitigino de o Mesiiri ma tonaka ma batingiye, de ngaro o Filistina ma nyawa manga tonaka masara enangoo wahikoano mata-mataika. De ona mata-mata iwihidoaka hoka o pajaka ma tiwi o Saloomoika la idadi manga horomati ma dodunguu unangika. De hongoli o homoa ma nyawa abe yogogere ai tonaka ma date-datekoka ona gea mata-mata de o Saloomo yomakao irahai de o dame. De ma oraha gea o nyawa iwihidoaka o inomo duru kohaamoko o Saloomoika la yahikawedono una de ai tau de ona mata-mata abe iwitobaleleani unangika. Abe ona gea manga inomo abe o wange moioka dika yatobaolomo gea hokonaa ma gegetongo. O tarigu biaha o litere o sana ngimoi de o tarigu ma alu-aluhu o litere o sana motoa, de o hapi biaha ma gahumu monaoko de o hapi abe duru ikutufuru ma gahumu ngimoi. De nagali yaolomo o domba ma gahumu o ratuhu moi de o luadana irupa-rupa ma ngoe de o totaleo ma ngoe. De hokogea manga inomo abe o wange homoi-homoi yatobaolomo.

Yesaya 49:7

De o Yawe abe Una o Isiraele ma nyawa manga gogoana de manga Koano wokokurutiye, naga to Una ai demo Unangika abe o dunia ma nyawa iwiemono de iwioluku, Unangika abe wodadi o kokoano manga huhuloko. De hokonaa Ma Jou o Yawe ai demo Unangika, wato, “Ahao o kokoano inimake noboaino de inihidoaka o horomati Ngonaika, de o popareta manga hohidimono onangoo yomamotumuku la inihoromati, angamoi Ngohi o Yawe toniirikoka. Abe Ngohi tatobagou-goungu ahi demoino de todadi o Isiraele ma nyawa manga koano tokokurutiye, de Ngohi naa abe toniiriki Ngona.”

Gegetongo 23:8

“Masara done sarakia de ngohi tahikangela o nyawa daena, Nako Ma Jou o Yawe ma dodihiraino wato ko wahikangelaua? De done sarakia de ngohi tahitipokouku ona gea, Abe ma dodihiraino de Ma Jou o Yawe ko wahitipokoukua?

Gegetongo 24:18

O Edomo ma nyawa onangoo ma, ahao una wahikala, Ka de ona o Seiri ma tonakoka iwimusu de waparangi hiadono wahikala. Masara o Isiraele ma nyawa ka ihikaika manga buturungu idogo, Ona ka ihikaika yogila-gila manga buturungu de manga tobalaku idogo.

Gegetongo 24:9

Ho onagona de yamoroini o Isiraele ma nyawaika? Duru yokangela ona abe yaruwae hiadono manga ngamo ifae. Gea imaketero de o singa ma boki ma ago-agomo abe yaruwae. Yomagahoko o bodito hoka o boki o singa ma ayoino yamake, Nako to ena ma ngofaka yoduhunu ho yagoli onangika. Ho onagona yamoroini yaruwae o Isiraele ma nyawaika?” “Onagona dika abe yahiowa o Isiraele ma nyawaika, Onangoo ahao yamake ma owa. De onagona dika abe yagahoko onangika o kokangela, Onangoo ahao yamake o kokangela.” Hokogea o Bileama ai demo ma betongo o dakoro.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Matiusu 25:45

“De hokogea ona yomademo, masara Ngohi ahao tapaluhu onangika tato, ‘Masara ma dihiraino de naga ma oraha abe ngini nioluku niaduhunu to Ngohi ahi nyawa-nyawaika abe ma oraha ona naga manga perelu. De naa tagou-goungu tinihingahu abe nako niolukoka niaduhunu to Ngohi ahi nyawaika onagona dika de gea taetongo imaketero hoka nginioo niolukoka nihiduhunu Ngohi naa. Abe ngaro ahi nyawa abe manga gogere ka itipokouku de nioluku onangika niaduhunu, gea imaketero Ngohi naa ma hirete niolukoka nihiduhunu!’”

Himatoko 19:16

De naga ai romanga moioli ihitulihika abe ai baju ma guru-gurutuku ma uguroko, de gea iwihiromanga ato, “O kokoano mata-mata manga Koano de o balu-baluhu mata-mata manga Baluhu idodutu.” Hokogea to Una ai romanga.