Dodadi 27:19 - Ma Jou ai Demo-demo o Totobelohoka

¹⁹ De o Yakubu wipaluhu ai babaika wato, “Ngohi naa ani ngofaka o riaka, o Esau. De ngohi todiai ibooto mata-mata abe nohihibehehongoka ho naa baba nomomikiye la ka idadi nolomo naa abe tonidomaka. Nolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:19 ပူးပေါင်းရင်းမြစ်များ

Dodadi 25:25

Ho gea momangakunu de ami ngofaka wohira womaboa duru ai doka-dokara de ai badanga ma amokika ai gogo kohabirini ho ahao iwihiromanga o Esau.

Dodadi 25:28

De angamoi manga baba o Isaka duru waolomo o fuhuku ma aewani ma roehe ho nako o Yakubu de o Esau, ka o Esauohi duru widora. Masara ngoi fekata o ngo Ribeka muna duru midora manga ngofaka o Yakubika.

Dodadi 27:18

Ho o inomo gea o Yakubu widotaka ai babaika ho wowohama ai baba ai tau ma goronaika abe genangoka o Isaka womaiduoka de wato, “Ahi baba.” De angamoi o Isaka ko womahiorikua ho wopaluhu wato, “Iya, ahi ngofaka, naa ngona onaguna?”

Dodadi 27:21

Masara o Isaka wato, “Ahi ngofaka, nainohi la toniso. Ngohi toigo tonihioriki nako ngona igoungu o Esau eko o Yakubu.”

Dodadi 27:31

De o Esau unangoo o inomo ma rorahai gea wihakai wabootoka ho naa widotaka ai babaika. De witemo ai babaika wato, “Baba, nako noigo de nomomikiyeohi de ka idadi naolomo naa abe tonidomaka. Naolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:35

De ai baba wipaluhu wato, “Masara ani dodoto woboa wohibudi ho ani oara ma behehongo wonioraka.”

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 27:45

Abe naa wato ngona nihikangela, gea kiani wawohangoka de ahao ngohi o nyawa tahidingoto la inihingahu. Angamoi ngohi naa duru toluku abe ahi ngofaka inihinooto nihihanga ka ma moi.”

1 Kokoano 13:18

De ahao una abe iwiperekioka witemoli wato, “Koua, ngona kiani nohiniiki ahi tauika, angamoi ngohioo Ma Jou ai uru ma dodofanga tomatengo abe hoka ngonali. De kangano Ma Jou o Yawe wihidingoto ai malaekata womatengo de ai pareta ma demo ngohino. De to Una ai demo wato, ‘Una gea ngona kiani niahoko la ngini nimakiniiki nilio ani tauika de genangoka kiani nimakutuono niolomo.’ Hokogea nanga Baluhu wohihuloko ngohino.” Masara abe iwiperekioka una gea ai demoino de wieluku.

1 Kokoano 14:2

Ho o Yerobeama womihuloko ngoi fekatika wato, “Ngona kiani nomahinoauku de o ngofeka momatengoli ami pakeanga de nomaturuuru ani rupa la ufa o nyawa inihioriki abe ngona to ngohi ngohi fekata. Nomaturuuruohi de ahao noiki o Silo ma kotaika la ka idadi nitutumu Ma Jou ai uru ma dodofanga o Ahia ai tauoka. Abe una gea ma dihiraino de wohihingahu wato ngohi ahao todadi o koano nanga tonakoka naa.