Dodadi 27:17 - Ma Jou ai Demo-demo o Totobelohoka

¹⁷ Ami ngofaka o Yakubu ai budi ma hidiai mata-mataika gea yabootoka de ahao mihidoaka o inomo ma rorahai gea de o roti abe ahao gea maharonguku.

Dodadi 27:17 ပူးပေါင်းရင်းမြစ်များ

Dodadi 27:14

Ho o Yakubu wosoboka ma kabingi hinooto wale de watoma de watetoro ibooto de ahao womihidoaka ngoi memeika. Ho o ngo Ribeka mohakai o inomo ma rorahai abe o Isaka duru gea waolomo.

Dodadi 27:16

De o kabingi abe kanganoino o Yakubu watoma gea ena ma kai mohiduguriti ai giama ma hahawo. Ho gea ai giama arihononga mohinoa la ma gogo ma poretoka. De o kabingi ma kai ma dobiki moioli makelenga ai tomarino de mapakiti mohigilolitino la ai rupa hoka o Esau abe hoka ai tomarino de ma gogoka.

Dodadi 27:18

Ho o inomo gea o Yakubu widotaka ai babaika ho wowohama ai baba ai tau ma goronaika abe genangoka o Isaka womaiduoka de wato, “Ahi baba.” De angamoi o Isaka ko womahiorikua ho wopaluhu wato, “Iya, ahi ngofaka, naa ngona onaguna?”

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”