Dodadi 27:14 - Ma Jou ai Demo-demo o Totobelohoka

¹⁴ Ho o Yakubu wosoboka ma kabingi hinooto wale de watoma de watetoro ibooto de ahao womihidoaka ngoi memeika. Ho o ngo Ribeka mohakai o inomo ma rorahai abe o Isaka duru gea waolomo.

Dodadi 27:14 ပူးပေါင်းရင်းမြစ်များ

Dodadi 25:28

De angamoi manga baba o Isaka duru waolomo o fuhuku ma aewani ma roehe ho nako o Yakubu de o Esau, ka o Esauohi duru widora. Masara ngoi fekata o ngo Ribeka muna duru midora manga ngofaka o Yakubika.

Dodadi 27:13

Masara ngoi meme mato, “Ahi ngofaka, ngaro ngohino dika ai demo ma dorou ihidaene. Ngona kiani nohihigihene ho noikoka naoino ngohino abe tonihibehehongoka.”

Dodadi 27:15

De ahao o Esau ai baju duru ma rorahai magoraka ai kiahonangino abe naga ami tauoka de mihuloko o Yakubika la ai riaka ai pakeanga gea womahinoauku.

Dodadi 27:17

Ami ngofaka o Yakubu ai budi ma hidiai mata-mataika gea yabootoka de ahao mihidoaka o inomo ma rorahai gea de o roti abe ahao gea maharonguku.

Dodadi 27:31

De o Esau unangoo o inomo ma rorahai gea wihakai wabootoka ho naa widotaka ai babaika. De witemo ai babaika wato, “Baba, nako noigo de nomomikiyeohi de ka idadi naolomo naa abe tonidomaka. Naolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 27:7

To una ai gogahoko hokonaa wato, ‘Ngofaka, togahoko o luadana ma roehe nohihakai o inomo ma rahai gea abe duru ka enangohi taolomo. Ngohi ko tohonenguahi de hokogea toigo taolomokahi de ahao Ma Jou o Yawe ai himangoka tonigahoko ma owa de ani oara ma behehongo.’ Hokogea ani baba ai demo o Esauika.

Dodadi 27:9

Ngona noiki o duduonika de nairiki o kabingi ka ma goohi hinooto la ani baba tihakai o inomo ma rorahai gea abe duru ka enangohi waolomo.

Lukasa 21:34

“De naa Ngohi tinihitiarioli la ka ihikaika nimagoana done nia hininga irehene Ma Jouoka de aino ma titi o rame-rame ma daluku inihipareta eko o dunia naa ma perelu nihitihira nia wowangoka. Angamoi done Ma Jou ai hohowono ma wange adonoka de ko nimahidiaiua ho duru initodokana nia hiningaka. De ufa hiadono inihidiliko ma hohowonoka angamoi ko nimagoanua ho ko nimahidiaiua ma oraha iboaino ai hohowono. Angamoi ai hohowono gea ahao yakokidaene o nyawa mata-mata o dunia ma lokuoka.