Dodadi 26:30 - Ma Jou ai Demo-demo o Totobelohoka

³⁰ Ho o Isaka wahidiai o inomo kohaamoko la yomahidiai abe ahao yomahiketehibehehongo ho yolomo de yokere yomakutuono la ihitunguu ko yomaketehininga-kurangokaua.

Dodadi 26:30 ပူးပေါင်းရင်းမြစ်များ

Dodadi 19:3

Masara manga demo gea o Loti ko wosanangiua ho ona waribuutu wato, “Duru ko idadiua nimaidu o loaka. Ngini kiani nihiniiki ngohi la nimaidu ahi tauoka.” Ho ona ahao iwiniiki o Loti ai tauika de genangoka ai nyawa wahuloko la o roti ko iwa ma ragi yahinaanga de o inomo utu yahakai. Ho naga manga inomo duru ma ngoe wahidiaiuku de ahao yolomo.

Dodadi 21:8

De o ngofaka gea wolamoko hiadono ko mihuhuokaua. De ma titi wolamokoka gea o Abarahaama wohirame-rame ho wahuloko ai nyawaika la o inomo duru kohaamoko yohakai. Abe o wange gea o Isaka o ngo Sara mitingakoka.

Dodadi 26:31

De ma dawangeino duru o ngorumino yomahiketehibehehongo la ihitunguu abe duru de manga demo ma gou-goungu. Gea yomahiketehibehehongo ibooto de ahao o Isaka wahigunoa yosobo abe naa manga gogao duru igou-goungu de ma dameoka.

Dodadi 31:54

Hokogea yomahiketehibehehongoka ibooto de ahao o Yakubu ai huhuba womahihuba Ma Jouika o lokuoka gea de ahao manga nyawa mata-mata wakokiahokino wato, “Naa kiani ngone mata-mata holomo horame-rame.” Ho ona yolomo yorame-rame de o futu gea yomaidu o loku-lokuoka gea.

Huhupu 18:12

De ahao o Musa ai toroa, o Jitoro gea, una womahuba Ma Jouiye. Ho gea o Harunu de o Isiraele ma nyawa manga balu-baluhu yokokiboa ma oraha o Jitoro womahihuba o huhuba iharo-harongo de naga ai huhuba o aewani utuohi abe yatoaka ma ngomahino de to ena gea ma roehe ka idadi yaolomo. De ona yahidiai o aewani ma roehe de o roti de ahao o Jitoro de o Isiraele ma nyawa manga balu-baluhu yolomo yomakutuono o huhuba ma inomo Ma Jou ai himangoka.

Roma 12:18

De ngini kiani nihitaili de nia hininga ma gahumu la nimakao irahai de o nyawa mata-mataika. Ho ufa hiadono ma titi nginioka hiadono o ribuutu idadi.

Ibarani 12:14

De ngini kiani duru nimaribuutu la ka ihikaika nimakao irahai ngini de o nyawa mata-mataika la o hininga ma miriidi ilaku nginioka. De kiani nimaribuutuoo la o hininga ma debi-debini ka ihikaika nianiiki, angamoi nako hoka ngini ko nianiikua, gea ahao hatoli nimaketero hoka o nyawa abe ko yotebinua. De gea hohioriki ona gea ahao duru ko idadiua iwimake Ma Jou.

1 Peturusu 4:9

De nako nia gogianongoru inirekata nginika, gea kiani nimakokadafongo de nimakao irahai, de ufa niahigurubungu onangika abe ona inirekatino.