Dodadi 26:27 - Ma Jou ai Demo-demo o Totobelohoka

²⁷ Ho yoboa o Isakika de o Isaka waleha onangika wato, “Ngohi naa toheranga niboa niato nihirekata abe ma dihira ngohi tamao hoka ngini nioigo nihimusu hiadono nihihuloko la tomatingakoka nginino. Ho sarakia, marai naga ma titi ho hiadono ngini naa nihitutumu ngohi?”

Dodadi 26:27 ပူးပေါင်းရင်းမြစ်များ

Dodadi 26:14

De to una ai aewani o dofo ma duduono abe hoka ai domba, de ai hapi, de ai unta enangoo ka ihikaika ifaa-faatuku. Hokogea ai aewani ma duduono idogo-dogo hiadono o Isaka ai duduono, de ai gogilaongo, de ai duduhunu yowoeholi ho hiadono o Filistina ma nyawa iwitaleana.

Dodadi 26:16

De o Abimeleke o Isakika witemo wato, “Hobata, to ngona ani buturungu kohaamoko ho marai gea kiani nomaturuuru. Kalioli ngona nomahitigino ngomino.”

Dodadi 26:28

De ona yopaluhu o Isakika ato, “Hokonaa mia dodiawo, ngaro ma dihiraino ma, duru itararono Ma Jou o Yawe ka ihikaika woniniiki. Ho ngomi naa minitutumu miato kiani ngone homahiketehibehehongo de ma dodunguu abe haborigou-goungu ngomi de ngini la ko iwa ma oraha homaketeruwae la o dame dika hapaliara.

Hidingoto 7:14

De ahao o Yusupu wibehehongo ai baba o Yakubu wato, ‘Baba, ngona de ani nyawa mata-mata kiani nikokiboa ngohino la nigogere naa o Mesiiri ma tonakoka.’ Abe o Yakubu de ai dutu ona gea yamoritumidi de yamotoa.

Hidingoto 7:27

“Masara ma nauru abe wahowonoka una ka witila o Musaika de wibobeto unangika wato, ‘Ho ngona naa done sarakia nomagoraka la nato nomiduhunu ngomi? Angamoi ngomi ko minigorakua la nodadi to ngomi mia hihira, de ko mioigoua la ngona nomitailako de nomiurusu mia liliara naa!

Hidingoto 7:35

Ho una gea abe ma dihiraino de ai gogianongoru iwioluku unangika, duru una gea abe Ma Jou wihidingotoli ma oraha naa. Abe ma dihiraino gea de ai gogianongoru iwitaere o Musaika ato, ‘Ngomi naa ko minigorakua la nodadi to ngomi mia hihira de ko mioigoua la ngona nomitailako de nomiurusu mia liliara naa!’ Ho gea Ma Jou wipake ai malaekata womatengoino la o Musa wihidingoto ai nyawaika. Abe ai malaekata gea womahimatoko o gota ma dodipokouku ma uku ma goronaino de o Musa wihidingoto la wodadi ai nyawa manga hihira de manga duduhunu abe manga kokangelaino.

Hidingoto 7:9

“De ipahaino de o Yakubu ai ngofa-ngofaka duru iwitaleana manga dodotika o Yusupu, ho iwifukunu dika la wodadi o Mesiiroka ma nyawa manga gilaongo o Mesiiri ma tonakoka. Masara Ma Jou Una naga de de o Yusupu

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”

Hihira 11:7

De o Yefata wopaluhu onangika wato, “Ngini hokogea nihioluku de nia dohata hiadono nihikiniikoka ahi baba ai tauino, de done sarakia hiadono hokonaa nogahoko ngohino? De abeika hoka ngini kiani duru nikangelaukuohi de ahao nihiahokoli la ngohi tolio ahi tonakika e?” Hokogea o Yefata womademo.