Dodadi 26:24 - Ma Jou ai Demo-demo o Totobelohoka

²⁴ de o futu gea Ma Jou o Yawe womahimatoko o Isakika de wihingahu wato, “Ngohi Ma Jou abe ani baba o Abarahaama womahuba Ngohino ho tomahiromanga to Abarahaama to una ai Jou. Ho ngona ngaro ufa nohawana ngaro o kiaka dika naika angamoi Ngohi ka ihikaika toniniiki. De Ngohi ka ihikaika tonihiowa de ahao ani totoforauku tahidadi la yowoe-woeuku mangale ma titi tihohininga ahi gilaongo o Abarahaama.” Hokogea Ma Jou ai behehongo o Isakika.

Dodadi 26:24 ပူးပေါင်းရင်းမြစ်များ

Dodadi 13:16

De to ngona ani totoforauku tahidadi la yolape-lapeuku hiadono duru ko manga ngoe-ngoeuku. Abe hiadono ona hoka o tonaka ma kafo manga ngoe, ho ko moiua yapoa yaetongo ani totoforauku manga ngoe.

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

Dodadi 17:7

De gea abe Ngohi tonihibehehongokau ngonaika ahao ka ihikaika tahibehehongoli onangika abe ani totoforaukuika. Ho ngaro hokokia dika yolape-lapeuku masara hokogea ahi behehongo de duru ko itogu-togumua. Hokogea ahi hininga la Ngohi todadi to ngona ani Jou de to onangoo manga Jou ka hiado-adonika.

Dodadi 17:8

Abarahaama, naa tonihingahu abe ma oraha naa ngini hoka o homoa ma nyawa dika o Kanani ma tonakoka naa. Masara o tonaka naa idadioka ahi hidoaka ngonaika de ani totoforaukuika la idadi to ona manga tonaka ka hiado-adonika. De Ngohi to ona manga Jou.” Hokogea Ma Jou ai hingahu.

Dodadi 21:17

De o Isimaele ai hininga ma huha hiadono unangoo woari de Ma Jou wigihene de Ma Jou ai malaekata daku o dihangoka de auku womitemo o ngo Hagaruku wato, “Hagara, hokokia ani huha? Nako ma titi naga abeika nohihingahu. Ngaro ufa nohawana angamoi ani ngofaka abe doka womaiduoka, to una ai kangela Ma Jou wohiorikoka.

Dodadi 22:17

Ho naa tonihiowa ngonaika de ma gou-goungu abe ani totoforauku tahidadi yowoe-woeuku hiadono ona hoka o murumu o dihangoka manga ngoe, de hoka o dowongi imui-muiuku duru kohangoe o gahi ma ngigoroka, hokogenangoo manga ngoe to ngona ani totoforauku. De ona ahao yaparangi manga musuika hiadono yahikala de yaturuuru manga kota-kotaka. Hokogea taduhunu hiadono to ngona ani totoforaukuoli yogogere manga musu manga kota-kotaka.

Dodadi 22:19

De ipaha o Abarahaama de o Isaka yolio manga gilaongika de ahao yosoboli yaiata gea yolio manga tauika o Bereseba ma tonakika de genangoka yogogerohi ma dekana.

Dodadi 24:12

De ahao una womaniata wato, “Ma Jou o Yawe, Ngona ahi dutu o Abarahaama ai Jou, kiani nohiduhunu. Abe ngohi naa tomagahoko la ani dora unangika nohimatokoli abe duru o wange naa dika de nohiduhunu la o Isaka ngoi fekata tomimakeoka la ahi dodagi de ma hasiloka.

Dodadi 28:13

De wimake naga daku o ngute ma barenoka Ma Jou o Yawe womahigokoino genangoka de wihingahu o Yakubika wato, “Ngohi Ma Jou o Yawe, abe Ngohino yomahuba-huba ani ete o Abarahaama de o Isaka ani baba. De abe ma tonaka naa ngona nomaidu-iduoka ahao tahidoaka ngonaika de ani totoforaikaoo tahidoaka.

Dodadi 28:15

De abeika Ngohi naa naga ngonaka de ka ihikaika toniniiki, tonigoana de tonidatoko o kangelaino. Ngaro o kiaika dika noiki ma ko tonitinga-tingakua hiadono tonihigilio o tonakino naa de tabooto todiai mata-mataika abe tonihibehehongoka tato todiai.” Hokogea Ma Jou womahimatoko o Yakubu ai buluhara ma goronaka.

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 30:27

Masara o Labana wopaluhu wato, “Ahi ngofaka nako noigo nohihisanangi ufa nomatingaka ngohino. Abeika, wohihiowaka Ma Jou o Yawe ma titi ngona naga ngohioka abe ma oraha tomamaihi de naga ma dodunguu abe itaana hokogea.

Dodadi 31:5

Ho ka de yoboaka de wahingahu onangika wato, “Marai ngini niamakeoka abe nia baba ai hininga ngohino imakohowonoka de ma dihira, abe naa naga una hoka ko wohisanangiokaua ngohino. Masara Ma Jou, abe ahi baba womahijou Unangika, ka ihikaika wohiniiki ngohi de wohiduhunu.

Dodadi 39:2

Ho o Yusupu wogogere o Potifaraka, una o Mesiiri ma nyawa gea, la o kia dika o Potifara wihuloko kiani wokarajaanga, gea kiani wodiai. Masara Ma Jou o Yawe naga o Yusupoka de wihiowa la ai karajaanga mata-mataika de ma hasiloka.

Dodadi 39:3

De itararono o Potifarika abe Ma Jou o Yawe naga o Yusupoka de ma titi widuhunu o Yusupika hiadono ngaro ai karajaanga o kia dika ma duru irahai.

Dodadi 46:1

Ho o Isiraele wosoboka woiki o Mesiirika ka ma moi de to una ai ngofa-ngofaka. De ai kiahonanga, de ai duduono, de ai nyawa ka ma moi waoka. De gea yotuluikahi o Beresebaka de yomahiaini genangoka. De ai aewani muruono naga wairikino de watoma la womahihuba Ma Jouiye abe ai baba o Isaka to una ai Jouika.

1 Kokoano 17:13

De o Elia wotemoli munangika wato, “Hobata, ngaro ufae dika de nohawana de o hafini masara nolio de nodiai dika abe hoka nohideeoka. Masara ihira nohidiai ahi roti moi ma eteteke abe ani tarigu de ani saitunu ma minyaino, de ahi roti gea nohihidoaka ngohino de ahao nodiaioli ti ngini nia inomo la ka idadi nginioo niaolomo.

Huhupu 14:13

Masara o Musa woigo wahiriidi wato, “Ngini nimariidoka dika! Ngaro ufa dika de ngini nihawana, nia hininga niabitu-bitumu dika Ma Jou o Yaweika. Ngini duru o wange naa ahao de nia lako niamake ai duduhunu itagi ngoneino! O Mesiiri ma nyawa gea ko wahigunoaua la ona inahikokibinaaha! De ona naa niamake yoboaino ka o wange naa dika de ahao ko niamakeokauali ka hiado-adonika.

Huhupu 3:6

De Ngohi naa Ma Jou abe ani baba womahijou Ngohino. De to ngona ani tofora o Abarahaama, de o Isaka, de o Yakubu, onangoo yomatobahuba-huba Ngohino.” Ka de o Musa hokogea woihene Ma Jou wotemo unangika de ka womatatoko ai himanga angamoi wimodongo womalega Ma Jouika.

Matiusu 22:32

‘Abe ani totofora o Abarahaama de o Isaka de o Yakubu, ona gea ka ihihigiriiriohi Ngohino.’ Hokogea Ma Jou ai demo. Ho abeika naa niafikiri, abe ma oraha gea Ma Jou witemo o Musaika, gea ona yaruange manga badanga yokokihonengokau, eko sarakia? Masara Ma Jou ka wotemohi wato, ‘Ona gea ka ihihigiriiriohi Ngohino.’ Ho abeika, nako ka manga honenge dika, done sarakia de iwihigiriiriohi Ma Jouika? Angamoi ona yohone-honenge ko yakunua iwihigiriiri. Ho genangino naga hamake abe ona gea yaruange ka yowangohi naga Ma Jouoka de ka hiadono ma oraha naa nagahi manga gogao manga Jouika. Angamoi nako ona ka manga honengokahi dika, gea de Ma Jou ko wafetongua wato, ‘Ona gea ka ihihigiriiriohi Ngohino.’ Ho nako ngini niato ona yohone-honengoka ahao ko yomomikokaua, genangoka de hiadono duru niahowono!” Hokogea o Yesusu ai dodaere ma demo onangika.

Lukasa 12:32

“De igoungu abe ngini Ma Jou ai nyawa ko niwoeua de nia kuaha hatoli ko iwa. Masara ufa nihawana, angamoi ti ngini nia Baba duru wosanangi dika winigorakiye la nidadi to Una ma hirete ai nyawa hiadono Una winihikoano nginika.”

Hidingoto 7:32

‘Ngohi naa ani totofora manga Jou, abe o Abarahaama de o Isaka de o Yakubu ona yomahuba-huba Ngohino.’ De gea o Musa woihene de duru wofafara ma titi ai hawana duru ilamokoholi ho womatatoko ai himanga de ko womalegaua genangika.”

Higalioli 31:6

Ho ngini koaho nimaputuhu la ngini naga de nia buturungoka de nia domoroinoka! De ufa hiadono niamodongo onangika de ufa nifafara ma oraha nimarihimanga de ona, angamoi ti ngini nia Jou o Yawe ahao wininii-niiki ma oraha gea. De Una gea duru ko wininoaua de ko winiwohangua.”

Ibarani 11:16

Masara duru hokogenangua to ona manga hininga, masara ona duru yoigo la ato yomahiadonika o tonaka eko o ngi abe ka enangohi duru irahai nako de o ngi utu. De gea ma titi tanu yoigo yomahiadono o Horogaiye, abe ma ngi ka enangohi duru irahai. Ho mangale ma titi to ona manga hininga ma dumutu duru itagi Unangika de ai ngiika, ho Ma Jou duru wosanangi ma titi ona gea yomahijou Unangika. De mangale ma titi Ma Jou wasanangi onangika hiadono Una wahidiaioka to ona manga ngi ai kotaka gea abe imanoa o Horogaka.

Ibarani 13:6

De mangale ma titi ai demoino gea ho duru inahiputurungu nanga hiningaka hiadono ngone ka idadi hotemo hato, “Nanga Baluhu idodutu Una gea to ngohi ahi Duduhunu ho ngaro ufa dika de ngohi tohawana. Angamoi mode sarakia hiadono o nyawa dika de ka akunu ihiruwae ngohino? Duru ko idadiua ihiakunu!”

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.

Ruutu 3:11

Ho naa, gianongoru, ngaro ufa nohawana. De o kia dika ngona nogahoko todiai, gea mata-mataika ahao ngohi todiai. Ko moiua o Beteleheeme ma dimo-dimonino abe ahao inihiade-ade ato ngona nahowono noboa hokonaa angamoi ona mata-mata inihioriki abe ngona o ngofeka abe ani wowango ma datoro irahai.” Hokogea o Boasa ai horomati ma demo o ngo Ruutika.