Dodadi 26:22 - Ma Jou ai Demo-demo o Totobelohoka

²² Ho yomaturuuruoli o Isaka, de ai nyawa, de ai duduono mata-mata yomaturuuru. Ho ahao o humu moioli yofaiti de ma moioli o akere yamake. Masara ko yaiwa ma nyawa genangoka abe yahikangela ma titi manga humu gea ho o Isaka wohiromanga o Rehoboto ma humu abe ma titi o gupa kohaamokika. Abe wotemo wato, “Nenangoka Ma Jou o Yawe wonahidailakoka o tonaka naa abe inawedono hiadono nanga kuranga ko iwa de ka idadi nanga datomo de nanga dofo de ma hasiloka.”

Dodadi 26:22 ပူးပေါင်းရင်းမြစ်များ

Dodadi 17:6

Ngohi tonihiketero hoka o gota abe duru itotohofoko angamoi hokogenangoo ani totofora ahao duru ko manga ngoe de manga gogeroo o tonaka ma ngoeoka. De hiadono naga utu ani totoforaukuino abe ahao yodadi o kokoano ma nyawa.

Dodadi 26:21

Ho o Isaka ai gilaongo moioli yofaiti o humu de ka yamakeokali o akere masara ka de yamakeoli de o Filistina ma nyawa ato enangoo yale hiadono yokadatoro ma humu gea ho o Isaka wohiromanga o Sitana abe ma titi inalawana.

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 41:52

De ai ngofaka o dodoto wihiromanga, “o Totohofoko,” abe to ona manga demo “o Efaraimi” angamoi ma oraha womaboa o Yusupu womahingahu ai hiningaka wato, “Ma Jou wohiaturu la ahi wowango de ma utumoka ngaro ahi kangela ma ngoe o tonakoka naa.”

Higiriiri 18:19

de Una wohihihira-hira o dame ma ngiika, angamoi Una wohisanangi ngohino ho hiadono wohiduhunu.”

Huhupu 1:7

Masara o Isiraele ai totoforauku ka ihikaika yofaa-faatuku. Hokogea yodogo-dogo hiadono duru de manga buturungoka. De ika-ika de duru ko manga ngoe hiadono ona yodokemoka o Mesiiri ma tonakoka gea.