Dodadi 26:1 - Ma Jou ai Demo-demo o Totobelohoka

¹ Naa idadiokali naga o hiwara ma dekanino o tonakoka abe o Isaka wogogere genangoka ho naga o hafini imaketero hoka ma dihirali abe ma oraha ka o Abarahaamohi. De ma titi o hafini gea hiadono o Isaka woiki doka o Gerara ma tonakika abe genangoka o Abimeleke wahikoano o Filistina ma nyawa.

Dodadi 26:1 ပူးပေါင်းရင်းမြစ်များ

Dodadi 12:10

De gea yogogere o Negebe ma tonakoka, ma, ipaha naga o hiwara ma dekanino hiadono o hafini idadi o Negebe ma tonakoka. Ho o Abaraama womaputuhu wato yoiki doka o Mesiiri ma tonakika la ka idadi yogogere jai-jai genangoka angamoi o hafini duru kohagiria.

Dodadi 25:11

De gea o Abarahaama wohonengoka de Ma Jou wihiowa ai ngofaka o Isaka. Ma oraha gea o Abarahaama wohonenge de o Isaka wogogere o ngi moiokali abe naga itigino de o humu gea ihiromanga o Lahai-Roi.

Dodadi 25:34

Ho gea wihibehehongo ibooto de ahao o Yakubu ai bosi de o roti wihidoaka o Esauika. Ho gea o Esau wolomo ibooto de o akere wokere ibooto de ka dau de womaokoiye de wosoboka. Hokogea o Esau ai hininga abe ko womalegaikaua ai oarika, abe kiani o riaka yamake ma oraha manga baba wohonenge, gea ko wopusingua.

Dodadi 42:5

Ho o Yakubu ai ngofa-ngofaka yangimoi gea yoiki o Mesiirika yomalingiri o inomo. De naga manga ngoe o nyawa o tonaka utuino onangoo yokokiboa o Yusupika angamoi o Kanani ma tonakokaoo ko iwaka manga inomo.

Dodadi 43:1

De o hafini kohagiriakaholi o Kanani ma tonakoka angamoi o hiwara kohadekanino o tonaka mata-mataika.

Huhupu 33:1

De ahao Ma Jou o Yawe wihuloko o Musaika wato, “Ho naa Musa, ngona de o nyawa naa, abe nahihupuoka o Mesiiri ma tonakino, kiani ma ngi naa nianoaka de nisobokali. Ngini naa niloiki o tonakika abe Ngohi de o demo ma dodunguu tapake ma oraha tahibehehongo o Abarahaamika, de o Isakika, de o Yakubika abe tahingahu, tato, ‘O tonaka gea tinihidoaka nginika de ka hiadono ti ngini nia totoforauku.’ Hokogea ma dihira ahi behehongo ho naa ngini nisobo nigila-gila ma tonakika abe tahibehehongoka.

Ruutu 1:1

O ade-ade naa idadi ma oraha o Isiraele ma nyawa yogogerokau o Kanani ma tonakoka ma dekana. De ma oraha gea manga musu ka ihikaika yahikangela o Isiraele ma nyawa ho Ma Jou wohigali-gali wairiki manga hihira ma hidimono abe ona gea wahiakunu la hiadono ka idadi manga gogianongoru yahihupu manga musu manga kuahaino. De ma oraha gea naga o Isiraele ma nyawa womatengo ai romanga o Eli-meleke. Una de ngoi fekata de manga ngofa-ngofaka o Yehuda ai totoforauku abe yahiromanga o Efaraata ma nyawa angamoi manga kapongo gea ihira ihiromanga o Efaraata de ika-ika ihiromangoli o Beteleheeme. De ma oraha o Eli-meleke wogogere ma kapongoka gea ma romanga ma dekanokau o Beteleheeme. De ipaha manga tonakoka gea naga o hiwara duru ikiriakaholi hiadono idadi o hafini ho o Eli-meleke gea wato o hafini ma kangelaino wodokaowara. Ho o Beteleheeme wanoaka de una de ngoi fekata de manga ngofaka o nauru yahinooto wao. De ona yoiki ma gurutika angamoi o hiwara gea adaene o Isiraele ma tonaka ma hononga mata-mataika gea abe ihiromanga o Yehuda ma tonaka. Ho o Eli-meleke de ngoi fekata de ai ngofa-ngofaka yoiki hiadono o Isiraele ma tonaka ma batingi yatilakuroka de yogila-gila daku o Moaba ma tonakiye. De o Eli-meleke gea ngoi fekata ami romanga o ngo Tobasanangi abe nako to ona manga demo o ngo Naomi. De manga ngofaka o riaka ai romanga o Wotobapanyake de manga ngofaka o dodoto ai romanga o Wotobaona-ona. Ho ona o tau moi yomaturuuruoka ho hiadono yogogere o Moaba ma nyawa manga hidogoronaka.