Dodadi 25:8 - Ma Jou ai Demo-demo o Totobelohoka

⁸ Hokogea ai wowango ma dekana de ahao o Abarahaama wohonenge ho gea duru iwiperekioka ma oraha wohonenge.

Dodadi 25:8 ပူးပေါင်းရင်းမြစ်များ

Dodadi 15:15

Masara ngona ma hirete o kangela hokogenangua namake, ngona ahao iniperekioka de ani hininga duru de ma dameoka ma oraha ani ngomaha itoaka. Ho to ngona ani wowango o duniaka ma dekanino de ahao adono ma oraha nohonenge de inilungunu.

Dodadi 25:17

O Isimaele ai wowango ma dekana o duniaka adonoka ai ngumuru ai taongo o ratuhu moi de moruange de tumidi de ahao wohonenge.

Dodadi 25:7

De o Abarahaama ai wowango ma dekana o duniaka adonoka ai ngumuru ai taongo o ratuhu moi de moritumidi de motoa.

Dodadi 35:18

Masara o ngo Rahele ka de momangakunu de mohonenge de ngade-ngade ami ngomaha itoaka de motemo mato, “Una naa duru o huha ma ngofaka ho kiani nihiromanga o Ben-oni.” Masara ai baba wato, “Koua, hokogenangua angamoi una ahao duru ahi datekoka ho tihiromanga, ‘Ahi Nirakoka.’” Ho de to ona manga demo o Yakubu wifetongo, “o Benyamini.”

Dodadi 37:35

De ngaro ai ngofaka de ngoi ora ona mata-mata iwilaru masara manga lalaru ma demo gea waoluku wato, “Ahi huha naa ko itoa-toakua ka hiadono tohidohonenge.” Hokogea o Yakubu wotemo de ahao ka woariokali.

Dodadi 49:29

Gea wahiowa ibooto de ahao o Yakubu wahingahu ai ngofa-ngofakika wato, “Ngohi tohioriki itigioka ahi gahe abe genangika toiki la mimatoomuino de ahi totofora manga ngioka abe ona yododihiraika yohonenge. Ho naa ahi behehongo moioli abe kiani nianiiki, togahoko la ngini nihilungunu ahi ete de ahi baba manga lungunoka o Kanani ma tonakoka. To ona manga lungunu ma ngi gea o Makapela ma aruku ma goronaka abe ma dihira to Hete ma nyawa abe ai romanga o Eforono to una ai redioka abe imakitingaka ko ikurutikaua de o Mamere ma ngi. De o Abarahaama womaijaka ma aruku gea abe imaritonakika de ma redi la ika-ika de idadi to ngone dika nanga lungunu ma ngi.

Dodadi 49:33

Hokogea o Yakubu wahibehehongo onangika ibooto de ahao ai lou wagoraka de wakelengali ai koiuku de womarubaiha ai koioka. Ka de womaiduokali hokogea de ai ngomaha itoaka ho Ma Jou wahidotoomuino ai totoforaka manga jiwa ma ngioka abe ona yododihiraika yohonenge.

Dodadi 50:13

Abe manga baba ai peti yagoraka la iwingotaka ai honenge o Kanani ma honongaika de iwihingohama o Makapela ma arukika de genangoka iwilungunu. O aruku gea abe ma dodihiraka o Abarahaama womaijaka o Hete ma nyawaino la idadi manga lungunu ma ngi o Eforono ai redioka abe imakitingaka ko ikurutikaua de o Mamere ma ngi.

1 Tawari 23:1

De ma oraha o Dautu duru ai dekanoka o duniaka abe una iwiperekioka de ahao ai ngofaka o Saloomo gea wihidadi ai duruuru, ho o Saloomoli wodadi o Isiraele ma nyawa manga koano.

1 Tawari 29:28

De ma oraha una wohonenge una duru iwiperekioka de ai sanangi nagahi abe ai wowango ma dekanino de naga ai utumu. De una wokaya de o kiahonanga, de nagali o nyawa manga horomati duru itagi ma amoko unangika. Ho wopahaka de ahao ai ngofaka o Saloomo wituruuru ho unangoli wokoano.

Sosawaro 20:29

Ngone ka idadi homalega de nanga sanangi ona yogoo-gooika ma titi manga bobuturungu. Masara utuohi nanga horomati itagi onangika abe manga pea iare-arehoka.

Yeremia 6:11

Ho naa to Ngohi ahi ngamo duru ifae onangika! Igoungu ko idadiokaua tomatongohono ahi ngamo tatumungu la ufa itagi manga dorouika.” “Ho tagopoa ahi ngamo ma hohowono onanguku o Yerusaleeme ma kotauku. Ngaro yadaene o ngofa-ngofaka abe yogogule o ngeko-ngekomoka, de ngaro o goo-goduuru manga doomu homoi-homoiika, de ngaro o balu-baluhu o rokata de manga feka-fekata, de ngaro o be-be de o ete-ete abe yaperekioka, masara ahi ngamo ma hohowono yadaene ona mata-mataika.

Gegetongo 20:24

Abe Ma Jou wahingahu onangika wato, “Musa de Harunu, adonoka naa ma oraha o Harunu wohonenge ho to una ai jiwa de ai totofora manga jiwa ka ma moi tahidotoomuino abe ona yododihiraika yohonenge. Ho una ko idadiua wogila-gila wowohama o tonakika gea abe Ngohi tahidoaka o Isiraele ma nyawaika. Angamoi ngini inihinooto nihilawana hiadono ko nianiikua ahi behehongo nginika ma oraha o akere gea tinihidoaka abe o Ribuutuino ma akeroka. Ho gea ma titi hiadono ngini ko idadiua niwohama o Kanani ma tonakika.

Gegetongo 27:13

Ho ngona namakeoka ma tonaka gea de ahao ngonaoo hoka ani riaka o Harunoli abe ani gogianongoru ko yowohamikauahi de ngona nohonengoka. Abe naa adonoka ma oraha ngonaoo nohonenge ho to ngona ani jiwa de ani totofora manga jiwa ka ma moi tinihidotoomuino de ona yododihiraika yohonenge.

Hidingoto 12:23

De manga higiriiri ma demo gea o Herodese woihene de wodafongo dika, abe tanu koaho wataere onangika de wahigaro la ona iwihigiriiri ka Ma Jouiye dika de ko unangikaua. Ho mangale ma titi manga higiriiri wodafongo ho ka itodokanino de Ma Jou ai malaekata ka wihipoha unanguku de o panyake moi abe duru itorou. De ma panyake gea o kulubati duru ma dorou abe aolomo ai roehe doka ai badanga ma goronaka, de ko itedekanuahi de una wohonengoka.

Hidingoto 13:36

Hokogea o Dautu wohitulihuku, masara itararono abe ai demo gea ko ihidumutua to una ma hirete ai honengika. Angamoi hohioriki abe nanga tofora o Dautu una wohonenge de ahao ai honenge gea ka ikorofu. Abe ma dodihiraino de una waleleani ai gogianongoruika ma oraha wahikoano ho hiadono una wamataka ai karajaanga Ma Jouoka de aino. De ahao una wopahaka de iwilungunoka, de iwilungunu ipahaino de ahao ai honenge ikorofu.

Hidingoto 5:10

De ka itodokanino de munangoli ka mohidurubauku ho mohonengoka. De ma goo-goduuru yowohamino de imimake ami honenge daena ho imigoraka de imiao ma lungunu ma ngiika de imilungunu ami rokata ai honenge ai datekoka.

Hidingoto 5:5

Ka de o Ananiasa woihene ma demo gea de ka itodokanino de wohidurubauku ho wohonengoka. De ona abe yoihene ma titi gea idadioka unangika, ona mata-mata duru yokokihawanoka.

Higalioli 32:50

De ma tonaka gea namake ipaha de ahao ngona ani wowango ma baha adonoka ho ma lokuoka gea de ngona nohonenge. De gea ahao ka idadi ngona de to ngona ani totofora abe yohira-hira yohonenge nimatoomuino. Ho gea idadi ngonaika abe imaketero hoka idadioka ani riaka o Harunika, angamoi unangoo wopahaka de ahao yomatoomuino una de nia totofora gea.

Hihira 2:10

Ho ona abe yowango yomakutuono ma oraha yokokiwohama o Kanani ma tonakika naa ihidotoomuinoka manga totoforaka abe ma titi ona yokokihonengoka. Ho ona gea yokokihonengoka de to ona manga ngofa-ngofaka de manga dano-danonguku yobaluhiye masara ko yomahijouokaua Ma Jou o Yaweika. De ona ko yomahihohiningakaua Ma Jou o Yawe ai buturungu abe ma dodihiraino waduhunu o Isiraele ma nyawa manga dodagi ma kangela ma goronaino.

Hihira 8:32

Ho o Gideono, abe ai baba o Yoasa, ai wowango ma dekana hiadono ai pea duru iarehoka de ahao wohonenge de iwilungunu ai baba o Yoasa ai lungunu ma ngioka abe ai baba gea wododihiraika wohonengoka. De manga lungunu gea naga o Ofara ma kapongoka abe manga fam o Abiesere manga doomu ma kapongo.